ابي مساعدتكم

[غلا جابر 2010]

قوة حبوبات شلونكم . انا عروس يديده ومأجره شقه وشقتي عووودة

شريت الجلسة وغرفه النوم بس ابي مساعدتكم ؟
1- شنو الوان طوفة غرف النوم اللي دارجه الحين مع العلم اثاثي لونه خشبي غامج بس مو المحروق ؟
2- شنو ابي اماكن اكسسوارات بيت حلوة ؟
3- شرايكم بورق الجدران اذا حق طوفه وحده ؟؟؟
4- شنو اللي اتجنبه وما اسوي من خلال تجاربكم ؟
شلون ارتب الحمام وشنو اكسسواراته الضروريه؟؟

عفيه طلبتكم لا تردوني ؟؟

 

[لـولـو الحلوه]

هلا حبوبه ..
اول شي عسى ربي يوفقج بزواجج .. مبروك على الزواج ..
الطوفه حطي ورق جدران طوفه وحده والباجي صبغيه لون بيج الفاتح عشان يوسع المكان ..
وحتى حق الصاله حطي طوفه ورق جدران ..
هذا اللي اعرفه ..

ان شاء الله اكون فدتج ..

 

[اللاندكروز]

اولا: مبرووك الزواج ....
ثانيا: اكسسوارات عنج لاند مارك وصفاة الغانم وبالنسبه للصبغ أو ورق الجدران اي لون راح يكون لايق على اللون الخشبي ... بس تجنبي الأوفر في كل شي مثل نقش ورق الجدرن أو الأوان الكثيرة أو الاكسسوارات المبالغ فيها ..

تحياتي

 

[Ameeraaaaaa]

تقصدين حمامج ؟ والاحمام الضيوف ؟؟؟

 

[Ameeraaaaaa]

مبروك الزواج
بالنسبة لغرفة النوم بما ان اثاج بني محروق فكل شي ممكن يلوق
جربي ورق جدران علي تايجر يكون لطوفة وحده بس , وباقي الطوف درجات الالوان الترابية اتوقع يطلع واااااااااااااو مثير ودافيء لغرفة نوم !
او ممكن تخلين الوان غرفتج كانها توتي فروتي , يعني هم طوفه وحده بس ورق جدران علي لون الفروالة والتوت والمشمش وباقي الطوف اخضر بلون التفاح الاخضر او الليموني او خضار الكيوي
الاكسسورارات عندج صفاة الغانم - سنتر بوينت - ومجمع صن سيتي
ابتعدي عن المبالغه
كل ماكان الشي بسيط وراقي كان حلووووو
وابتعدي عن الموديلات القديمة التعتيق - اللترخيم - الزري ماادري هالسوالف بااااااااااااااااايخه وتزغلل النظر
والله يوفقج ))

 

[غلا جابر 2010]

رد : ابي مساعدتكم

مشكوورين حبوبات

 

[فوشيه عجيبه]

انشالله البنات يفيدونج

 

[فوشيه عجيبه]

up

up

up

up

 

[فوشيه عجيبه]

و هم up لعيونج

up

up

up

up

 

[ملاك-77]

مبروك الزواج
والله يوفقكم
ويرزقكم بالضنى الصالح

up لعيونج