ابي نصايحكم باختيار التخصص ( الجامعه)

[فروووووحه]

السلام عليكم ورحمة الله وبركاته


:eh_s(7): مساء الورد :eh_s(7):


شلونكم ي صبايا عساكم بخير

:rerrerek: موفقين باذن الله بدراستكم بجميع تخصصاتكم :rerrerek:


عندي موضوع يخص رفيجتي هي بالجامعه ومحتاره شنو تتخصص وماتبي التدريس

فشنو تنصحونها من تجاربكم وتجارب ناس تعرفونهم


ملاحظه ::

1- ابي التخصص وشنو الوظيفة اللي اذا تخرجت باذن الله تتوظفها واذا تعرفون كم الرواتب يكون خير بعد

2- انا نصحتها بتخصصات التدريس مثل رياض الاطفال - فنيه - الحاسوب - اقتصاد - ديكور وقلت لها مافيهم شغل واجد رفضت مساله التدريس خير شر اللي عندها رائي بهالتخصصات تدلوو بمدلولها

لا تفشلوني تراها تنطركم وانتم معروفااات ماتقصرون

مع الغريب شلون لو طلعت اختكم وبنت ديرتكم

:yaaaaaarb: ولكم دعووه من القلب :yaaaaaarb:






:ggdw::ggdw::ggdw::ggdw:



بانتظار الردود​

 

[Duoi]

افا ماهقيتها منج فرووحة احنا نفشلج
لووووول اتغشمر معاج

نصيحتي لها تصلي استخارة اول شي
واللي تحبه ويرتاح لها قلبها تدشه هذا مستقبل
انا مااقولج هااكلام فلسفة زايدة لا والله يشهد انا تأخرت كورس والسبب اني خليت احد ثاني ياخذ قرارت عني
نصيحتي لها تستخير الله وتقدم ع الشي اللي تحبه اهي
يعني اللي تحسه ميولها

ع فكرة انا تربية
و ان شاء الله اتخصص انجلش ان شاء الله
بالتوفيق حبوبة وامانة عليج وصلي لها كلامي مثل ما اهو
لان صدقيني اذا بتسمع كلام البنات راح تتعب لان كل واحد يشوف شي من زاوية مختلفة
وكل واحد يتكلم عن ميوله ومو ميولها اهي

 

[فروووووحه]

حبيبتي ماقصرتي وهذه الهقووه

يوصل لها بالحرف باذن الله وربي يوفقج​

 

[مملوحة_الوصايف]

على حسب ميولها محد يقدر ينصحها بعد مو معقوله ادش تخصص مو حابته عشان الكل نصحها فيه قوليلها الي تشوفين نفسج فيه وتحسينه اقرب لميولج توكلي على الله واختاريه

 

[ON_LY]

بالنسبه لي اشوف المسأله مسأله قدرات اولا قبل الميول

لان اذا هي فالحه باملواد العلميه اكثر من الادبي فالاحسن تخصص بتخصص علمي والعكس صحيح

لان بالنسبه لي خريجه ثانويه عامه علمي ونسبتي 92 ودخلت كليه الحقوق قبول فوري

بتقولون لي ليش علمي وداخله حقوق ,, بقولكم لان بالعلمي كنت واصله لمرحله الاكتفاء الذاتي يعني لو تحطين جدامي مساله رياضيات وحده احتمال انتحر هههههههههه ) enough is ENOUGH

وبعد المقدره وعرفت ان لو استمريت بالعلمي ب اي تخصص راح املها لان مكتفيه من العلمي ك مواد وطبيعه دراسه

رحت لميولي وطالعت التخصصات الادبيه الي اميل لها ولقيت محتاره بين تخصص تربيه-انجيليزي وبين الحقوق

والحمدلله قدمت عالحقوق ( ورغبتي الثانيه كانت تربيه-تخصصات ادبيه ) مع ان الي البنات الي سجلوا لي منصدمات ,, قلتلهم شغله نفسيه شي اسمه علمي ومواد علميه لا تحطونها جدامي بس اكتفيت من اشغل مخي وابطلها ثلاث سنين من ثانيه ثانويه (( الحين تسمونها الصف العاشر عندكم ) هههه

وهذي نصيحتي بالاول مقدرتج ( مواد علميه فالحه ولا المواد الادبيه ) + نفسيتج مرتاحه لاي نوع من المواد العلميه او الادبيه

وبعدها طالعي ميولج بحكم نوع المواد الي مرتاحه لها

 

[( Pink Rose )]

انا اشوف ان الموضوع جدا مو واضح
قوليلها تحدد : تخصصها كان علمي او ادبي والنسبه وميولها ..

 

[ضــمــاد]

1: البنت شنو ميولها ؟


2: مستقبلا ً وين حابه تتوظف ؟ مثلا ً اذا تحب القطاع الخاص , وعلى سبيل المثال البنوك
بهالحال أقولها .. ممكن تختار كلية العلوم الاداريه , لانه طلبة هالكليه نسبة توظيفهم وقبولهم بالبنوك
أسرع واسهل من غيرهم , بالاضافه للغه عندهم بما انه دراسة هالكليه اغلبها بالانقلش


3: أفضل طريقه , تمسك ورقه وقلم وتدخل على كل كليات الجامعه , وتكتب كل كلية وتحتها التخصصات
وتاخذ فره بالنت عن هالتخصصات وطريقة الدراسه , يعني تاخذ فكره عامه قبل لا تتوهق ,

 

[ضــمــاد]

فرووووووووحه خلي رفيجتج تشوف هالموضوع


http://www.q8yat.com/t1139426.html#post32357629