ابي مشورتكم خواتي النفسية والحمل

[ام مهدي]

السلام عليكم خواتي كويتيات
أنا ابي نصايحكم شنو اسوي على شان ترتاح نفسيتي
أنا يا بنات حامل بالشهر الخامس والحمدلله الله يتمم علي والمفروض اكون طايرة من الفرحة والوناسة لان بإذن الله اللي بطني بنية كنت اتمناها من اول زواجي والله عطاني ولدين بصحة وعافية والحمدلله وهذي الحملة الثالثة بس من حملت وانا متازمة نفسيا واااااايد تعبانة ووكله احس بقته وخنقة وضيجة وكارهة الدنيا والناس وحتى عيالي اتضايق منهم ومالي خلق شي ومليت من قعدة البيت حتى دوام ما اداوم عدل كله طبيات لان مشيمتي نازلة ودكتورتي عطتني راحة وهم ما اقدر اطلع الحركة مو زينة يا ناس شسوي ساعات أقرى قران علشان ارتاح ارتاح شويه وارد انقمت قولولي شسوي وسوري على الإطالة بس كنت محتاجة شوي افضفض
وهم ابي دعائكم لي بان ترتفع مشيمتي وتكون بنيتي بكامل صحتها يارب*

 

[مدرسه فنيه]

نفس الحاله تقريبا

المشيمه نازله ومعطيني راحه وموزينه الطلعه

والقعده بالبيت تزهق

اطلعي مكان فيه قعدات واقعدي شوفي الناس اللي رايحه وراده

شتسوين بعد

انا بعد مثلج قاعده بالبيت ماطلع

اما عن النفسيه شي طبيعي

تعوذي من ابليس فتره وتزول ان شا الله


والله يريح قلبج قولي اميين

 

[Zen&7ala]

رد : ابي مشورتكم خواتي النفسية والحمل

حبيبتي عادي يعني لانج حامل طبيعي بتكون فيج تقلبات بمزاجج و بنفسيتج

بس اهم شي انتي فكري بينج و بين نفسج ان فيج بنت و بعد 4 شهور بتكون بحظنج ان شاء الله و شلون بتكون حياتج معاها

و انصحج تروحين تجهزين عشان تغيرين جو و تشوفين اشاء البنات و وايد راح ترتاح نفسيتج ان شاء الله

 

[ام مهدي]

مشكورة مدرسة فنية على الرد
أعوذ بالله من الشيطان الرجيم
والله يسمع منج اختي ويريح قلبي وقلبج امين

 

[ام مهدي]

الله يريح قلوبنا بنات وتعدي هالفترة على خير واللهً ودي اجهز بس ما اقدر على حوسة السوق الحين ناطرة ان شاء الله ترتفع مشيمتي شوي وهم اتاكد بالنسبة حق جنس البيبي مع ان 3 مرات قالو بنية بس هم بتاكد احسن وان شاء الله يحفظ اللي فبطونا قولوا امين

 

[كويتيه مذهله 87]

حبيبتي هالفتره طبيعي الي تمرين فيها
وان شالله ترتفع نفسيتج وتولدين بصحه وعافيه انتي والبنوته

احسن شي ترتاحين فيه تقرين قرأن ومري امج زوريها قعدي مع خواتج

 

[LiL MaMa]

رد : ابي مشورتكم خواتي النفسية والحمل

الله يهون عليج انشالله و يرزقج الذريه الصالحه
​

إذ ا مررت بضيق نتيجة مشكلة او كرب فعليك قراءة السبع ايات المنجيات وانت
على يقين بان الفرج لا يأتى ا لا من عند الله سبحانه وتعالى

السـبع ايــات المنـجيــات

بسم الله الرحمن الرحيم
" قل لن يصيبنا الا ما كتب الله لنا هو مولنا وعلى الله فليتوكل المؤمنون "


بسم الله الرحمن الرحيم

" وان يمسسك الله بضرفلا كاشف له الا هو وان يردك بخير فلا راد لفضله يصيب به
من يشاء من عباده وهو الغفور الرحيم " ـ


بسم لله الرحمن الرحيم

" وما من دابة فى الارض الا على الله رزقها ويعلم مستقرها ومستودعها كل فى كتب
مبين " ـ


بسم الله الرحمن الرحيم

"انى توكلت على الله ربى وربكم ما من دابة الا هو اخذ بناصيتها ان ربى على صراط
مستقيم " ـ


بسم الله الرحمن الرحيم

" وكأين من دابة لا تحمل رزقها الله يرزقها واياكم وهو السميع العليم "


بسم الله الرحمن الرحيم

" ما يفتح الله للناس من رحمة فلا ممسك لها وما يمسك فلا مرسل له من بعده وهو
العزيز الحكيم " ـ


بسم الله الرحمن الرحيم

" ولئن سألتهم من خلق السموات والارض ليقولن الله قل افرأيتم ما تدعون من دون
الله ان ارادانى الله بضرهل هن كشفت ضره او ارادنى برحمة هل هن ممسكت رحمته قل
حسبى الله عليه يتوكل المتوكلون "ـ​

 

[ام مهدي]

اشكر الجميع وبالذات اختي LiL MaMa بردتي قلبي بكلام الله اللي مافي مثله طبعا وصج كنت محتاجه السبع المنجيات ما ادري اشلون نسيتها الله يعطيج الف عافيه حبيبتي والله يقوم كل حامل بالسلامة ويسهل عليها حملها و ولادتها ويرزقها بالضنى الكامل الخلق والخلقة

 

[LiL MaMa]

رد : ابي مشورتكم خواتي النفسية والحمل

الله يهون عليج و يرزقج الذريه الصالحه

 

[Bnt Salwa]

رد : ابي مشورتكم خواتي النفسية والحمل

الله يتمم عليج ز يرزقج باللي تمنينه