ابي مشورتكم لاهنتوا

[ريوفي]

بنات ابي اخبركم بقصتي وابي شوركم انا متزوجه وعندي ولد ولدت من ست شهور كان وضعي مع زوجي تمام من قبل الولاده بس من ولدت وانا كلا مشاكل صار عصبي علي لدرجه انه ممكن يضربني باي شي قدامه واغلب مشاكلنا على ولدي مثلا لاصاح ولدي يقول لي خليه يصيح لاتعطينه حليب يصيح ويسكت وانتي معودته عالحليب بس انا ام مااقدر اتحمل اشوف ولدي يبكي واجلس اناظره واذا غلط علي وسبني وشتمني مايعتذر لي ابد ولا يراضيني دايم انا اللي ازعل وارضى لحالي لاني ماني لاقيه من يراضيني مش عارفه اتخذ اسلوب معه تصدقون حتى في نفاسي تعبت نفسيتي بسبب اني تخانقت معه وتعبت وصرت احس بضيقه ووزهق حتى اني طلعت من نفاسي ولا تكشخت بس الحين حمد لله صرت احسن قولوا لي شسوي عشان يغير معاملته لي ابي شي يفيدني للمستقبل

 

[.،:"$الـعـوبــــة$":،.]

رد : ابي مشورتكم لاهنتوا

بقولك عن تجربتي ،
قبل ولادتي في بنتي بكري ، كنت انا وزوجي سمن على عسل ! من ولدت وانا وياه مانشوف بعض الا متهاوشين !
وانا اقول رجلي تغير علي ومدري شفيه ؟
عقب تأكدت إن حبوب المنع كانت مأثرة على نفسيتي حييييل ، وكنت عصبية ونفيسة وزعول !!
والله انا وياه نحب نصور بنتنا بكاميرة الفيديو ، يماااااااه لما اشوف نفسي ، اخرع ! معقدة الحواجب ومنفسة ومعصبة ومالي خلق عليه حتى لو ماقال شي !
والله العظيم اني لما قطيتها ، إني رجعت لطبيعتي ، وبدت المشاكل تقل وتختف من حياتنا ! لين استوعبت ان الحبوب هي السبب !!
انتي تقولين هو ظالمك ، بس ماتدرين انتي شلون متغيرة عليه !!
عقبها ركبت لولب وارتحت وريحت زوجي ،​

 

[ام شووووق]

رد : ابي مشورتكم لاهنتوا

العوبه كفت ووفت

 

[ريوفي]

يعطيكم الف عافيه بس ياختي العوبه انا مااستخدم حبوب منع حمل ولا شي

ونفسيتي تعبت في نفاسي وصرت احس بضيقه وزهق وخفقان في قلبي

بس حمد لله ربك فرجها الله لايعودها انا مش عارفه التعب اللي صار لي من النفاس يجي كذا ولا بسببه هو

 

[مزعله الحريم]

رد : ابي مشورتكم لاهنتوا

اكتئاب بعد الولاده الله يعينج وهو مايساعدج مو متعود ع الازعاج هذي الازواج يبون الحريه مسأله وقت وانتي تحملي

 

[monmon12]

رد: رد : ابي مشورتكم لاهنتوا

اكتئاب بعد الولاده الله يعينج وهو مايساعدج مو متعود ع الازعاج هذي الازواج يبون الحريه مسأله وقت وانتي تحملي

نفس رايها

 

[ريوفي]

يعطيكم الف عافيه فديتكم وحمد لله على كل حال بس وش سبب الاكتئاب هل لاني تهاوشت وانا بنفاس وهل يحدث مع كل ولاده اولا لاني خفت من هالشي وكرهت احمل بسبب هالشي هل هو بس يجي البكر ولا كيف اتفادى هالشي مستقبلا لو ولدت مره ثانيه الله لايعودها من ايام وعن جد هو ماكان يساعدني يقول لي انتي اللي جايبه هالشي لنفسك لاشافني متضايقه

 

[ريوفي]

ليش مارديتوا يعافيكم