ابي معلومات عن الرخص التجارية ساعدوني بليززز

[الاميرة نمنم]

السلام عليكم بنات
أنا عضوة بدية توني اسجل معاكم بس متابعتكم ومعجبة بالمنتدى واتمنى استفيد وافيدكم
الموضوع باين من العنوان ابي معلومات عن استخراج الرخصة التجارية من ناحية:
شلون الاجراءات بالضبط وين اروح وشنو الطلبات والشغلة المهمة أنا موظفة في شركة المشروعات السياحية فاقدر اطلع رخصة باسمي؟؟؟؟؟؟

بنات بليز ساعدوني حدي محتاسة وماني عارفة الاجراءات

 

[غرووووور]

رد : ابي معلومات عن الرخص التجارية ساعدوني بليززز

ماعندي أي فكره عن الموضوع
بس عندي رخصه وبتنازل عنها إذا حابه

 

[+ Gloom +]

رد : ابي معلومات عن الرخص التجارية ساعدوني بليززز

رفع --- أب

 

[ماي مثلج]

رد : ابي معلومات عن الرخص التجارية ساعدوني بليززز

انا اعرف انه اذا كنتي موظفة مايصير تطلعين رخصة تجارية لازم شخص متقاعد امج اوابوج ......

 

[الاميرة نمنم]

رد : ابي معلومات عن الرخص التجارية ساعدوني بليززز

للرفع
بنات ابي اعرف المشروعات السياحية شنو خاص ولا حكومي؟
بنات اللي يشتغلون بوزارة التجارة وينكم؟

 

[kaboOOOOOOOOsa]

لاء المشروعات اصير تفتحين اهي حكوميه تابعه الماليه بس طريفتها مثل الخاص اصير تفتحين فيها رخصه تجاريه عادي

 

[كويتيه مستحيله]

ان شالله تقدرين تطلعين رخصه دامج موظفه بالمشروعات
ولازم تطلعين شهاده من التامينات موجهه للتجاره وبعدين تراجعين التجاره

 

[نورا الحلوة]

لازم يكون عندح اول شي عقد ايجار+وصل الايجار للمحل +الرقم الالي للمحل للمعلومات المدنية
اهم اوراق هاذي عشان تأخذين كتاب البلدية من وزارة التجارة والصناعة وتروحين البلدية واذا وافقوا البلدية
عاد ترجعين الوزارة وتجبين الاوراق الثانية المهمة
شورة البطاقة المدنية+عقدالايجار+وصل الايجار+شهادة المعلومات المدنية+شهادة التأمينات الاجتماعية_شهادة رصيد(على حسب نوع النشاط اذا خياط 2000واذا بقالة 5000 ....الخ)+كشف حساب 3 اشهر على نفس الحساب أو وصل ايداع
المهم اذا جبتي كل الاوراق تختارين الاسم التجاري وتأخذين الرخصة
الرسوم الاصدار 30 دينار في كل الاحوال
وطوابع 7 دنانير للسجل اذا كان النشاط تجارة مو حرفة

ادعيلي بس بالتوفيق اذا فادتج المعلومات

 

[حلوى البحرين]

لازم يكون عندح اول شي عقد ايجار+وصل الايجار للمحل +الرقم الالي للمحل للمعلومات المدنية
اهم اوراق هاذي عشان تأخذين كتاب البلدية من وزارة التجارة والصناعة وتروحين البلدية واذا وافقوا البلدية
عاد ترجعين الوزارة وتجبين الاوراق الثانية المهمة
شورة البطاقة المدنية+عقدالايجار+وصل الايجار+شهادة المعلومات المدنية+شهادة التأمينات الاجتماعية_شهادة رصيد(على حسب نوع النشاط اذا خياط 2000واذا بقالة 5000 ....الخ)+كشف حساب 3 اشهر على نفس الحساب أو وصل ايداع
المهم اذا جبتي كل الاوراق تختارين الاسم التجاري وتأخذين الرخصة
الرسوم الاصدار 30 دينار في كل الاحوال
وطوابع 7 دنانير للسجل اذا كان النشاط تجارة مو حرفة

ادعيلي بس بالتوفيق اذا فادتج المعلومات

مشكوره اختى على هالمعلومات بس شرايج بالمكاتب اللى تسوى رخص تجاريه ب 180 و200 دك ؟

 

[بنت الاحلام]

انا ودي برخصه تجاريه بس الاسعار نار

 

[روعة الأمومة]

رد : ابي معلومات عن الرخص التجارية ساعدوني بليززز

" الأميرة بلقيس" تسلمين عالمعلومات و الله ينولج اللي في بالج و يوفقج و يسعدج

 

[مفرفشه عالاخر]

انا الي اعرفه لازم تكون متقاعده