ابي مساعدتكم يا متزوجات

[outandabout]

السلام عليكم بنات أنا زوجي رجع من السفر من غير ما يجيب لي اي صوفة او هدية و هذا الشي حز بخاطري بس ما ادري شنو اسوي ؟ما ابي أزعل ابي اسوي شي يخليه هو بنفسه يندم و يعوضني بالعلم إحنا بس صار لنا سنة متزوجين و ما ابيه كل ما سافر ما يأخذ لي شي !!! ساعدوني ابي حكمتكم :eh_s(2):

 

[ناتشوو]

اسأليه بشكل مباشر

 

[فوفو22]

و ما ابيه كل ما سافر

الاهم من الهديه لا تعلمينه على السفر بروحه وهو متزوج

والهديه برايي تقدر الزوجه تطلب اللي تحبه من زوجها ويجيبه لها

افضل من هديه ما تحبها على ذوقه

فوفو

 

[قَلبڪْ صًخرْ]

اساليه !

 

[أعشقه]

عادي اساليه ليه ماجاب هديه ..
انا زوجي يروح ويجي ويطلع ويروح با الاسابيع عندي وانا توني متزوجه ماعمره فكر يجيب لي شي مايعرف
وخواتي وهم مخطوبات ازواجهم من يرحون بعيد عنهم حتى لو يومين يجيبون لهم ..
ترى الفكره مو مقارنه .. بس شي اشوفه ودي فيه يحصل لي من زوجي ومابيه من حد غريب,,
جلست له وقلت له انت تروح وتجي ماتفكر تجيب لي شي معك يعني بها الدرجه اني مو في بالك ..
ليه ماتجيب لي تتذكرني بشي .. عذره انه مايطلع لسوق ومايروح السوق من البيت لدوام ومن الدوام للبيت
قلت له هذا الشي راجع لك .. بس مدام انت بعيد عني لا تجي الا وانت جايب لي شي معك ..
تذكرني بشي اطلع علشاني .. وبالمقابل انا اطلع واجيب له هديه وهو يفرح فيها اقوله هذا انت تفرح بالي اجيب لك ..
انا نفس الشي افرح لو تذكرتني وجبت لي ..
والحمد لله الحين كل من يروح مايجي الا وهو جايب لي ..
ولا افكره اقوله ها هالمره وش ناوي تجيب لي خخخخ يقول خير لين اجي وتشوفين
واول مايجيب الا شي واحد وكل مره نفس الشي قلت له لالالا مابي كذا نوع لي ..
يعني مو كله تجيب لي جزمه او كل مره تجيب لي اكسسوار او عطر ابي تنوع
مره اكسسوار ومره عطر ومره شنطه هيك يعني والحمد لله هذا هو ينوع بس للحين انا معه مااخليه خطوه بخطوه
وكلميه باسلوووبه .. ترى كل شي تقدرين تسوينه باسلوووووب هو الي يخدمك ..

 

[Warrda19]

انا اول مرة سافر وماجابلي شي
وحز بخاطري وزعلت بس مابينت
بعد يومين قلت له عن طريق المزح
ليش ما تذكرتني بشي ونفس الشي كان لنا سنة
متزوجين
المهم صار كل ماسافر يتذكرني ويجيب لي
فديته

 

[مس استي لودر]

كلمي بأسلوب حلو ولا تكونين ساكته ماخذه بخاطرج منه

 

[Koka_alotaibi]

ترا بعض الرياييل مايعرفوون وعلى نيتهم
انا بعد جذيه زوجي مايعرف وقمت اقط عليه نغزات بس على ضحك ههههههه
تالي صار يجيبلي
وحتى لو مو عاجبني اوصله السما
عشان يتعود ويتشجع اكثر يجيبلي هههههههههه

 

[نوشيا]

عادي حبيبتي اساليه وتشرهي عليه بدلع
انا ريلي كان جذي وقلت له بشكل مباشر وبتشره خفيف
وقلت له ان السفر مناسبه حالها حال باقي المناسبات ويفرح المره
لما تشوف ريلهاا يذكرها بشي معاه وخلاص تعود
على قولتهم ريلج مثل ولدج على ماتعلمينه

وبعدها بيحس ان الهديه شي اساسي

 

[فرزاشيهـ]

صح كلام البنات اساليه جذي عل دلع وين هديتي <؟
خخخخخخخ خليه يروح السوق غصب و يشتري لج .،

 

[كـراميل]

حراام يمكن ناسي موضوع الهديه انتي لمحيله مو بشكل مباشر جسي النبض شوفي ناسي ولا مواباله يشتري ...

الله يسعدج يقلبي​

 

[كارلوفي فاري]

انا مع فوفو

 

[outandabout]

مشكورين بنات على النصايح ... الله لا يحرمني منكم

 

[متجر جنات عدن]

اساليييييه

 

[القلب الطيب]

وانا مع البناتماقصرو

 

[نونه المنكوشه]

تري الهديه مومقياس للحب لاتخلين تفكيرج مادري اهوه مجرد يخاف الله فيج ويعاشرج بالمعروف هذي اكبر هديه او حتي اتصاله فيج وهوه بعيد يسال عنج ويشتاقلج هذي بروحها هديه موشرط اذا يابلج هديه يعني انتي اباله لاتخلينه ايبها واجب وعلشان يفتك من الزعل والتشره انا بصراحه ضد هالمبدأ اوكي الهديه حلوه ولكن اول شي ملكي قلبه وتالي اهوه من كيفه وخاطره بيبلج كل شي وبطريقه حلوه تقدرين اتوصليله الشي اللي انتي تبينه بدون لاتطلبين

 

[نووووووف 2013]

اضم صوتي لصوتهم اساليه