ابي مساعدة من اللي سافرة دبي!!!

[MISS BAD00RAH]

السلام عليكم
بنات انا بعد يومين بسافر دبي لاول مرة وانشاللة استمتع فيها ,, بس بغيت اعرف وين اروح اذا ابي اخذ هدايا للاهل

والاخوات وخاصة امي وخالتي وابس اسعار حلوة ,,, يعني انا كنت مفكرة بشيلات حلوة ولامي مطارات حلوة وغريبة من

دبي او شي من العطورات الحلوة ,, ولا شراااااااااايكم وشتنصحوني فية ووين ,,

 

[اللولو97]

رد : ابي مساعدة من اللي سافرة دبي!!!

سوق مرشد وسوق نايف يبى حق الكبار زعفران ودراريع خفيفه نص جم وجم طويل رخاص

وشيال وملافع من سوق عطاظ وعندج سيد جنيد عنده بخور وعطور على دهن عود

والبنات تلاقين بالاكشاك ايللى ب مول الامارات ومول دبى شغلات حلوه حق الموبايل

واذا رحتوا السوق الصينى دارغون مول متروس شغلات حلوه وبيجامات ودراريع وسوالف غريبه

كاسريهم الصينين شطار بالتجاره ان شاءالله تستانسون :dddds:

 

[miss foOoshya]

ماقصرت اللولو :dddds:

تروحين وتردين بالسلامه حبيبتي ​

:wqedqw:

 

[الرشا 2003]

رد : ابي مساعدة من اللي سافرة دبي!!!

سووق نايف ومرشد فيه مواعين حلووه وعندج بعد محل بابو للملافع رخيصرويصلح للصوايغ وسووق مرشد فيه جميع محلات العطوور والبخوور من محل بوراشد وخدلج وجنيد والرصاصي واجمل واجد المحلات فيه ومحلات زعفران بعد وعندج بعد مجمع ابوهيل كله عبي والحين الفترة هذه تفتح القرية العالمية شحلاته تونس وفيه معارض من كل الدول

 

[MISS BAD00RAH]

رد : ابي مساعدة من اللي سافرة دبي!!!

اللولو97:hjy5jewf:+الرشا 2003:hjy5jewf:
جزاكم اللة الف خير حبايبي و تسلموووووون علا الرد الوافي :hjy5jewf:

 

[Hello_kitty]

والله حبيبتي انه اقول استانسي بسفرتج وصرفي فلوسج على وناستج ولا تفكرين بصوايغ وغيره

الكويت كل شي فيها والناس اهني انترست عينها من كل شي

بما انج اول مره تروحين دبي فري فر كثر ما تقدرين

 

[om MaRyooM]

رد : ابي مساعدة من اللي سافرة دبي!!!

والله احنا لما نفكر بالصوايغ الا الميزانية مخلصة ومااستانسنا بالسفرة .. لا وجان زين الصوغة تعجبهم لووول

المهم

انا اقول ييبي بخور ولا معمول من ياس والباجي استانسي فيهم

 

[MISS BAD00RAH]

رد : ابي مساعدة من اللي سافرة دبي!!!

Hello_kitty + om MaRyooM:hjy5jewf:

هلا منورين:hjy5jewf: ومعاكم حق بس شنسوي وفشلة ما جيب شي
عشان جذية ابي اجيب شي بسعر معقول والباقي بدلع نفسي فية ,,,
اما علا الصوايغ الواحد اول سفراتة المفروض يجيب شي بعدين لا كثرت سكب مالة داعي الفلوس تروح علا شنو ولا شنو ,, ما قصرتواا :hjy5jewf:

 

[sweet heart]

رحله سعيده اختي .. شوفي حق الشيلات معروووف سوق عكاظ بس شيلاتهم حق حريم كبار مو نفس اللي نهب فيهم بالكويت انا ما اشتري شي حقي مايعجبوني..
عندج الاوت لت تلقين شغلات عليها سيل اذا تبين حق اهلج هدايا انا اخذ منه صراحه ..

 

[زنوبة الحلوة]

بنات انا عندي سؤال

ابي محل بابو اللي الكل يتحجى فيه وين صاير


لان اهوا سوق مرشد شكبرة وجنة فيه ثلاث اسواق مع بعض اذا ماني غلطانة سوق نايف وسوق عكاظ

بس ابي بابو البنات وايد وايد يتحجون عنة ورحت دبي الله وكيلكم ولا دليت شي من هالسوق لان ابي دراريع بعد حلوة

لي زيارة لدبي ان شاء الله بشهر 3

 

[{الجارحه}]

بنات انا عندي سؤال

ابي محل بابو اللي الكل يتحجى فيه وين صاير


لان اهوا سوق مرشد شكبرة وجنة فيه ثلاث اسواق مع بعض اذا ماني غلطانة سوق نايف وسوق عكاظ

بس ابي بابو البنات وايد وايد يتحجون عنة ورحت دبي الله وكيلكم ولا دليت شي من هالسوق لان ابي دراريع بعد حلوة

لي زيارة لدبي ان شاء الله بشهر 3

بابو في شوق المرشد وهم له فرع بالكويت بس اعتقد مو نفسه الخام

انا شريت منه عبايه خامتها تهبببببببببببل

 

[shams2008]

بابو محله بسوق عكاظ
داخل عنده اكثر من محل
اخذي التاكسي وقوليله ابي سوق عكاظ
خل يوقفج عند الباب عشان لا ضيعين

 

[نووووونا]

داخل سوق عكلظ بابو محل صغير والمحلات ايللى يمه كلهم باكستنين وافغان

ودراريعهم يعنى مو ذاك الزود احلى شى دراريع البيت نص جم حق المطبخ

وشيالهم حليوه بس عن الحسافه اخذى فكره بزيارتهم

 

[خفآآآيا جروٍٍح♥]

عندج الاوت لت حلووو واسعاره مناسبه وهم عنج القريه االعالميه تهبببببببل واسعارها مناسبه وفيها كل ما يخطر ببالج حرااام اطوفينها لانها اتهبل ​

 

[شيهانه 2005]

رد : ابي مساعدة من اللي سافرة دبي!!!

عندج محل اسمه الوشيعه ححححححححححححححلو ليطوفج اكسسوارت وكلف ومحل فرست ليدى بمجمع الغرير حلو و عندج محل اسمه احجار بحمر عين ملفغ بسسسسسسسسسسسسس نار القريه العالميه لاطوفج