ابي نادي زين اشتراكه شهر بس

[نطوووعه]

دقيت على فليكس قالولي 3 اشهر مينيموم و انا ماقدر العب رياضه برمضان اتعب ابي نادي اقدر اشترك فيه شهر بس


مدحولي فيت شرايكم فيه.؟؟؟

 

[noty]

اللي اعرفه و جربته كاميو بس شهر

ب 45 دينار اذا ماخاب ظني و سكرون الساعه 7 و نص

و فيه بس اجهزه و تمارين عالمات

زينيينن اللي فيه



و رفيجتي تقول هذا اللي بالخالديه فيه شهر

 

[ii DareeN ii]

الي بالخالديه والي في الدسمه فيهم اشتراك شهر روحي جربي

 

[شكليطه]

عندج مال جمعيه الاصلاح ب30 للشهر

بس للامانه ............ما انصحج فيه

انا ماعجبني

اول شي المبنى مش ولابد
ثانيا الاجهزة قليلة
ثالثا حدج بالجهاز الواحد نص ساعه وتوخرين عنه........أي شي؟؟!!
الظاهر من زود الزحمه على بو ب30 ...طلعوا هالقانون
رابعا الصاله حاااااااااااره ومفتوح الباب على الحوش.......وياااااااسلالالالالالالام عالبراد اللي اييلج من الثلوج اللي برا


والله مااااااااكو فرق عن ممشى المناطق........يعني ماسويتي شي

الواحد ينحاش من الممشى بسبت الحر وهذول عندهم فرررررن اللهم ياكافي


وحمام السباحه نفس الحاله......شكله يكسر الخاطر

وصاله التمارين الله بالخير.........

كلش كلش انصدمت..........من مدح العالم حقه......

والله دخلت وبققت عيني @@جني مخترعه

وطلعت على طووووووووول
---------------

انا اللي عجبني نادي الخالدية.......ونااااويه باذن الله اشترك فيه بدايه شهر9

راقي.....نظيف..........شررررررررررررررررررررررررررررح

دافعه فلوس وتتصرفين بكيفج
مو يقولون لج نص ساعه وقومي


بس للامانه اشتراكهم الشهر ب100

والسنه ب395..........لو تحسبينها بالشهر تطلع ب30 نفس الاصلالالالالاح
وفررررررررق فرررررق

اجهزة يديده.....ووااااايده....تاخذين راحتج......وكل جهاز معاه شاشته
(صالتين للاجهزة......صاله الدراجه....وصاله جهاز المشي)
تكييف سنع
حمام سباحه يشوق
صاله الرياضه اشزينها
سونا وبخار



وبس سلامتج وبصراحه حبيت انبهج عن الاصلاح........لاتنغرين فيه

وبالاخير الراي راجع لج........
وبالتوفيق

 

[حبيبته آنا]

فت اللي بالدسمه يهبلللللللللللل

 

[نطوووعه]

مشكورين حبايبي


شكليطه اللي بالخالديهوين بضبط وشسمه ودي اطل عليه؟؟




حبيبته آنا

شلونه فت كبير فيه اجهزة وااايد؟اللي يشتغلون شلونهم؟

 

[شكليطه]

اللي بالخالديه .....يم نادي الفتاة (تدلينه؟؟).......
اهو كان قبل اسمه معهد الفتاه......
بس الحين جددوه........وغيروا اسمه صار لافام la femme...صاااااار عجيييييييييييييب

لايطوفج

 

[ظلال القرآن]

عندج شامبينز حلو وراقي والناس الي فيه سنعين
بنت اختي تقول بفلكس شكثر بويات يخزخزون قطيييييييييييييعه
اشتراك شهر ب150

 

[ناني سيكرتس]

عندج باينبل اشتراكم باشهر ب50 حلو ونظيف ويم فلكس.

 

[*دنــيـQ8 ــا الوله*]

تسلمون بنات

 

[شمس دنياه]

بناات اللي بالخالديه جم اشتراكه

احد عنده فكرة ؟؟