ابي مطعم قعدته حلوه وراقيه للغبقه او السحور

[اروى77]

قوة بنات... استفساري واضح من العنوان ... ابي مطعم قعدته راقيه و حلوه برمضان... مابي مجمعات لاني مااحب اللويه ابي فنادق ... بليز ساعدوني ابيه اليوم

 

[نوارس الكويت]

مرحبااااااااااااااااااااا

في خيمة رمضانية بهلتون المنقف
وهذا المكان الوحيد الي رحتله من اول ارمضان ومارحت غيره عشان جذي اقدر اوصفلج اياه

اهي خيمة كبيرة ومزعين فيها تلفزيونات على مدار الخيمة والبوفيه بالنص و المكان وايد مفتوح وشرح
والخدمة وايد راقية

وسعر البوفيه للشخص على ما اذكر 11.5

وانشالله البنات يفيدونا بعد..........

​

 

[اروى77]

يعطيك الف عافيه حبوبه ومشكوره

 

[أحبك لو تجافيني]

الصراحه ما انصحج تتفطرين بره
لأن اختي اليوم متفطره مع ريلها بره بفندق تقول زحمه ولويه
جنه محد قاعد ببيته

وإنشالله البنات يفيدونج​

 

[خالة الزين]

ررررررررررررررفع لعيونج

 

[عالمة_جيولوجيا]

البنت تبي للغبقه او السحوور مو الفطور .... شوفي قلبي مدحوا لي فندق النخيل بس ما رحت له
رحت فندق المؤتمرات جدام موفبيك الشويخ قاعده حلوه بوو ساعتين بخيمه فيها تليفزيون ويقدمون المشروبات الرمضانيه والحلوو وعندهم شاورمه يمي يمي حلووه

نسيت اضافه لشيشه طبعا​

 

[super]

جربي ميس الغانم

 

[jury2003b]

انا نفسج قاعده ادور قعده رمضانيه حلوه بس ابي مكان من غير شيشه؟

 

[أم@الحلوين]

برج الحمام قعدته تهبل

وايام زمان هم حلووو

 

[بنت اكابر]

انصحج ببرج النصار فوق المطعم اللي بالرووف

او

ايام زمان بالهوليدي ان

او

بال في موفمبيك

 

[مساء مونترو]

ئي والله يابنات ياليت تفيدونا..

 

[برنسيسة Q8]

موفنبيك البدع حلو وفيه موسقى
عندج سفير فيه خيمه رمضانية عند الفندق الخيمه كبيرة وشرحة وااايد ادزلج صورتها بس كمبيوتر الدوام عندي
عندج فندق كوستا دل البحر موسين غبقات وفندق صحاري

 

[اروى77]

يعطيكم العافيه حبيباتي ... ماقصرتو

 

[sweet-kamelia]

ان شالله البناات يفيدوونج
بس حبيت أرفع لج الموضووع