ابي مساعدتكم ضروري

[miss-_-eng]

سلام بنات بليز ابيكم تساعدوني حالتي النفسيه زفت و غير الحمال
بنات ابي امي تييلي آمريكا حق ولادتي يعني ابيها شهر 11 يمي لان لا سمح الله اخاف اولد باول التاسع جذي
بس المشكله امي ماتعرف انغلش كلش ولا عمرها سافرت دول اجنبيه فماتعرف بالمطارات شتسوي وين تروح وين تيي وانا بحجزلها عالاماراتيه يعني ترانزيت و سوالف اخاف عليها تضيع بنات عفيه شسوي ابي امي توصلي بسلامه عندي
مادري شلون بتتصرف بجمارك امريكا و الاسئله و الجناط منو بيساعدها يشيلهم لها
عفيه بنات ضروري ابي رد اللي مرت بنفس الحاله تقولي شسوي واللي تعرف هم خل تقولي ترا والله حدي تعبانه من هالشي
ولا اللي سافرت سياحه واهيه ماتعرف انغلش تعلمني عفيه ابي هذول اللي يوقفون عند بوابة النزول ياخذونها و يسوولها شغلها ويودونها البوابه الثانيه اللي اهيه بوابه الصعود ..

بليز بنات بسرعه ساعدوني

 

[M&&R]

ياليت كنت اعرف وافيدك انشاء الله احد من البنات يفيدونك الله يسهل امررك يارب

 

[kuwait_queen82]

مطارنا سهلات لانه الهندي الي يدز العربانه راح يسالها هي على اي طيران؟ و مراح يخليها الا بعد مايوزنون الجنط ( او وصيها لاتيب غير جنطه الهاند باغ(الي تاخذها معاه بالطيرا) علشان ماتحتاين وين تتسلم الجنط
او تشوفين لها طيران دايركت حق امريكا و اذا و لايتج ابعيده قولي حق احد يستقبلها من المطار و يواصلها ليه عندج و لاتحاتين باذن الله تسهل سفرتها

 

[Break Time]

شوفي حياتي انا اول سفره سافرت لها كانت لندن و كنت انا واخت زوجي بروحنا و كنا كلنا اول مرة نركب الطياره مو اول مره نسافر
اهلنا كانوا بلندن بس حنا نطرنا امتحاناتي لين خلصت و لحقناهم
صراحه هم كانوا خايفيين بس حنا تنحنا إلا نلحقهم

انا اقولج من البدايه و اللي راح اتوقع امج الله يحفظها راح تمر فيه

اول ما رحنا نوزن جناطنا بالكويت عطينا الهندي فلوس علشان يوصل جناطنا المهم الحمار الله لا يسامحه تخيلي طلب الفلوس اول نص دينار تقريبا و حنا عطيناه المهم وصل الجنناط للكاونتر و ذلف حنا على بالنا كل الناس جذي
قعدنا نشيل بجناطنا ندخلها للسير
شافنا رجال و قال نادوا الحمار خلوه يدخلها السير المفروض ما تعطونه فلوسه إلا لمن يخلص شغله
الزبده لا تعطي امج الفلوس للعامل اللي ياخذ منها الجناط بمطار الكويت إلا لمن يشيل جناطها بنفسه و يدخلها للسير هذا إذا قررت تاخذهم لأن لو يفكها الله منهم أحسن علشان لا تتعذب فيهم لمن تاخذهم من مطار امريكا يمكن ما تلقى احد يشيلهم لها
المهم نزلت فينا الطياره بالامارات و هني صارت الطامه الكبرى بس الحمدلله الله ستر
الامارات توقيتها يفرق عنا بساعه و حنا ساعاتنا مضبوطه على توقيت الكويت تعرفين اول مره نسافر
قالوا الطياره تطير 2 و نص و ساعتنا كانت وحده و نص قلنا خل نروح الطياره مبجر خصوصا انه البوابات كثيره خل ندور على بوابتنا علبالنا مبجرين ما درينا انه المفروض الطياره تحرك الحين بالضبط
إلا يوم وصلنا مأخرين الطياره علشان فيه غبار و بيتأكدون من الجو و إلا كان الطياره طافتنا

الزبده توقيت الطياره اللي تطير من الإمارات لأمريكا خل تتأكد من الساعه لا تمشي على ساعه ايدها اللي بتوقيت الكويت لأنها متأخره اول ما تنزل من الطياره خل تسأل الساعه كم و تضبط ساعتها على توقيتهم علشان لا تطوفها الطياره


المشكلة الأخيره هي استلام الجنط من مطار لندن ما لقينا احد يشيلها لين واحد بريطاني من نفسه تطوع و شالها
الزبده امج لا تكثر جناط ولو تبين تسهلين عليها لا تاخذ إلا الهاند باق


تبين نصيحتي :

احجزي لها دايركت و لا تاخذ معاها إلا الهاند باق و انتبهي لنفسج يا حياتي ترا انتي حامل و طمنيني عن الوالده عالخاص

اتمنى اكون فدتج و ما طولت عليج