ابي مساعدتكم..رحلة علاج ابني!!

[غذاء الروح]

السلام عليكم ورحمة اللة وبركاتة

واخيرا وصلت لكم ....

أنا حاليا في رحلة علاج لابني في المانيا مخ واعصاب

اسكن حاليا في بون قرب من عيادة في سانكت اوجستين!! احد راح لها من قبل

للاسف سفارتنا ماوفرت لنا اي مترجم لما رحنا للموعد في العيادة واحمد اللة ان زوجي يتكلم انجليزي والا توهقنا بس حتى الالمان هني ما يتكلمون انجليزي بطلاقة وتوهقت الدكتورة وعطتنا موعد ثاني عشان نجيب معانا المترجم
واستغربت ان سفارتنا مو موفرة لنا المترجم

كلمنا السفارة قالوا لنا انتو دبروا حالكم واي شي يصير معاكم ردوا لنا خبر!!! جزاهم اللة خير

وساعدتنا الموظفة الي بالفندق وعطت زوجي دليل مكاتب ترجمة ودبرنا حالنا والحمدللة

موعدنا يوم الاربعاء دعواتكم ...واللة لايوريكم مكروة بأحد.

بس حبيت اسال سمعتوا عن هالعيادة احد راح لها من قبل؟؟

 

[القلب الصافي]

الله يشافي ولدج وتردووون الديره وهو متعافي ... ماعندي فكره وااله بس حبيت أدعيله بالشفاااء

 

[منورة الكويتية]

ماعندي فكرة والله بس ماحبيت اطلع بدون مادعيلكم ترجعون سالمين غانمين يارب
اجر وعافية