ابي نشتري بيت شلون؟؟؟

[بس خلاص]

هلا بنات شلونكم؟؟
انا مااشتغل للاسف..لكن للاسف كل ماجمعنا مبلغ راح...مره اسهم وطاحت
ومره التزامات ضروريه الزبده كل مافرحت بمبلغ راح قهر والله
انا حلمي نشتري بيت وناجره ويكون لنا دخل ثاني واشوف هالعالم ماشاالله عليهم فجأه اللي شرت بيت واللي شرت ارض..مع ريايلهم معاشاتهم اقل من ريلي !!!
سؤالي الحين ؟؟؟
جم المبلغ اللي تحسينه ممتاز اذا وفرتيه بالشهر ؟؟؟؟انا لما حسبت لقيت لو وفرت كل شهر 400 دينار هم مااقدر اشتري شي
طب راضيه لو شقه ...نشتريها
شلون طريقتكم؟؟للي شاطرين يفيدونا بخبراتهم...ويجاوبوني على اسئلتي :
-بالاضافه للسؤال السابق :
-جم مره تاكلون برا؟؟واذاقليل ماتحسين بقهر وملل وكابه؟؟
-شلون طريقه لبسك ولبس عيالك؟؟ماركات ديور وبربي وهالسوالف ولا غاضه النظر وماتشترين جناط ماركات؟؟
-الهدايا اللي تقص الظهر وابتلشنا فيها شلون تحطون لها ميزانيه ؟؟
-السفر بالصيف شلون؟؟؟ماتسافرون ؟؟


انا حاولت التزم بميزانيه واقلل من اكل برا بس حاسه اني مخنوقه لاني صرت بالبيت اربع وعشرين ساعه لان الطلعات تبي ...
الله يعين على هالدنيا كل شي نار

 

[ام فجور 2008]

الحال من بعضه خليها مستورة ولي يعافيج
والله هذا سبب من اسباب مشاكلي مع زوجي
والله حتى لو توفرين كل شهر ماراح تقدرين الا بعد خمس سنين اذا مو اكثر شكثر بتشيلين من راتبج
لاتنسين انج على الاقل فوق 70 الف يبيلج على الاقل 35 الف
شلون بتيمعين 35 الف
استغفر الله الا بقرض وبنك التمويل الله يسامحهم وقفوا العقار
والله قلت دام ان مافي فايدة بس اشيل 150 من راتبي اخليهم للضرورة بحساب التوفير وقلت توني صغيرة ليش احرم نفسي من طلعات ومشتريات لي كبرت ماراح استانس

 

[بس خلاص]

تهقين ام فجور ؟؟يعني مااضغط على نفسي ؟بيني وبينج اختنقت
مو حلو الواحد يوفر ضيقه خلق
بس انا اقول جذي واوفر مبلغ بسيط على قولتج 150 لكن فجأه تطلع لي وحده من اهلنا توها شاريه بيت ولا ارض وهي كبري !!!
عاد ساعتها اتحسف اقول شوفي الناس صج حرموا روحهم وسووا شي عدل مو مثلج

 

[sondos]

بيت ؟مالج امل ...............الظاهر مالنا الا شقق ولا بيت الحكوومه باااخر الدنيا


انا نفس حالتج ما اشتغل .........ومعاش بو العيال بين مدارس اليهال واجاار الشقه ومصاريفنا يعنى انسى شى اسمه توفير


وماشالله البيوت بالميييييت 140 الف ..........يعنى فوق ال 70 نبى بعد 70 ...........من وين؟؟؟

 

[شهد ستايل*]

الله يرزقكم الرزق الحلال ان شاء الله ...ويطمن بالكم وتلاقون البيوت اللى تبونها .
بس
حبيبتى....لا تشوفين فلانه وفلانه ..ما عليج منهم....صدقينى هالشغله راح تتعبج اكثر ...طالما الحين انتى قاعده فى بيت والحمدلله ويا عيالج وريلج الله لا يغير عليكم ..هذا الحمدلله نعمه من رب العالمين...........وبعدين انتى تببين البيت علشان تاجرينه ,...ليش ما تفكرين تسكنينه ....الفلوس اللى بتيى من الايجار راح تصرفونها حالها حال غيرها ,,,,حتى لو سددتوا قسط القرض ...بس لو سكنتوا فيه وممكن تاجرين جزء منه انتى راح ترتاحين نفسيا وخلى عيالج يعيشون عمرهم واهم مو ناقصهم شى ......وبعد خففى بس بدون افراط... .....
انتى حاولى تيمعين بس لا تضغطين على نفسج ..........
انا قبل كل ما فكرت فى البيت اقول ليش ما ايمع....بس اشوف عيالى ما يطاوعنى قلبى انى اقصر عليهم ...والحمدلله الله يسرها علينا وان شاء الله يسر عليكم ويسهل اموركم وتشترون البيت .....
وحبيبتى الناس مو قاعدين والفلوس ياتهم ...الناس يشتغلون من تحت لتحت ....وما يبين عليهم ....بيع سياراات بيع اسهم..وغيره ....
وانتو الله يرزقكم ان شاء الله خلى ريلج يشوف له شغله ثانيه يقدر يوفر منها ............
والله حاسه فيكم ...ترى انا بعد تعبت على ما ضبطنا امورنا واشترينا البيت ...بعد مو البيت اللى ابيه ... بس علشان ما نضيع الفلوس وحاطه فى بالى بعد جم سنه ابيعه واشترى غيره............
الله يسر اموركم ان شاء الله

 

[بس خلاص]

ساندوس ...
لما افكر بباجر يضيق خلقي ...اقول هالعيال يبي لهم مصاريف ماودي يكبرون وهم اقل من غيرهم على الله ثم على معاش ابوهم
ودي نقدر نحط لكل واحد شقه على الاقل وتكون بعماره ابوهم نامن حياتهم اذا وقتنا جذي اجل هم شلون؟؟
ساعات افكر اقول لو بغى واحج فيهم يدرس برا ماعندنا امكانيه ...لاننا طرق المعاش بس لوفي دخل ثاني بيكون احسن الوضع....
مافي شي مستحيل بس لازم نفكر ونتحرك ...صفي يمي وانطري نصايح البنات

شهد ستايل
انا ابي بيت ناجره عشان يصير لنا دخل ثاني ...
تقولين الناس تشتغل غير وظيفتها ؟؟اشتغلت انا اسهم وطارت الفلوس (مع ان اول سنتين كانت ممتازه الارباح)بس كلها طارت
ريلي فتح محلات وخسرنا وهذا احنا سكرناها ونسدد من معاشه اقساط والتزامات تخيلي فوق 20000 دينار خساير ومديونيات بسبه مشروعهوهذا احنا بنسدد سنتين قدام من الراتب شوفي التقشف بس
يعين بالعربي كرهت المشاريع من كل قلبي ...
وقررت اوفر من اللي عندنا ...
فكرت اسوي مشروع من البيت بس مااعرف واستحي
مليت من الخنقه والله مليت

 

[شهد ستايل*]

حببيبتى الله يعينكم .ويعوضكم خسارتكم ...........
الواحد يقول الحمدلله على كل شى ....
المهم الصحه والعافيه ...وكله يهون يا قلبى..........











...

 

[الريادة]

أب أب
و منكم نستفيد

 

[بس خلاص]

مشكوره شهد ستايل على الدعوه الحلوه

الرياده مشكوره على الرفع


باجي البنات وينكم؟؟؟نبي تفاعل شفيه القسم نايم؟!!

 

[walah]

ياقلبي انتي ترى الحال من بعضه
وانا وزوجي بدينا من الصفر لا اهل ساعدونا ولا شي السيارة وايجار الشقه والخدامه ومصاريفنا كلها من معاش بو العيال ودايما اقول اني مستحيل اقصر على عيالي بس شفت اني نسيت نفسي وبس اصرف عليهم طبعا مو هذاك الصرف بس كل احتياجاتهم موجودة وزياده ونسيت نفسي وزوجي نفس الوضع بدينا نقلل مصاريفنا اكل من بره ماله داعي عيالي اشتري لهم من عيد لي عيد روحتي للبحرين عشان اهلي واهل زوجي هناك اهي وناستي وصرف اقل فكل شي ولا تنسين الدينار الكويتي يصير دبل البحريني (انا قلت قصة حياتي) فاكتشفت ان قاعد يزيد من المعاش وقدرت اوفر وحسبتها احنا ما بنقدر نسوي لعيالنا كل شي بس كفايه هالمبلغ اللي قلعده اوفره اقدر اشتري له سياره بس يتخرج وشلت منه هم كبير واللي لازم يصير ان عيالنا يشدون حيلهم فدراستهم ويبدون من الصفر مثل ما بدينا ليش لا لازم يحسون بالشي والا ماكو فايده
يمكن يكون كلامي مو مقنع لناس وايد بس يمكن يكون مقنع بالنسبه لي او كفايه لي عشان ما اقعد افكر هاليهال باجر بيكبرون والله يعينهم على دنياهم مدري هل الحال بيتعدل او لا
وانا وزوجي حاليا قاعدين نفكر ناخذ شقه تمليك بمنطقه داخل الديرة شي يكون ملك احسن من ايجار ومو حقج ولقينا شقه ببنيد القار وبالشعب البحريني سعرها تقريبا 31000 د ك يعتبر معقول وكفايه انه ملك
وروحي ارض المعارض اللي بمشرف هناك في المعرض العقاري او شي جذي بس من هناك انا لقيت الشقه اللي ببنيد القار بشركه اسمها ماجيك هوم

والله يكون بعونج وبعونا ويرزقنا من اوسع ابوابه يااااا رب
وتقبلي مروري

 

[بس خلاص]

اختي وله
تجربتج وايد حلوه ومفيده .....
انا كنت اسوي مثلج احط مبلغ بالبنك لكل واحج فيهم بحيث اذا كبروا نسوي لهم شي بالمبلغ لكن للاسف راحت الفلوس مع الخساير واخذها زوجي لتسديد التزاماته
وبفكر بشقه خوش فكره والله ...


بنات تدرون فكرت اشتري بيت بالاقساط ونسد اقساطه من الايجار بس لقيت الايجار مايكفي بعد ماحسبت كم بيصير قسط البنك لقيته واايد ومرااح اقدر اسد الاقساط الا بعد 15 سنه!!!هذا اذا دفعت 600 دينار كل شهر!!!مومعقوله بعذب عمري 15 سنه !!
انتوا مالكم تجارب من هالناحيه؟

 

[الشمريه]

والله شوفي الحال من بعضه
لكن انا تغيرت خلاااااااااااااااااااص الى متى بذخ واسراف طلعت مطاعم قللتهم الى ابعد حد لاني برمجت نفسي على ان سعادتي بيتي مو برى اقط فلوسي على اكل مدري اذهو نظيف اوصخ شريت لي كتاب طبخ وقمتاطبخ بالبيت الذ واحلى وانضف لا تعب ولاشي دام الخادمه مو جوده
العاب عيالج مو كل يوم لعبه اذ نجح او سوى شي زين كافئيه حتى هم يتحمسون على الدرسه مو يشبعون العاب وبعدين يتكيسلوون<<<اخواني جذي فتعلمت درس

شناط ماركه ماشتري والله حرام شنطه ب100 ولا 60هذاء انا اكشخ بس باعتدال لا شنطه ولا العبه ولا المطعم ينفعوني باجر بحياتي
الشنطه تبي تخرب والعبه تنكسر والمطعم موقاعد بطنج كلها ساعتين ورايح خخخخخخخخخخخ

انا وزوجي قررنا نوفر 200 دينار نحاول نقتصد الانو انا طالبه وحنا مثلج دخلنا اسهم وخسرنا كل مشروع ندخله نخسر قلنا مافيه الانوفرر

والحين ناوين نبني دور ثالث حقناا عند اهله واصبر الى مايطلع بيتي والله يعين

بس انتي اهم شي حااااااااااااولي توفرين لا تغرج الدنيااا اقل شي وفري طول السنه المصاريف الزياده واذ جاء الصيف سافري كافئي نفسج
انج قدرتي توفرين وهذاء راي وننطر تجارب البنات

 

[بس خلاص]

قلبي الشمريه ياحلوج ياحلو ردج والله
ضحكتيني يوم قلتي الاكل ساعتين ورايح لوووووووووول
انا فعلا بديت اقلل حيل من روحات المولات والمطاعم بس بيني وبينك؟؟استحي اذا ربعي قالوا امشوا نروح مطعم ولا خواتي قالوا امشوا كوفي شوب وهم ينقون اكشخ واغلى مكان وطبعا مايصير اروح معهم الا اني اعزمهم مثل ماعزوموني فصرت اتهرب وانا ميته ابي الروحه واحس بضيقه الخلق واني مخنوقه
والله اني مرتبه جدول لنفسي احاول ماتجاوزه عشان يسدد ريلي اللي عليه
لكن تجيج مناسبه وقطي هديه تدرين الشهر الجاي كم هديه لازم اشتري ؟؟؟3 وكل وحده لازم تكون كشخه لان اصحابها اهدوني هدايا سنعه هم فشله بعد اعطيهم عادي !!
الجناط مره ومره مو دايم اشتري ماركه يعني مره بالسنه ومو غاليه حيل ...
يبقى السفر وهو المأساة...كل سنه نقول ماراح نسافر وماتجي اخر السنه واحنا دايخين من التوفير ومخنوقين عاد نقول يلعن ابو الفقر خل نروح نستانس ونروح ونصرف ونجي تقشف عاد
السنه الجايه واللي بعدها واللي بعدها غصب ماراح نسافر ورانا التزامات\ترا السفر اللي يهد الميزانيه هد!
تخيلي لاب توبي معفن وخايس وابي واحد بداله وقلت لا يابنت توفير مو لازم هذا هو يشتغل
ابي جهاز سير متحرك وقلت يابنت لاتضغطين عليه مو لازم
ابي جوال
<<<يتها البجوه ههههههههه
بس يعني بقول لك اني غاشه النظر عن اشياء وايد واخرتها تروح الفلوس اللي وفرناها بقروض والتزامات ليتني موسعه صدري فيها بس

 

[الشمريه]

بالعكس روحي معاهم واستنسي مثلن حطي مزينيه لج انتي يروح مثل 100 وا 150 هاذي تشرين منها او توفرين او تعزمين خواتج وغيره
يعني اكيد مو كل يوم راح انتي الي تدفعين الحساب مثل اذ انتو 4 بنات كل اسبوع طلعه وكل اسبوع على وحده يعني بالشهر راح تدفعين الا مره وحده
ولاتضيقينها على نفسج سير ولاب توب الاهم الاب توب محد شايفه فرمتيه وقزريها وسير الجو الحين شحلاته اطلعي بالمشاة
ومنه نغير جو ولاتهتمين لدنيا ولاتقلين فقر الحمدالله خير بس حنا طامعين حبتين
والله يسهل امري وامرج

 

[بس خلاص]

الشمريه حبيتج ترا
والله كلامج يريح وتهونين الامور حيل ...
مشكوره ياقلبي

 

[*أم*خالد*]

حساب توفير ببنك ثاني وبطاقته بالتجوري وقطو فيه اول ماينزل المعاش

وبسس

احسن شي غير جذي الفلوس اللي المفروض توفرينها راح تطير

 

[بس خلاص]

والله ياام مناف سويناها لمده سنتين وحسيت نفسي شااااطره من المبلغ اللي جمعناه ...واخرتها طلبها ريلي لانه توهق بمشروع ولازم يسدد!!!وطار المبلغ

 

[مرت حمد]

الله اعين والله اي واحد يبي يشتري بيت اتنتف من كل مكان و البيوت ما اتلاقين الحين البيوت على 200 الف ويالله ولا موقع ولا شي الله اكون في العون

 

[بس خلاص]

اي والله ريومه يروح شبابنا واحنا نسد اقساط وديون
ياحظ اهالينا مايوصلون 35-40 سنه الا وبيوت وعماير وحلال ماشاالله

 

[TuTTi^FruTTi]

شوفي الخاص