ابي مساعدة

[miss alreem]

السلام عليكم ورحمة الله وبركاتة

انا ابي احلى الرويات المترجمة للعربي

الي عندها اي رواية حلوة

تكتبلي اسمها ونبذه عنها

 

[miss alreem]

وينكم وين الرد

 

[miss_solitaire]

أنا من عشاق القراءة

و خاصة الروايات الاجنبية

و عندي مكتبة كاملة ... فيها الكثير من الروايات

و صراحة ودي أبيعهم الوحدة بدينار بس و في اشياء بنص دينار

لأني قرأت يمكن حوال الثلاث مرات و ودي أغير و أجدد

بس المكتبه ما فيها مكان

و كنت ناويه هاليومين اني أنشرهم في المول

و شفت موضوعج فقلت خل أفيدج و أستقيد

فاذا تبين .... عندي روايات كثيره

لكتاب كبار و عظماء

مثل :

أجاثا كرستي

كزافيه دي مو نتابين مؤلفة الرواية الحزينه بائعة الخبز

اسكندر ديماس

ميشيل زيفاكو ...مؤلف قصة الفارس اليتيم ... قصة جدا رائعة تتألف من 381 صفحة

فيكتور هوغو مؤلف قصة البؤساء

ماري شيللي ... قصة فرانكشتاين

ج.ميد فوكنر

تولستوى صاحب القصة الخالدة أنا كارنينا

و غيرهم من المؤلفين

فاذا حبيتي ... أدزلج أسامي القصص

 

[lailosh]

عندج روايه العطر

حدها رووعه وعجييبه في منها فلم

تتكلم عن شخص من يوم ماكان صغير كان عنده موهبه الشم يشم كل شي بدرجه فظييعه فيستغل حاسه الشم ويصنع منها العطوور عن طريق قتل النساء

نزليها عجيبه

 

[Little_Queen]

اول شي اسمحيلي اسئلج ..

اشمعنى روايات " فقط لا غير ؟؟ "

و اشمعنى مترجمه ؟؟

ليش ما تكون روايات أصلا مكتوبه بالعربي ؟؟؟؟

----------------------

على كل حال .. نكمل حديثنا .


وااااااااو

كنت داشة بنصحج برواية العطر بس سبقتي لايلوش
اسمها : " العطر .. قصة قاتل " وايد وايد حلوة بصراحة

------------

عندج " الحب في زمن الكوليرا "
للكاتب : غابرييل غارسيا ماركيز

-------------
" النبي "
لجبران خليل جبران

-------------

روايات أمين معلوف " سمرقند " واااااااايد حلوة

يمكن بتستغربين لانه جبران خليل جبران و امين معلوف أسامي عربيه صحيح و كتاب عرب ... بس ماكانوا يكتبون بالعربي !

-----------------

عندج بعد رواية اسمها
" زهرة الثلج و المروحة السرية "

ما قريتها للأمانه لكن شفت البنات في رابطة دودات الكتب وايد يتكلمون عنها وناوية اشتريها قريبا

------------------

امممممممممممم .. دشي على موضوع رابطة دودات الكتب ... " مثبت في القسم نفسه " ..

و طرحي سؤالج هناك رح يردون عليج اكثر و اسرع

و هم تصفحي في الموضوع رح تلاقينهم مسولفين عن وايد كتب مترجمه
و هم تشرفين الموضوع و تنورينه

 

[miss alreem]

مشكورين على الرد

والله استفدت منهم

وان شاء الله بشتري جم وحدة
اختي لتل كوين

انا احب اقرى الرويات
وهم اقرى كتب منوعة
وقلت ابي اغير ابي شي مترجم للغة العربية قلت ابي اقارن
بين العربية والمترجمة


وثنكيو على الرد

 

[miss alreem]

مشكورين على الرد

والله استفدت منهم

وان شاء الله بشتري جم وحدة
اختي لتل كوين

انا احب اقرى الرويات
وهم اقرى كتب منوعة
وقلت ابي اغير ابي شي مترجم للغة العربية قلت ابي اقارن
بين العربية والمترجمة


وثنكيو على الرد