ابي معلومات عن فلاخو

[أم فهووود]

منو عندها معلومات عن فلاخو الاسعار السكن و غيرها :e3:

 

[Samurai]

هذي وينهي ؟

 

[أم@الحلوين]

اهي بالنمسا

مدينة فيلاخ هي الاقرب الى فينيسا بالقطار حوالي 3 ساعات وايضا سولفينيا القريبه منها ..

واهم الاماكن السياحيه هناك ..

1- البحيرات المحيطه بالمدينه
2- صعود قمة جبل Villacher Alpe وهو قريب من المدينه
3- التجول بالميدينه الصغيره
4- نهر Drau تستطيع تأخذ جوله نهريه فيه
5- اقرب مدينه لك رئيسيه بالنمسا هي Klagenfurt 40 كيلو تقريبا

بخصوصا البحيرات هناك اكثر من 5 بحيرات حوالين المدينه وايضا بالقرب منها ..

ومن اجملهم
Faaker See
Vassacher See

 

[أم فهووود]

يابعد عمري عمرج ام الحلوين على المعلومات مشكوره وماقصرتي

 

[ظبي الفلا]

السلام عليكم
عفوا اختي للتصحيح مدينة فيلاخ غير فلاخو
انا كنت رايحة النمسا العام وقعدت بفلاخو اسبوع قرية صغيرونة فيها تلفريك ونهر تبعد ساعة تقريبا عن زيلامسي هاديه ومافيها عرب واجد الي اذكر انها كانت من احلى الاماكن الي سافرت لها وقضيت فيها ايام لاتنسى

 

[MeMe]

اب
اب

 

[أم فهووود]

مشكورين كل اللي ردوا ورفعوا الموضوع وفلاخو هي سؤالي يابعد عمري كلكم

 

[كتكوته كويتيه]

واااااااااااااااااااااااااااااااااااااااااااااااااااااااااي تهبل تهبل تهبل
لا تعورين قلبي
قليل ناس يروحولها شلون عرفتيها

 

[أوكسجين]

كتكوته صج تسوا الواحد يروحلها!!

 

[كتكوته كويتيه]

ادا انتي تحبين الطبيعه اي روحي
الفريه هااااااااااااااااديه و ما فيها خليجيين وايد يعني حق راحه و استجمام لان ما فيها شي فيها مطعم تركي عنده شاورما تهبل و في مكان يحلبون البقره جدامج و تاخدين الحليب فرش فيها بس الطبييعه خيااااااااااااايل من احلى الاماكن اللي رحتلها يعني مافيها انشطه جني شفت مكان نأجير قواري روحيلها يوم و ادا عجبتج سكني فيها أنا عن نفسي هاسنه ناويه اقعد فيها يومين اتمتع بالطبيعه
اهلي يسكنون فيها و يطلعون رحلات من الصبح لين قبل غروب الشمس لانها بعيده شوي عن الاماكن اللي فيها انشطه

 

[زبدة ككاو]

تدررين أول مــرهـ أسمع عنهــآ

ششــوقتيني لهــآ .. ،

 

[المثيرة]

فلاخو منطقه ريفيه نمساويه صايره بين كابرون وقارمش

احنا رحنا لها قبل سنتين

وبصراحه منطقه هاديه وحلوه

اول ماتدشين فلاخو تحصلين انفورميشن سنتر وتقدرين تسئلينهم عن الشقق المتوفره والأسعار

واسعار السكن كان شقه غرفتين وصاله ب90 يورو باليوم

 

[احلى عواشة]

بنات بليز نبي معلومات بعد