ابي مطعم راقي وكبينه

[شوارفسكي]

:rgewrg:بنات مدحت لزوجي مطعم ليتل دامور وستانس بس كشر لمل قلتله نظامهم مو كباين قاااااااااااااااااااااااااااااال انسي نروحله وتهاوشت معاه قلتله انت حدك انسان رجعي المهم ابي منكم مطاعم كشخه وفخمه بس كباين الله يعافيكم غير قيصر وفريج صويلح وابو شقرا لان لاعت جبدي منهم

 

[أم حسون]

الطباخ جدام المهلب
مادري هذا اللي اعرفه

 

[دلوعه الحلوه]

عندج الفايز رووووووووووووعه بالسالميه

وعندج مغل محل هم بالسالميه<<<

مراكش برج عاليه وغاليه

 

[sorry25]

عندج مطعم لييونوتر الي على البحر فوق المطعم في كباين

 

[Om3Li]

انا اقووولج لاني خبره بمطااعم الكباين عندج المطااعم الهندية كلها فيها كباين قيصر والفايز ومغل محل وساتشي الي يم الشيراتون ومطعم ايام زمان والمطعم الصيني الي جباله الي في هوليداي ان الي يم شوبييز والمطعم الصيني سوشي كلوب وعندج بعد بيت 7 بس امصيييبه الكبيينه ب 15 دينار غير طلبج

 

[مس ماك 1]

في مطعم فوق برج الحمام اكلات بحريه كباين وفي مطعم دعوات في ابو حليفه بعد كباين في مطعم البيت الكويتي بالجهرا في منتجع السليل اتوقع اسمه البيت الكويتي...

 

[ورود خذلتها العاصفه]

لا اسمه مو البيت الكويتي اسمه السبعينات اتوقع ياليت اللي تعرف مطاعم كباين لبنانيه تقول لاني مثل راعيت الموضوع ولاتقولون مغل والفايز مليت من اكل الهنود

 

[ناتشوو]

مطعم شهريار
صج مو كشخة حيل
بس مرتب وهادي وطباخه نظيف
والكباين واسعة اذا ودج تعزمين مجموعة معاج

الموضوع قديم بس برفعه للفائدة

 

[ام فرووس]

عندج مطعم سوشي ياباني ورا الصالحية عندهم كبينة تينن جنها غرفة وقعدة نازله يابانية وتلفزيون بس سعرها غالي شوي 40 دينار والاكل ضمن السعر