ابي مساعدة لأخوي الكفيف،ممكن

[وينونا]

السلام عليكم
شلونكم بنات شخباركم

ببدي بالموضوع على طول
انا اخوي كفيف وعمره 10 سنوات وما شاء الله عليه متفوق بدراسته وحيل ذكي
وفي اخواني اثنين اصغر منه والحمدلله متعافيين مافيهم شي.
فهو دايم يلعب معاهم بس مرات اشوفهم يتهربون منه لأنهم يزهقون لما يمسكونه ويعلمونه عن كل شي
لأن هو حيل اسألته واجد وكل شي يبي يعرفه، وحنا مو مقصرين معاه كل شي يبيه نشتريه له
بس والله مرات يكسر خاطري لما يقعد لحاله ويناديهم وهم ينحاشون عنه ويلعبون مع ربعهم ويخلونه احسه حيل يزهق

فودي تقولي لي عن العاب او شغلات تفيده عشان يستفيد من وقته وما يمل
للعلم هو عنده قصص واجد على طريقة برايل بس يقراهم ويمل منهم، وعنده اشرطة دينيه مو دايم يسمعها ويحب يتابع الكرتون بس اخواني يزهقون منه من كثر أسألته .. انا مرات احس ان مالهم ذنب فهم بعد جهال ومو ملزومين يعلمونه بس بنفس الوقت احس بالذنب تجاهه

فبليز ساعدوني لأن انا مادري شنو الشغلات اللي تنفع له ويستانس وهو يسويها​

 

[شادن المطيري]

بصراحه ماادري عن الالعاب



بعد عمري عور قلبي ذكرني بنشيدة الضرير مالت العفاسي



حبيبتي ودوه مكه وشربوه ماي زمزم بس على يقين ان هذا علاجه


شهر شهرين او 3 وثقي بالله بيرجع مبصر ان شاءالله



ادري منتو ذاخرين عنه شي بس ساعات تطوف علينا شغلات وماي زمزم لما شرب له


بشرط الايقان التام ان هذا هو العلاج

 

[القرآن ربيع قلبي]

الله يشفيه يارب
عور قلبي بس الحمد لله انه ذكي نعمة من الله ولاتملون من اسالته ربي يحفظه
الصغار حرام بعد مالهم ذنب مو مستوعبين لي الحين
خل يعزم ربعه او يطلع مع الوالد وفيه محل سمعت كله سوالف العاب وقصص وكل شي لغير المبصرين بس والله مادري وين
او انج تطلبين له طلببية بالنت اكيد تلقين سوالف حلوة
الله يجزاج خير على اهتمامج باخوج والله يشفيه يارب

 

[ناتشوو]

الله يحفظ لج اخوانج
وييسر اموره
ويعيننا واياكم على الدنيا

 

[فرح العجرف]

ياقلبي...الحمدلله انه الله عوضه بشي احسن من اللي فقده نعمة العقل....

واخوانج لازم تعودينهم ماينفرون منه وبالعكس يتحملونه ودايم حنني قلبهم عليه علشان مايحس بالحرمان...

اذا اخوج قاعد يمل واجد هذاا دليل احساسه بالحرمان من نعمة البصر...

كثرواا القعده معاه بالاخص واحد فاهم وكبير يسولف معاه ويكون عينه المبصره مثل مربيه او مدرسه متخصصه

وعودي اخوانج يكنون له عينه المبصره...

صج ان الله ابتلاه بس ان شاء الله رزقه اهل يهتمون فيه....

 

[كاشونه]

انا عندي نفس الحاله بس نشغل وقته بالسوالف والتلفزيون وشاريتله pspيلعب فيها وخلي يعتمد علي نفسه بالبيت اكثر يعني مايحتاج احد وخليه ينزل الحوش يلعب كره قاري واذا حابه تشتريله اشياء ثانيه اعطيج رقم برايل هاوس عندهم العاب 99337060
الله يشافيهم ويعافيهم قولو امين واي شي ثاني حبيبتي انا بالخدمه

 

[البرنسيسه سعاد]

الله يشاافيه يارب

شوفي انتى لعبي معاه

مثال


قولي انا بكتب رقم بورقه من 1 لى 10 وانت توقع رقم جم ؟

وو عندج امم

قوليله انا بوكلك اكل وانت توقع شنو هذا ؟

وفكري بالالعاب والله يشفيه لكم يارب

 

[وينونا]

مشكووورين والله ما قصرتوا
يعطيكم الف عااافيه
وانا بحاول اسوي اللي قلتوه وان شاء الله ينفع

 

[كويتيه وافتخر]

الله يشافيه
ولدي عمره بالاشهر وكفيف واحاتي السنين الجايه الله يعين

 

[الريادة]

يعطيج العافية على اعتنائج بأخوج ..
الله ياجرج انشالله . سوي سيرج على جوجل blindness
عطيج أفكار حلوة ما تطري على بالج .

 

[bint_looda]

الله يشافيه وياجركم انشالله مادري شقول والله عورتوو قلبي ... بس شوفي الرقم الي حطته كاشونه اتوقع هالمحل كله العاب حق الكفيفين .. بس لاتعودينه ان كل مامل تعطينه لعبه يديده عاد بعدين ماكو شي يعجبه .. مثلا خليها مكافئه او بالاسبوع شي يديد واحد بس .... خليه يتعود ان يلعب باللعبه الوحده جم مره مو مره ويقلها

الله ياجركم انشالله حبيبتي

 

[ام^صالح]

اللهم اشفه والطف به وسخر له عبادك بالارض يااااااااااااااااااااااارب

 

[كل الأسامي مأخوذة ليش؟]

حبيبتي ليش ما تجربين تروحين حولي نادي المعاقين اكيد عندهم كارتيه او العاب رياضية ثانية تشغل وقته العصر
ودشي قوقل راح تلقين افكار مو طبيعية
الله يشفيه انشالله
انا ولد اختي مسكين اعاقة عقلية وعينه مايشوف من اندر الحالات المرضية
وغير هذا قلبه بس الله يعين

 

[غلاي غير]

لا حول ولا قوة الا بالله العلي العظيم الحمد الله على كل شي

يارب تشافيه وتعافيه ويصبركم عليه والحمد الله الحين العلم تطور وفي اشياء وااجد تفيده ومثل ماقالوا قوقل ما خلا شي

 

[الصابرة المحتسبة]

رفع