ابي مشورتكم ونصايحكم بدون كلام جارح

[فدوووو]

السلام عليكم

ببدا بقصتي

يوم كان عمري 21 سنه ملكت على واحد وبعدها بشهرين تطلقت منه لاننا اكتشفنا بعدين انه مدمن

طبعا اصبحت مطلقه حتى لو بس فسخت العقد وكنت اتوقع انو ماراح اتزوج الا مطلق او متزوج او رجل كبير بالسن

المهم الحمد لله صرت انخطب كثير من بعد ماتوظفت وماتوقعت بيخطبوني شباب ماتزوجوا بس صار هالشي

الحين عمري 26 سنه والحمد لله تزوجت واحد شاب خلوق ونظيف والمدح عليه وااصل للسما

طبعا بتقولون وين المشكله

انا قد كتبت موضوع في قسم الحمل والولادة واخطئت يوم كتبته لاني ماوضحت الامور بكل بساطه

طبعا الموضوع اني كنت ماابي احمل من زوجي اول سنه لين ارتاح معاه لاني مااعتمد على مدح الناس له لان الداخل غير عن اللي خارج للناس وهذا اللي اشوفه كثيير في ناس انخدعت فيهم

مدري اشلون اقول لكم

انا خايفه من حياتي الجديدة معاه وخصوصا اني تطلقت قبل الدخله وخايفه احمل واظلم الطفل

وخايفه من نظرته لي بخصوص طلاقي وتجربتي السابقه مع اني ماتاثرت وحتى اهلي ماكانوا مقصرين معي ابدا

ماابي احمل منه لين ارتاح معاه واحس اني اخترته صح

بنات انا ماني مثل البنات اللي على بالهم هالشي موضه زي ماقالت وحدة من العضوات لي

انا مطلقه وبمجتمعي اعتبر كاني مسويه جريمه

طبعا مااحد يحس بالنار اللي فيني غير اللي مثل حالتي

واتمنى تكونوا فهمتم علي

انا ببدا حياه جديدة علي ورحله جديدة ابي نصايحكم بالذات اللي لهم خبرة بالحياه والمتزوجات

خصوصا اني احس اني راح الاقي صعوبه في التاقلم مع الحياه الجديدة

وانا كبيرة وعاقله وفاهمه مااخذ الامور بلعب وهبال لازم افكر بالحياه الجديدة لانها صعبه ومسؤوليه مب لعبه هاذي حياه

بتقولون لي استخرتي بقول ايه استخرت وراح استخير ليوم العرس عشان يطمن قلبيي اكثر واكثر

 

[maha99]

عزيزتي الله يهديج ليش هالوسوسه مب زين منج مخلية ريلج ستاند باي ليش تزهبين الدواء قبل الفلعه الله يوفقج ان شاءالله

 

[أنسأنة غير]

الله يهديــك قولــولي أميـــن*

ياحلوة هذي وسوسة استغفري الحمل نعمة من رب العباد فيه ناس يتمنون هالشي

انتي اتوكلــي رب العبــاد وماتلقين الا الي يرضيك عروس واكيد هالشي تاحاتين فيه
الله يوفقك وييسر طريقك ويساعدك بالي فيه خير
بالتوفيـــــــــــــــــق ياعسوله..

 

[دلع عروس]

بسم الله الرحمن الرحيم
يا حبيبتي مراح يصيبج الا المكتوب لج والانسان مايعرف الغيب انتي اهم شي صفي نيتج وتوكلي على الله واحسن الضن فيه ولا ادخلين زوجج بوسوسات وضنون مالها داعي عيشي حياتج ولا تحاتين وبعدين انتي اللي تركت زوجج السابق مو هو واذا سال الاجابه بسيطه اكتشفنا عنه شي ماكنا عارفينه والله يهديه ويستر علينا وعليه انتي ماسويتي شي غلط علشان تخافين وتحاتين اللي يمشي سيدا ترى مايخاف حتى لو طلع عليه كلام لانه راح يكون واثق من نفسه وبعدين زوجج داش على حياة ومتوقع الافضل فانتي ليش تنكدين عليه وعليج بسالفه اشوفها عاديه وصارت لبنات اعرفهم سواء يصيرولي او رفيجاتي وكاهم عايشين حياتهم باحسن مايكون انتي توكلي على الله وشوفي ربي خلاكم تكتشفون حقيقة هالانسان قبل لاتورطون معاه المفروض تشكرين ربج ؛وبخصوص الحمال لاتسوين شي يغضب ربج افرضي اكلتي شي علشان ماتحملين وبعدين عرفتي ان الرجال زين واخلاقه عاليه وبعدين ماتقدرين تحملين من هالشي اللي كلتيه والله بتحسفين قد شعر راسج وشكثر ناس صار فيهم جذي ؛الخلاصه توكلي على الله وعيشي حياتج وافرحي بزواجج واتركي هالوساوس اللي مالها داعي وربي يسخره لج ويهنيج ويعطيج على قد نيتج​

 

[ام الحلوااات]

لــــيــــش يـــعــــايـــــرج انــــج مـــطــلــــقـــــــه قـــبــــل الـــدخـــلـــــه مـــا صـــارنــصـــــيـــــب والــريــــال مـــــو كـــــفـــــو وتــطــلــقـــتـــــي شــــنـــــو صـــــاريـــعـــنــــي واااايـــــــــــد تــصـــيـــــر انـــسي حــيــاتــج قــبـــل ولا تــريــطــيــنــهـــا يــحــيــاتـــج الــيــــديـــدة ولا تـــتــاثـــريـــن بــهــا او تــســتــســلــمــيـــن لـــهــا
بــاالــنســبــه لـــمـــوضــــوعــــج تـــأجـــيــــل الــحـــمـــل مــن حــقــــج بـــس مــــو بـــدووون عــــلــــم زوووجـــــج اتــفـــقــــي ويـــاه عــلـــــى انـــكــــم تــجــلـــســون 8 شـــهــــورجـــذي حـــق الــونـــاســــه قـــولـــي لاحـــقــيـــن عــلــى الـــعـــيــال واللـــــويــــا والازعــــاج خـــل نــســتــانــــس بــعـــمـــرنـــا ادلـــعــــك واجـــابــلــك قــبـــل لا يـــاخـــذونـــي اليــهـــال مـــنــك ومـــن هـــاالــســوالـــــف واللــــه يــــوفــقــــــج​

 

[توتة خلود]

حبي الله يوفقج بحياتج اليديده وعلية عليج انج استخرتي وهذي بروووووووحها تكفي وندري لي يوم العرس او حتن وانتوا بالملجه اذا تكلمتوا قوليلة بأسلوووب اهم شيء الاسلوب الحلو انه انتي فرحانه وياه وطائرة من الفرحه وانج بخاطرج. تيبن بيبي منه وانج تتمنين يكون يشبه حتن لو جذب عادي فهمتي قصدي ولي بوصله يعني مو تبينين له انج من البداية ماتبين وقوليله انج بخاطرج تتدلعين ودلعينه وتتفرغين له خصوصا وانكم توكم معاريس

ويوفي شنو راية بالموضوع يمكن اهوا بعد نفس فكرتج مايبي ايب عيال منج لين ما يرتاح لج صح ولا غلط؟؟؟

ويمكن نظامه يحب مو على طول يكون أبو. عرفتي يعني انتي شوفي دامج استخرتي كل شيء بيصير لج صدقيني راح يعجبج بس مثل ما قلت لج نصيحه

لا تقولينها له بالخط العريض انج ماتبين منه عيال ليما تعرفينه ترا راح ينصدم وشيء كلش مو حلو

والله يوفقج وتيبين منه درزن عيال

 

[Tulips]

الله يوفقج حبيبتي

لا توسوسين وايد ان شاءالله الامور تمشي مثل ماتبين ويحطج ريلج بعيونه ويصونج

بس لازم اتحطين ببالج انه تصير مشاكل بسيطه بين فتره والثانيه وهالشي طبيعي بحكم اختلاف الاطباع والافكار .. واهي مسألة وقت لين تفهمون على بعض .. وعلشان جذي لاتخترعين من اولها وتقولين انه زواجي ماكان موفق وفاشل .. هيئي نفسج ..

وخلاص دامج استخرتي ارتااااحي لانه لو هالزواج مافيه خير لج ماراح يتم .. وتوكلي على رب العالمين وماخاب من توكل عليه

 

[tt2tt]

اب اب

 

[مياسه الحساسه]

اول شي الله يوفقك يااارب ويسعدك
ثانيا ليه خايفه لانك مطلقه عادي حبيبتي
انا خالتي مطلقه وعندها ولد تزوجها واحد هي كانت اول نصيبه
وماشاء الله لهم الحين 19 سنه مع بعض ولا عمره عايرها
رغم ان خالتي اكبر منه بسنتين تقريبا
الشغله نصيب حبيبتي
واذا انتي تطلقتي ما أجرمتي ... تتطلقي ولا تعيشي طول عمرك مع انسان تعيسه
وشيلي هالوسواس
بعدين انتي ماتعتبري مطلقه يعتبر فسخ عقد لانه قبل الدخله
والله يستر عليك وعلينا وعلى بنات المسلمين

 

[اللؤلؤ المتناثر]

أول شي الله يوفقج بحياتج الجديده وثاني شي ليش التشائم مدام إنج إستخرتي وإرتحتي
وسألتوا عنه وماشاء الله مدحوه خلاص ياقلبي ليش تتعبين نفسج وتخلينالشيطان يوسوس لج بأفكار مو زينه
توكلي على الله وقولي إلي كاتبه لي الله أكيد خيره لي وصدقيني أحلى شي إنج تتفائلين بحياتج لإنج إذا بتظلين على تفكيرج هذا بتقعدين تراقبين زوجج وتدورين سيئاته قبل حسناته وماراح تستمتعين بحياتج
موفقه ياقلبي والله يهدي بالج ويسخر زوجج لج

​

 

[إنسانه وأكثر]

الله يوفقج حبوبه ويسخرلج زوجج

وكل شي بوقته حلو لاتفكرين بأشياء سابقه اوانها يمكن من اول ليله تحبينه وتتأقلمين معاه

الله يرزقج كل خير

 

[الزينه اصايل1]

حبوبه ماراح تنهدم الدنيا اذا تطلقتي بالملجه ولا تحطين الناس همج انا كنت املجه وتطلقت بعد ملجتي بسنتين ما دخلت عليه وبعدها بست شهور تقدملي واحد محترم وولد ناس ومو متزوج ولا مطلق وهذا انا وياه الحين صارلنا عشر سنين وعندي ثلاث عيال والحياة الحمد لله ماشية ولا عمره قالي انتي مطلقه او يعارني ليش شنو مسوية جريمة علشان تستحين منها وبعدين انا حملت بعد عرسي على طول يعني بالعربي ما شفت الدورة بعد العرس والحمد لله رب العالمين ربج ييسر الامور ويسهلها توكلي على الله وخلي عنج الشيطان والوسوسه موفقه يا رب وتعيشين حياة سعيده ان شاء الله

 

[..الزيــــــــن..]

بالعكس استمتعي هذي احلى لحظات تعيش فيها كل بنوته مقبله على زواج وحياة يديدة

الي كاتبه الله لج بصير

وموفقة باذن الله

 

[FeShinGoOo]

لاتوسوسينننن

 

[زوجة عزيز]

الله يوفقج ويسعدج

 

[ازمه وتعدي]

مدرى ليش انتى موسوسه من سالفه طلاقج قبل ؟؟

لو الزوج حس انك موسوسه وخاااايفه يعايرج تراااا احتمال يااااخذها عليج

حبيبتى انتى مو اول وحدة ولا اخر وحدة تتطلق وهى متملكه ... شيلى هالفكرة من رااااسك

هااااذى حياة جديدة وربي يووووووفقج فيها مالها دااعى سالفه ماابي احمل .. ان شااء الله ترتاحين ويااه وتملين البيت يهال

لكن نصيحه من اختك .. لا تفكرين وااااايد بسالفه طلاقج وقولى الحمد لله ان مااابينكم عيال وما دخل عليج لا تكبرين الامور

وربي يسعدج
​

 

[ريكاتو]

حياتي الله يوفقج بس ماله داعي تاجلين الحمل وايد انا اقولج الريال يبين من اول شي اذا كان يعايرج ولا لا
انتي شوفي من البدايه اذا كان زين لا تقولين اخافبعدين يعايرني توكلي على الله واستغفري وادعي وربج ما ينسى عبده

ونصيحتي لج دام انتي مقبله على الزواج لا تصيرين حساسه معاه وايد هذا اللي يهدم البيوت
وطبيعي الجدال اول سنة زواج لان الاطباع تختلف
وربي يكتب اللي فيه الخير

 

[جمالي خيالي]

والله انا اشجعج على قرارج .. لاتحملين اول سنه لعده اسباب

عشان تتعرفين على الريال عدل

وتستمتعين باحلى سنه بالعمر

وعشان يشبع زوجج منج ومن جسمج الحلو

اعرف وحده حملت بعد شهرين من زواجها لاااااتشوفين حالها تكسر الخاطر كل تجهيزها راح عليها وهدومها ضاجت بسرعه وماستمتعت بالبدايه .. و مع الوقت عرفت ريلها عدل وان مايناسبها وطلع سكانه امه تمشيه على هواها وصارت هالام سبب انفصالهم والحين هالبنت ببيت اهلها مع ولدها !!!!

تركدي ولاتحملين بسرعه .. تقدرين تاخذين حبوب منع حمل اول ٦ شهور اعرف بنات خذو حبوب مانع اول زواجهم واول ماوقفو الحبوب حملو على طول *

 

[توتة خلود]

رجااااااءا بنات الي عندها كلمة خير تتكلم والي ما عندها لا تقعدون تشيشون البنت وتخرعونها. ما عليج حبيبتي من كل الوسوسة الي في بالج توكلي على الله وبتشوفين السعاده معاه وتفااااائلي بالخير واحسني الظن بربج وترا المال والبنون زينة الحياة الدنيا وما فيها شيء اذا حملتي على طول يمكن هالشي يعلق ريلج فيج زود ويقربه منج ويكون طااااير فيج​

 

[فدوووو]

عزيزتي الله يهديج ليش هالوسوسه مب زين منج مخلية ريلج ستاند باي ليش تزهبين الدواء قبل الفلعه الله يوفقج ان شاءالله

يعطيك العافيه والله يوفقك حبوبه

الله يهديــك قولــولي أميـــن*

ياحلوة هذي وسوسة استغفري الحمل نعمة من رب العباد فيه ناس يتمنون هالشي

انتي اتوكلــي رب العبــاد وماتلقين الا الي يرضيك عروس واكيد هالشي تاحاتين فيه
الله يوفقك وييسر طريقك ويساعدك بالي فيه خير
بالتوفيـــــــــــــــــق ياعسوله..

نعمه للي يتمنونه ونقمه اذا حملت من شخص مايستاهلني
يعطيك العافيه حبوبه

بسم الله الرحمن الرحيم​

يا حبيبتي مراح يصيبج الا المكتوب لج والانسان مايعرف الغيب انتي اهم شي صفي نيتج وتوكلي على الله واحسن الضن فيه ولا ادخلين زوجج بوسوسات وضنون مالها داعي عيشي حياتج ولا تحاتين وبعدين انتي اللي تركت زوجج السابق مو هو واذا سال الاجابه بسيطه اكتشفنا عنه شي ماكنا عارفينه والله يهديه ويستر علينا وعليه انتي ماسويتي شي غلط علشان تخافين وتحاتين اللي يمشي سيدا ترى مايخاف حتى لو طلع عليه كلام لانه راح يكون واثق من نفسه وبعدين زوجج داش على حياة ومتوقع الافضل فانتي ليش تنكدين عليه وعليج بسالفه اشوفها عاديه وصارت لبنات اعرفهم سواء يصيرولي او رفيجاتي وكاهم عايشين حياتهم باحسن مايكون انتي توكلي على الله وشوفي ربي خلاكم تكتشفون حقيقة هالانسان قبل لاتورطون معاه المفروض تشكرين ربج ؛وبخصوص الحمال لاتسوين شي يغضب ربج افرضي اكلتي شي علشان ماتحملين وبعدين عرفتي ان الرجال زين واخلاقه عاليه وبعدين ماتقدرين تحملين من هالشي اللي كلتيه والله بتحسفين قد شعر راسج وشكثر ناس صار فيهم جذي ؛الخلاصه توكلي على الله وعيشي حياتج وافرحي بزواجج واتركي هالوساوس اللي مالها داعي وربي يسخره لج ويهنيج ويعطيج على قد نيتج

يعطيك العافيه حبوبه

لــــيــــش يـــعــــايـــــرج انــــج مـــطــلــــقـــــــه قـــبــــل الـــدخـــلـــــه مـــا صـــارنــصـــــيـــــب والــريــــال مـــــو كـــــفـــــو وتــطــلــقـــتـــــي شــــنـــــو صـــــاريـــعـــنــــي واااايـــــــــــد تــصـــيـــــر انـــسي حــيــاتــج قــبـــل ولا تــريــطــيــنــهـــا يــحــيــاتـــج الــيــــديـــدة ولا تـــتــاثـــريـــن بــهــا او تــســتــســلــمــيـــن لـــهــا

بــاالــنســبــه لـــمـــوضــــوعــــج تـــأجـــيــــل الــحـــمـــل مــن حــقــــج بـــس مــــو بـــدووون عــــلــــم زوووجـــــج اتــفـــقــــي ويـــاه عــلـــــى انـــكــــم تــجــلـــســون 8 شـــهــــورجـــذي حـــق الــونـــاســــه قـــولـــي لاحـــقــيـــن عــلــى الـــعـــيــال واللـــــويــــا والازعــــاج خـــل نــســتــانــــس بــعـــمـــرنـــا ادلـــعــــك واجـــابــلــك قــبـــل لا يـــاخـــذونـــي اليــهـــال مـــنــك ومـــن هـــاالــســوالـــــف واللــــه يــــوفــقــــــج​

انا خايفه ان هو يعايرني والا انا الحمد لله ماقد سمعت هالكلمه من الناس اللي حولي
يعطيك العافيه حبوبه

حبي الله يوفقج بحياتج اليديده وعلية عليج انج استخرتي وهذي بروووووووحها تكفي وندري لي يوم العرس او حتن وانتوا بالملجه اذا تكلمتوا قوليلة بأسلوووب اهم شيء الاسلوب الحلو انه انتي فرحانه وياه وطائرة من الفرحه وانج بخاطرج. تيبن بيبي منه وانج تتمنين يكون يشبه حتن لو جذب عادي فهمتي قصدي ولي بوصله يعني مو تبينين له انج من البداية ماتبين وقوليله انج بخاطرج تتدلعين ودلعينه وتتفرغين له خصوصا وانكم توكم معاريس

ويوفي شنو راية بالموضوع يمكن اهوا بعد نفس فكرتج مايبي ايب عيال منج لين ما يرتاح لج صح ولا غلط؟؟؟

ويمكن نظامه يحب مو على طول يكون أبو. عرفتي يعني انتي شوفي دامج استخرتي كل شيء بيصير لج صدقيني راح يعجبج بس مثل ما قلت لج نصيحه

لا تقولينها له بالخط العريض انج ماتبين منه عيال ليما تعرفينه ترا راح ينصدم وشيء كلش مو حلو

والله يوفقج وتيبين منه درزن عيال

يعطيك العافيه حبوبه
​