ابي مساعدتكم

[ƒάηǑǒ]

قوة بنااات شلونكم
انشاء الله زينين

صرااحة انا ابي مساعدتكم وابيكم تنصحوني
انا وحيدة امي ما عندي خواات بس عندي اخووان وعمري خمس تعش سنة
>> اكيد بتقولون دلووعة
بس للاسف لا
يمكن دلووعة بالنسبة لابووي امانة هو مدلعني
بس المشكلة عند امي صرااحة انا مليت كل شوي تصارخ علي وتدعي صرااحة
انا مليت من هالروتين هذا
واليوم بالذات صاكة الدنيا بويهي
احيانا اقعد بداري بروحي واقارن بين معاملة امي لي وانا وحيدة
وبين معاملة خالاتي لبناتهم وبعدين اقعد ابجي
صرااحة هي احيانا ما تقصر وياي واحيانا يا ساتر
تصدقون ما اذكر انها حطتني على صدرها الا مرتين بس
متى يوم اني يلست ابجي عندها واقول لها ليش تعامليني جذيه
وما اذكر انها يلست عندي بداري وسالتني محتاجة شي
ولا اذكر انها شافتني متضايجة وسالتني شفيج
واليوم بالذات

تدرون شكان جوابها لي لما سالتها ليش تعامليني جذيه !؟؟
تقول انا هذا طبعي او يمكن عين يمديهم يقولون وحيدة امها دلوعة
تدرين يا بنتي انا قبل امي كانت تعاملني جذيه
( بس يدتي عندها سبع بنات غير الصبيان ماشاء الله )
وكنت اقول مثلج ما راح اسوي بعيالي مثل ما امي تسوي فيني

وانا الي حارني بزيادة انها تفضل اخواني علي وهم بالجامعة
والي مصبرني ان امي ما تقصد هذا طبعها
س خلاااص مليت ابي نصايحكم لي
بلييييييييييز اذا ما عليكم كلاافة :eh_s(22):​

 

[صدى الاسلام]

الصبر مفتاح الفرج
يا اختي احرصي على طاعة امج لان رضاها من رضى الله
حاولي انج تمتصين الغضب منها قد ما تقدرين

الله يصلح حالج بينج وبين امج

 

[ƒάηǑǒ]

مشكورررة اختي
بس انا والله داايم ادور رضاها
حتى انا يوم واجهتها قالت لي على الاشياء الي تنرفزها
وحاولت ابتعد عنهم

​

 

[ƒάηǑǒ]

بناااات سووري
هذي مو انا هذي بنت خالتي
اهي ما سجلت بالمنتدى
وتبي تنزل هالموضوع
ونزلت باسمي كاني انا الي منزلته
واليوم قاالت لي سووري

 

[$بنت الأمير$]

رد : ابي مساعدتكم

عادي حبيبتي كلنا امهاتنا يطالبونا ويهاوشونا بس مو معناته ما يحبونا صدقيني بااجر لما تكبريني شويه رااح تصيرين صديقتهاا وراح تتعلق فيج حيل قبل انا كنت نفسج امي مسوويه فيني جذي لانها تشوفني جاهل بس لما كبرت وعقلي كبر تعلقت فيني لدرجه انها تزعل اذا زعلت وتتضايق اذا داومت وبعض المرات تخليني اغيب عن كليتي لانها تحس انها فاقدتني والحين انا وياها حييييل رفيجات صج فيه مشاكل وتعصب ليومج هذا بس أنا الغاليه عندها
راجعي نفسج وشوفي شنوو عيوبج انتي مو معقوله انج ما فيج عيووب أكيد فيج وحاولي تسوين اللي امج تطلبه منج ......

 

[خشف العذارى]

رد : ابي مساعدتكم

الله يعينج

 

[منار البربرية]

رد : ابي مساعدتكم

اذا لقيتي حل قوليلي مسلسل تفضيل الامهات الاولاد لن ينتهي ​

انا امي جذي بس تحب الصبيان علينا حتى اذا مو موجودين مافي غدا​

ههههههههههههههه​

وكلام حلو هلا يمه حبيبي والاحلى انه مو مبين بعينهم​

انا ما عمري سمعت منها دلع مثلج حتى بالبلوغ اختي فهمتي شنو يومها استغفرالله الامهات
لا تعيلق مادري متى بصيرون مثقفات مع احترامي للبعض ؟؟؟؟​

صج الام لها دور كبير في لم شمل الاسره وتقريبهم من بعض
كان الله في عونك اختي ​

ديري بالك كلها كم سنه انشالله 18 سنه انتي متزوجه
ههههه​

وبتحس بقيمتك لي رحتي عنها لووول​

 

[ShWaR]

الله يعينج وهي قالت لج هذي طبعها في ناس عصبيه وناس لا
فحاولي انج ماتعصبينها واكسبيها يعني ساعديها بالمطبخ وكوني يمه دايما
واذا عصبت قولي يمه لاتجرحيني وتفرقين بينا
الله يهديها

 

[ƒάηǑǒ]

مشكوورين كلكم
اختي حبيبتي
بنت الامير
يعنني انتي مو مصدقة ان الي منزل الموضوع
مو انا !!
وربي انها مو انا بنت خالتي
بس عاادي انا سامحتها والله يكون بعونها
واختي منار البربرية
بتزوجيني بدررري
لا بيلس عند اممي انا راافضة الزواج
ببيت اهلي ارحم ههه
بعدين انا عمري 17 مو 15 سنة لان الي كاتبة عمرها بنت خاالتي مو انا
انا اكبر منها بسنتين >> يعننني يقا لي سنة واتزوج
لا لا لا
مشكوورييين بس حساافة المفرووض مو انا اللي اقراااهم
بنت خالتي حبيبتي اهي اللي تقرااهم​

 

[what's up]

والله من تجربتي مع أمي
أنه الأمهات يصير أسلوبهم مثل امهم
يعني أمج أسلوبها مثل يدتج بالضبط و هذا غصبن عليها
لأنه يدتج عاملتها مثل ما تعاملج الحين
انا أقول اذا شفتيها تضارخ سكتي لا تردين عليها
و ?نتـيے روحي من نفسج إحضنيها
ترى هالشي بغيرها
و لا تقارنين روحج بالصبيان تربيت الصبي غير بهالمجتمع
و الله يوفقكم