ابي مساعده حرقان البول

[زوينه المزيونه]

الله يعافي الي ترد على استفساري انا اعاني من حرقان البول وانتوا بكرامه من جبت بنتي الله يخليها لي صار لها سنه وشهرين بس الشي يروح ويرد تعبت من الاطباء :yaaaaaarb: ابي حل

 

[حرم_الغلا]

نفــس حـالتــج اللـه يعيــن<< بــس كثــري مـااي​

 

[FJ style]

شربي ماي ولازم تراجعين الطبيب ليش ماكو فايدة منهم؟؟ المفروض تتعالجين وتعرفين السبب
شربي اشياء تدر البول

 

[beauty rose]

انا عانيت من هالمشكله من تزوجت
و لمدة ٦ شهور ورى بعض
رحت لدكتور تناسليه شاطر بمستشفى الراشد اسمه ايفان
عطاني ادويه و مضاد حيوي
و قال لي اسباب الحرقه
قله الماي
اكل البهارات و الفلفل
البرد و خاصة برودة الاقدام لازم تلبسين دلاغ
و لازم تغسلين علطول بعد الجماع ما تقعدين او تنامين

و نصحني بعصير التوت البري cranberry اشتريه من kdd عودي نفسج عليه
ينظف المسالك البوليه

و استعملت فوار تشربينه نص ساعه يخف عوار الحرقه

الله يعينج حاسه فيج

 

[زوينه المزيونه]

الله يجزاكم خير على مروركم ومساعدتكم لي والله ينولكم كل الي تمنونه

 

[c a t w o m a n]

صار فيني جذي حبيبتي كثري ماي و سوائل بالصيدلية عندج حبوب توت تدر البول عزج الله و بالعطار عنده ماي إسمه شاترله يبرد بس قبل هذا تاخذين مضاد حيوي و تراجعين

ما تشوفين شر حبيبتي

 

[زوينه المزيونه]

يعطيج العافيه على المرور رحت لطبيب وصرف لي مضاد حيوي وعطاني ابره في الوريد والحمد لله احس زينه الحين

 

[ام الحلوااات]

ســـــــــــلآمـــــتــــج ومــــا تــــشــــوفــــيــــن شـــــــــر

 

[زوينه المزيونه]

يا حياتي الشر ماييج