ابي مهري ابي احس اني عروس =(

[حلآوهـ حلوهـ]

السلام عليكم والرحمه

بنات انا يايه اليوم افضفض لكم :eh_s(2): مالي غيركم حبايبي
انا مالجه من شهر 6 وللحين ماستلمت المهرر ولاشي =(

ودي اتشرا وابدأ تجهييز لان باقي ع العرس تقريبها 6 شهووور
وايد انتظرت مع ان حالته الماديه ممتازه وحتى نحن

بس مايصير كل شي على ابوي الله يخليه =( مايبا يحسسني بالنقص
متى راحح يحسسون على دمهم وايبون المهر !!

شي يضاييق وخصوصا لما الاهل يعايرونج
الله يشهد ان ريلي مب بخيل وطيب وحنون معاي

بس مادري شو السالفه شو الخلل ؟ يعني جد ابي اجهز على راحتي
وجلسات الليزر تاخذ وقت !! :eh_s(1):

مادري شو اسسوي ..

 

[M!SS.LOBY]

الله يعينج

انتي عروس من حقج تشترين وتجهزين وتسوين جلسات ليزر كل هذا يحتاج وقت

 

[am-abood]

غريبه ليش ماعطوكم المهر !!!!!!
مايصير كذا بعد انتي وراج لويه وتجهيزات ..

 

[أسرار الجمال]

نصيحة صارحي ريلج قوليله وراج تجهيز ما فيها شي او قولي لابوج يقوله انا مستغربة يملج شهور وما يعطي المهر هذي ما صارت يمكن شافكم طيبين زيادة معاه طنش الاخ

 

[ام غازي 2012]

ماباقي شي علي العرررس
قطوا نغزات جود يحسون
ههههههههههه

 

[فوولي]

اي قطووووووووووووووووووووو نقززات

 

[مهندسة الابيات]

كلمي ريلج قولي له واذا تستحين خلي امج تقول لامه

عشان تعرفين شلون تتصرفين على الاقل


والله يوفقج

 

[برنسيسة2007]

في طريقه اذا تكلمين زوجج
قولي ودي اتاجل العرس اشويه لان الوقت ماراح يكفيني اجهز بجذي بسرع بالمهر عشان اتجهزين بكير
وعادي حبوبه مو معناته بخيل تلقين عند التزامات تجهيز الشقه وحجز الصاله ولو وويه وترا الذنب مو ذنبه ذنب امه اهي اللي لازم اتوعيه
ولا اهما شدراهم بهسوالف
او تلقين اخته الحين ماخذته ومأخرته تبي اتسوي حركات فيه وتعطيكم اياه بفنتق مايسوا عليج

 

[حلآوهـ حلوهـ]

مافي غير اني اقط عليهم نغزاات !!
مشكورين حبيباتي =)

 

[منـآل]

عادي حبيبتي لا تتضايقين الحين شكثر مايجيبون المهر الا قبل العرس بخمس شهور
ونفس الشي صار معاي بس من حسن حظي تأجل العرس

ويمكن يشوفون انه امبجر يعطونج المهر
لأن بنظرهم التجهيز شي سهل ومايحتاج وقت
اعذريهم ولا تضايقين روحج وحاولي اذا تقدرين تبلشين بالليزر لان اهو اللي يبي له وقت
اما باقي الأغراض خليها لما تاخذين المهر

وعسى الله يوفقج يارب

 

[_عذبة الأوصاف_]

غريبه إنه مأعطوكي المهر
إحنا عاداتنا عند الملكه يكون المهر جاهز

 

[Mrs_Orchidia]

شوفي حلوو ان تتجهزين و اهلج يجهزونج .. فيها عزة و رفعة راس لج

بس بنفس الوقت حاولي تلمحين لزوجج ان لازم اييبون المهر الريال ما يصير ياخذج ببلاش !! اسفة عالتعبير بس ما بقى شي عالعرس و لا يروح الوقت و انتي ما اخذتي شي منهم
الحين انتي حاولي تتجهزين بكل اللي تقدرين عليه ... استغلي الوقت
و لما تاخذين المهر باذن الله سوي الي ناوية عليه

و اذا ماكو وقت خلاص ان شاءالله خيرة عادي انا تزوجت بدون ليزر !! اهم شي النظافة و العناية المستمرة و النعوومة
ابدي روحي الصالون من الحين كل اسبوعين او ثلاثة سوي حمام ملكي و جلسات حنة و حمام زيت
اشتري ملابس و اكسسوارات على مزاج بدال ما تسوين كل شي قبل العرس بشهر ماراح يمديييج ولا شي صدقيني

 

[Oman perfume]

غريبه..احنا قبل الملكه او وقت عقد القران يسلم المهر

حبيبتي لا تلمحين له مصيره بييب لك المهر ........المهم انتي عادي مب فيها شي لو أهلك جهزوا أغراضك اللي تبينها للعرس ومن

يدفع المهر رجعين لأهلك فلوسهم .....وبالتوفيق يااارب الله يسعدك

 

[mi corazon]

في طريقه اذا تكلمين زوجج
قولي ودي اتاجل العرس اشويه لان الوقت ماراح يكفيني اجهز بجذي بسرع بالمهر عشان اتجهزين بكير
وعادي حبوبه مو معناته بخيل تلقين عند التزامات تجهيز الشقه وحجز الصاله ولو وويه وترا الذنب مو ذنبه ذنب امه اهي اللي لازم اتوعيه
ولا اهما شدراهم بهسوالف
او تلقين اخته الحين ماخذته ومأخرته تبي اتسوي حركات فيه وتعطيكم اياه بفنتق مايسوا عليج

نفس كلامها

قوليله شكلي بأجل العرس مايمديني اجهز

 

[yam_yam]

الله يعينج
يمكن يجمعه من راتبه او شي حرام بعد
ماتدرين شنو ظروقهم عندهم بنيان او اثاث او شي
الله يعينهم
انتي الحين اخذي الاشياء المهم او اللي تحتاج وقت مثل الليزر و الجلدية و الاسنان
و انشالله الباقي سهالات ماعليج

 

[zـلمَ ..]

ماعليج ألأ تقطين نغزات ماينفع معهم ذولي =))

 

[مرمر]

نصيحة من وحدة كبر امج لاتقلين نقزات ولا شي

اكيد امج بتجهزج وماراح يقصرون عليج ولا تنزلين نفسج لان مستحيل بياخذج بدون مهر

والله احنا حضر قبل الملجة يدزون المهر

وكل عايلة لها تقاليدها وعاداتها ومااقدر احكم علي ريلج او اهله واحنا الولد يشيلونه اهله بكل شي

 

[ليان ليون]

اهم شي الصبر بس مع هيك انت بينك وبين ريلك افتحي معه الموضوع بدون ما حد يدخل وانت من جوابه رح تعرفين اذا ناوي يعطيكي المهر او لا ما تضايقي نفسك

 

[PuPa^^SWeeT]

عادي


امج اتكلم امه

 

[ميـريام]

لاتقطين نغزات ولاشي
صارحيه