ابي مساعدة للي تزوجت مرة ثانية

[whisper]

السلام عليكم حبايبي

ما عليكم امر ابي اعرف البنت اذا تطلقت متى تفكر بالزواج مرة ثانية ؟؟؟
يعني اذا حصلتلها فرصة تجدم عليها ؟؟

وشلون تقدرين تفرقين بين حيات قبل وحياة الحين وخاصة اذا في يهال وتخافين من معاملة ريل الام لهم

ولو صارت شنو الشروط اللي لازم تحطينها اذا بناتج معاج؟؟
عشان توفريلهم الاستقرار اللي فقدووه من ابووهم

وشاكرتلكم :eh_s(7):

 

[قاهره عذالي]

تفكر بعقلها
وان جاها احد
تسال عنه عدل وعن اهله
وتحط شروطها
وتستخير
حسب
ترا الدنيا فرص

 

[ورد وردي]

تستخير

وتحاول ماتطوف الفرصة اذا زينة لانها هم بنت وتبي تحصن نفسها وتعيش حياتها ....... والعيال اذا بتاخذهم واهم توهم صغار ان شاء الله يحسوون ان ابوهم خاصة اذا شاف طيبج ان شاء الله يستحي منج عالاقل ويعاملهم بطيب ..... وانا اعرف وحدة زوج امها احسن من ابوها رباها وكبرها...... بس طبعا اذا كبروا لازم يتغطون عنه حزتها يكونون فهموا الدنيا وعرفو الحلال والحرام


نصيحتي استخيري وسألو عنه عدل لازم يكون راعي دين وصلاة عشان يخاف الله فيكم واذا كنتي مظلومة بزواجج قبل صدقيني الله بيعوضج ان شاء الله انا اعرف انسان انظلم والله عوضة

 

[حساسة مصر]

الاول تلاقي الشخص المناسب و مادام متوفقين يبقا اتوكلي ع الله
((((((و اهم حاجة شرطك الاساسي تقولي له انه تعامل العيال احسن معاملة ))))

 

[whisper]

الله يجزيكم خير

بس هل تحسون اكثر من سنة تكون كافية لزواج ثاني؟؟

 

[بدوية ستايل]

شوفي حبيبتي انا بعد ماتطلقت انخطبت اكثر من مرة وانا ارفض ....ماجاء رجل مناسب صعبة تتطلقين اكثر من مرة
اصبري واستخيري وادعي ربي يعوضك ولاتنسين تسالين عن الرجل زين اذ كان عندك بنات لاتفكرين تاخذينهم عندك خليهم عند امك او مع ابوهم والله يعوضنا خير

 

[قهوة عربية]

اولا خل تعطي نفسها فرصة للعيش بدون رجل ...يعني مو أقل من 6 شهور ..إلى سنة

ولاتتسرع بالاختيار وتفكر عدل ....وتشوف ....إذا كانت صج محتاجة زواج أو تقدر تعيش بدون ريال

وطبعا لازم تشوف مصلحتها ومصلحة اولادها اذا كان في نيتها الزواج بآخر

وحتى لما تتخذ قرار مايكون في تسرع أو إلحاح من طرف ثاني ...

بس مايمنع إذا جاها شخص جدير ويخاف الله فيها وفي عيالها ماتتردد بالقبول

الله يوفقها ....