ابي نصايحكم....بليز

[الدلووعه..]

بــنـــات تكفون بقولكم مشكلتي بس ابي منكم ششغلـــــــــه ...

(((ابيكم تساعدووني)))...

وربي مالي غيركم...

انا عمري 19 وحبيت واحد عمره 23صارلي معااااه ثلاث سنوات

والله يينات حبيته من كل قلبي تخيلووو انسان كان عندي بقمه الروعه

احسه هو وروحي واحد اهو الهواء اللي اتنفسه يشبهني بكل شي نفس ششخصيتي تماما ...

بعد سنه ونص من عرفته درو اهلي اني احاجي واحد واخذو كل شي مني احرموني من شغلات

كثييييييره مع هذا قلت كل شي لعيووونه يهون

وماتبت يبت فوون من وراهم وحاجيته تخيلوو فوق الخمس مرات جكوني ودرا اخوي وخالي وربي

يبنات عشانه تحملت كثير حبسوني بالغرفه وقامو يطقوني بشيا كثيره هو عقال هو واير هو

بوكسات وطراقات كل هذا يبون يعرفون بس اسمه مع هذا سكت وماقلت خفت عليه لانه ولد فريجنا

ودمي الله لايوريكم بقيت امووت باليوم هذا ...

ومثلت جدمهم اني تركته بس انا تميت معااه بس ملييييييت من هالوضع خلاص كل انسان عنده صبر وانا

نفذ صبري مو راضي يتحرك ولا يخطبني وانا مليت محد قام يحاجيني بالبيت الخدامه صارت احسن مني

كله بغرفتي قاعده وعلا الاب لافون ولاطلعه ولااشوف رفيجاتي ... انا منعزله عن العالم


المشكله الحين...


انه قبل يومين قررت احط حد حق هالموضوع وقتله ياولد الناس يا تخطبني والا انا بتركك

تخيلوو صدمني باجاباته ولا جواب مقنع...

قالي انتي تطلبين مني شي كبيير وابوي اعرفه ماراح يرضا علا زواجنا

قلت اللي يحب يخسر الناس كلها عشان اللي يحبه

تخيلوو شقالي هذا اللي بط جبدي ..قالي انتي قلتيها يخسر الناس كلها مو اهله ..,

قلت انا خسرت اهلي وخسرت كل شي عشانك انت فكر وشوف انا قبل وين وصرت وين بسبتك ضريتني

بس مافدتني بشي جااااااان يسكت...حتى ماكسرت خاطررره وربي اكلمه وانا ابجي

قلتله خلااااص عقب هالحجي كل اللي بينا انتهى وظل يترجاني يقلي الا هذي لاتسوينهااا

انا الحين احس اني بموت اذا ماعرف شي عنه بس اللي سواه مو قليل كسرني حيييييييييل امي ملت

قالت خلاااااااااص بس يجي انا بوافق وافتك منج تزوجيه كان قبل يتحجج بالدراسه وانه توه صغير قلت

اوك مو مشكله وباقيله كورس ويتخرج الحين لما نطرته يقوووووووولي ابوي مو راضي

طيب وينه من زمان دام عارف رد اهله ليه ماقالي

تكفون اللي بتشورونه علي انا بسويه بس بعرف شسوي انا اضعف بسرعه جدامه


تكفووون لاطنشون

 

[أنت رجائي]

مااقريت كل القصه بس القصص كلها زي بعضها البنت ميته في الرجل والرجل بس يحب يتسلى وتدرين الخطا على منو على اهلج اللي مو منتبهيلج >>وانتي صغيير تضعفين قداامه من زيينه عااد هههع ترا الرجال مااايتزوج بنت كلمته من ورا اهله وخانت ثقت اهلها فيها
اصحي يااابنت ترااا كله كذب >>>وحراام اللي قااع اتسووينه >>
ومكان موضوعج خطا >>>الحمدلله والشكر تظلمووون انفسكم بعلااقات محرمه > اكيد الله بيشب بقلبج الناار لانج سمحتي لنفسج الحراام

 

[Jn0o0y]

اوووووووووووووووووووف انتي عايشه بالاحلااااااااااااااااام


حياآآآآآآآآآآآآآآآآآآتي ماكوووو رجال يتزوج بنت يعرفها ويكلمهاااا حتى لوو من اهله دام عرف انج تكلمينه وخنتي اهلج

مسسسسسسسسسسسسسسسسسسسستحيل ياخذج

 

[الدلووعه..]

انا ادري اللي سويته غلط وانا ندمانه الحين بس مو عارفه افكرررر والا شلون اتصرف

 

[أنت رجائي]

ماتعرفين تتصرفين >>>اتجهي لربج وقولي ياارب لاتجعل في قلبي غير حبك ومن هالادعيه وصلي واقري قراان واايد ...رااحه لنفس مو طبيعي والله

 

[ساره أمها كويتيه]

انا ادري اللي سويته غلط وانا ندمانه الحين بس مو عارفه افكرررر والا شلون اتصرف

مشكلتج سهله أقطعي العلااااااااااااقه فوووووورا بدوووووووون تردد وغير تلفووووووووونج
وأستغفري ربج وأشغلي نفسج بشي يفيدج
وادعي الله يرزقج الزوج الصااااااااالح وقولي بدعااااااائج {{اللهم أكفيني بحلااااااااااالك عن حرااااااامك}}

الله يشرح صدرج ويهديج ويوفقج لماااااايحبه ويرضاااااااه
مووووفقه:eh_s(7):

 

[Jn0o0y]

خلاآآآآآآآآآآآآآآآآآآآآآص اتركيه وادعي ان ربج يستر عليج وبسسسسسسسسسسسس

 

[أتعبك بس أعجبك~]

مــادرى والله بس الرجال مستحيل ياخذ وحده يكلمهاا لان في باله بما ان كلمها اكيد مكلمه مليوون غيره وخلى يولى مالج شغل فيـه << وقوي قلبج شووى وروحى عند امج وااهلج وتسامحى منهم ومهما كان انتي بنتهم وراح يعذرووونج ويسامحونج مو بسهووله يبلج وقت والصـبر مفتاح الفرج وادعى ربج يوفقج ويقويج ع نسيانه

 

[..<< ندى الورد >>..]

حبيبتي الشباب حتى لو بنته عمه اللي من لحمه ودمه تكلمه مايتزوجهاا

اقطعي العلاقه بكبرها وان كانه يبيج راح يتقدم لج

 

[Yosha305]

الله يهديـج …
تـرآآ هـآلشي محـرمةة الـرب
وبـعديـن لؤ شنؤ آلريآل مآيتزوچ وحـدآ محآجيهـآآ مستحيييييييل
«الله يهديـچ

 

[همس المشاعر]

اقوول

ما ادري ع شنو مشتطه ع واحد مثله
انتي تتعبين نفسج واهوا ولا ع باله
نصيحتي اذاةتبينه

قومي صلي وادعي ربج ييسر امورج
و روحي بوسي راس امج وابوج واوعديهم انج ما تعيدينها وانج بتتركينه و بتكونين مع اهلج
وانا مو داشه بالي السالفه اسمحيلي بقول عليج غباء يعني في احد يضحي بهله لجل واحد ما يسوى ضفر امه حتى


حتى ايش لو تحبينه خ يولي بس

واتمنى افدتج بنصيحتي

 

[لعنبآك دهورتني!]

الله يستر علينا وعليج

انا مع البنات اقطعي علاقتج فيه ومثل ماقالوا ماافي شاب يتزوج وحده تخوون اهلها

فكري فيها شوي باجر اذا تزوجج اكييييد بيشك فيج وبيقول مثل ماتكلمني تكلم غيري

 

[الدلووعه..]

انا مستحيه من امي شلون اوجها اللي سويته مو قليل احسها تكرهني

بس بحااول ارجع نفس قبل ولو اني ادري ماراح تصدقني لاني دايم اقولها تركته وارجعله

بس احس اني كنت نايمه طول هالسنين والحين صحيييييييت

وانشالله بسوي اللي قلتو عليه ومشكورين وماقصرتووو

 

[أنت رجائي]

الله يهدييج وتأكدي اكيد بتمرين بايام صعبه شوي على نسيانه بس اشغلي نفسج بالقرااان بيريح قلبج
ويقولج المثل هم ساعه ولا كل سااعه

 

[فوووفووو&]

دلوعه البنات كفوو وفوو بالكلام بسسس انا بقولك شششى واحد لاتقولين لامج شى بالكلام قولى بالفعل يعنى امج لو شافتج تصلين وتقربين من ربج وتقضين معظم الوقت معاهم ونفسيتج حلوووه اكيد بتعرف انج تغيرتى وانك نسيتيه - كثري استغفار بيساعدج انشاالله

 

[ديمــــــــــه]

تسامحي من ربي اول شي وافتحي صفحه جديده مع نفسك وعقب روحي كلمي امتس وتسامحي منها والام قلبها كبير لو ايش ماصار
بتحتويك وتسامحك الاهل مامثلهم احد حتى وان غلطنا وتمادينا بس نعتذر ونرجع لصوابنا هم اول ناس يفتحون احضانهم لنا
بس حنا للاسف جحودين يعني البنت لو لقت واحد يقولها احبتس باعت الغالي والرخيص عشانه بوقت هو يستخسر اي شي عشانها
مابيدك شي تسوينه حبيبتي غير اللي قلته لتس وانتي الحمدلله ماخسرتي شي معاه قولي الحمدلله وارجعي للتواب الرحيم
الله معتس