++ ابي مساعدتكم ضروووري ++

[أوريو]

السلام عليكم ورحمة الله وبركاته


شلونكم حبيباتي عساكم بخير



بليييز بنات ابي مساعدتكم

عمتي تعبانه وايد مع بنتها... بنتها الحبن عمرها 10 سنوات بس تفكيرها اصغر من عمرها الفعلي

اول ماانولدت بفترة شخصوا حالتها انه في راسها شحنة كهرباء زايده

البنت تفهم وتتكلم وتعرف انه اللي تسويه غلط ... تحب تستفز امها وتستفز الناس وتسوي حركات وتطق اليهال

نشاطها زايد قاعده تفرغه على امها واخوانها


عفيه ابي تشوفون مايامر عليكم عدو

نادي او مركز لذوي الاحتياجات الخاصة فيه رياضه ورسم وغيرة عشان البنت تلهى شوي


ملاحظه: البنت كان مسجله مع عبير الجماز بس صارت لامها ظروف وماكملت معاها ... ولما ردت تسجل حسافه طافها الموعد والمقاعد فل

 

[@شمس الضحى@]

وعليكم السلام ورحمة الله وبركاته
يعني تشخيص الحاله شنو؟؟
فحصتهاا ولاشافهاا دكتور؟؟
الله يشفيهاا ما اقدر افيدج لازم يشوفهاا دكتور

 

[مشاعل الشمري]

السلام عليكم ورحمة الله وبركاته
لازم تاخذون موعد بالتطوري او تودونها لدكتور خاص عشان يعطيكم الزبده بحالتها وبعدين اتشوفين لها نادي او مدرسه

 

[الصابرة المحتسبة]

المتابعة مثل ماقالوا الخوات من الطبيب المختص وأفضلها .

 

[أوريو]

اي اهي شافها دكتور .. اهو اللي مشخص حالتها ...

البنت تييها حالات تشنج نتيجة للكهرباء الزايده بعد ويعطونها ادويه تخفف من التشنج

وحتى وزارة الصحة ودوها فرنسا عطوها علاج بس ماكو فايده ... وهي عايشه على الادويه اللي تمنع التشنج نتيجة للكهرباء الزايده براسها


البنت تفهم وتتكلم على الرغم من انه مخارج الحروف مو واضحة وايد يعني مكسرة

وعندها نشاط زايد وتحب تلفت انتباه الناس لها .. عن طريق شنو الشطانه وتأذيهم والله ساعات تطقهم

على الاقل تفرغ نشاطها في نادي احسن


عفيه فيدونا بنااات

 

[الصابرة المحتسبة]

الله يشفيها ويخليها وعندج الحضانات مري على الموضوع لأني أعتقد أحسن لها المكان اللي متخصص بذوي الإحتياجات الخاصة أو على الأقل اللي يكون عندهم إسعافات أوليه لاسمح الله وحصل التشنج إلا اهما يعرفون شلون يتصرفون .

 

[أوريو]

مشكوورة حبيبتي ماقصرتي

بس اغلب الحضانات ماتقبل الا لحد 5 سنوات


وهي كبيرة شوي

 

[Emanova]

لازم تدخلونها مدرسه متخصصه بالاحتياجات الخاصه

لان عمرها لا حق حضانه و لا حق مركز عبير

 

[HearT ChocolaTe]

انا مع راي ايمانوفا ... البنت مو صغيرة عشان تدخل حضانه؟؟
تقدم على مدارس الإحتياجات الخاصه .. وتتأكد مثل ما قالت الصابرة ان في طاقم متخصص
بالتشنجات حتى يتداركون الأمر اذا حصل لا قدر الله
وبالنسبه للمدارس وايد وكل للي يناسب الحالة اللي عنده ...

 

[أوريو]

مشكورين حبيباتي


البنت مسجلة في مدرسه للاحتياجات الخاصة تداوم الصبح


انا اقصد عن فترة بعد الظهر .... يعني مثل نادي ترفيهي او رسم يعني من هالسوالف بس يكون لذوي الاحتياجات الخاصه

عشان تفرغ طاقتها الزايده بشي مفيد على الاقل بعيد عن التحرش باخوانها واذية امها

 

[الصابرة المحتسبة]

هلا اوريو النوادي أسألج وأرد عليج

 

[HearT ChocolaTe]

مركز الخرافي في مشرف على ما اعتقد عنده انشطه يمدحونها
لكن ما جربتها شخصيا

 

[أوريو]

هلا اوريو النوادي أسألج وأرد عليج

مشكووورة حبيبتي


يزاج الله خير ماقصرتي

 

[أوريو]

مركز الخرافي في مشرف على ما اعتقد عنده انشطه يمدحونها
لكن ما جربتها شخصيا

مركز الخرافي,,,

بقول حق عمتي عنه عشان تسأل


مشكووورة حبيبتي


ماقصرتي

 

[أوريو]

حبيباتي ادري اني ازعجتكم...


بس شصار لقيتولي ؟؟؟؟

انا قاعده ادور وابي مساعده منكم بعد

تكفووون

 

[الصابرة المحتسبة]

شركة المشروعات السياحية راح تسوي نوادي للكل
ولمزيد من المعلومات يرجى الاتصال على الأرقام التالية : 5627230 – 5627269
العنوان: شارع الخليج العربي – السالمية – بجانب مطعم مركز سلطان .