ابي مطعم راااااقي ومررتب لمناسبه عيد زواجنا

[Meeesh]

مرحبا بنات

انا انشالله وزوجي جايين للكويت نحتفل بعيد زواجنا :q8:

اربعا وخميس وجمعه وسبت راجععين انشالله

ابي احجز في مطعم يكون حلو وراقي قالولي عن مطعم اسمه لو كورنر بس مادري قلت اخذ رايكم احسن :eh_s(6):

وابي احلى واشهر محل عندكم للكيك عشان ناخذ كيكه من هناك :ggdw:

يالله استنى ردودكم !!

 

[om MaRyooM]

بصراحة انا جربت لونوتر البحر .. شي رووعة وراقي

وبالنسبة للكيك عندج الخباز كيكاتهم حللوة ومحل caramel ع البحر يم سويا سوس وايد لذيذ
عندهم كيكة pumpkin امبي شنو لذييييييييييييييييييييييييذة روعة

 

[sweetkoko]

كل العمر وانتوا بخير كيك اوبرا روعه يم الصالحيه او بقرطبه بس لايعلا عليه وغالي اما العادي الخباز حلو بس ثقيل وسابليه او كيك اند بيك مطعم حلو كل مطاعم حلو كل مطاعم الكويت اذا فنادق تراس غريل بجي دبليو ماريوت او حرير بريجنسي القعدة روماااااااانسيه اذا لج بالزفره البوم بساس او المهلب بفندق النخيل او النوخذه بكراون بلازا او ملتقي الشعب شبستان ب360 او كراون بلازا وعندج مطاعم الشيراتون هاااديه وااايد الطاوس بساس رووووعه ورومانسي اذا مطاعم العاديه لونوت فرنسي علي البحر الصيني بالافنيوز التسيموا برج النصار ايطالي عمر الخيام بقرية الضيافه ايراني صبح ومسي 360 لبناني جاتشوغريل بالافنيوز جبال النافوره ومااادري وايد انت شنو مودج لبناني ايطالي امريكي هندي وبوفيه او اوردر وحياااج بالكويت

 

[+بسبوسة+]

شوفي


اول شي تعشوا في التيسيمو

وقولولهم معاريس ...ووااااااااااااااااايد رومانسي وخيالي بالدور 28
رقمهم 22258000


والليلة الي عقب روحي سنيور ساسي يم ابراج الكويت بنفس المواقف عند مطعم فيش ماركت
فيش ماركت حلو بس زحمة سنيور ساسي ايطالي وهادي وكشخة


وربي يسعدكم العمر كله مع بعض