ابي نصايحكم

[tastya]

السلام عليكم بنات
انا متزوجة صارلي 5 شهور وعلاقتي مع زوجي طبيعية وتاخرت علي الدورة تكرمون هالشهر ما حللت بس عشت الدور بقوة لووول وزوجي مشى الفلم معاي عموما يتني الدورة تكرمون والحين اهي علي
بنات كثر ما اقولكم اني ميح وماعرف شي بموضوع الحمل شوي واستحي اسال امي واحسها تتهرب مني اصلا اذا حاولت افتحه
وبصراحة بخاطري احمل قريت مواضيع بالنت عن التبويض والخصوبة ومافهمت شي واحس ان المفروض اني اسال طبيب
شرايكم شلون ابدى
ساعدوني الله يرزقكم الذرية الصالحة واعذروني على الاطالة

 

[ماتغير شي]

حبيبتــي شــوفي من تخلص الدوره والأسبوع الثاني اللي وراء الدوره لايصير جماع انتي ركزي ع الآيآم العشرهـ اللي بالنص يصير يوم جماع ويوم لاء وحطي مخده تحت

وقبل الدوره بأسبوع لايصير جمآع اتمنى انج فهمتي علي


وإن شاء الله تحملين


وآشربي بردقوش بأيام الدوره والأسبوع أللي وراء الدوره وبس


اتمنى اني افدتج وآي سؤال انه حاضره ��

 

[ربيع_الروح]

حبيبتي في ببعض المستوصفات أو بالأصح مراكز طبيه تخصص أمراض نساء وحمل وولادة

تقدرين تروحين باليوم الي فيه حق أمراض النساء وتسإلين الدكتورة كل الي بخاطرج ولا تستحين

كل شي مو فاهمته سإليها عن طريقة الحمل وحساب التبويض والالتهابات كل شي

وترى وايد حليوين ونفسيتهم حلوه وتعطيج من وقتها وتعلمج الي تبين

ومن المراكز الي أعرفها مركز الإحقاقي التخصصي في الدعية

بس لازم تييبين معاج صورة من عقد الزواج وبطاقتج المدنية وجنه بس مو متأكدة صورة من بطاقة ريلج

 

[tastya]

ماتغير شي وربيع الروح مشكورين حبيباتي انشالله بروح مستوصفنا لان فيه امراض نساء بس جد استحي ادش شقولها فشلة جني مشفوحة :$

 

[سمو النفس]

روحي عياده خاصه سووي تحاليل انتي وزوجج عشان تطمنيين حبيبتي ... ,, وانا اشووف تو النااس توج عرووس استانسي عالاقل اذا مر سنه عليكم روحي راجعي لان فيه بنات يحملون بعد 9 شهور ونصهم بعد سنه لا تستعجلين والله يرزقج باللي تتمنينه

 

[ارتقاء]

لاتستحين حبيبتي انا كذاء بالبدايه اهملت نفسي والنتيجه ثلاث سنين ماحملت وسقط ثلاث مرات وطلعت عندي مشاكل بالبدايه اورام ليفيه وبعدين ظهر عندي ضعف بالمبيض نصيحه روحي عند دكتووره وشوفي رحمك والمبايض سليمه او فيهاء ضعف علشان ترتاحين والله يرزقك وكل اخت تتمنى الحمل.دعواتك لي.

 

[مكتومه]

الله يرزقك .. انا من راي ارتقاء انتي جربي ها الشهر .. بعد ما تخلصين الدوره .. الاسبوع الثاني كثري من الجماع والله يكتب لج واقرى اكثر عن التبويض وشوفي الاعراض الى تجيك والله كريم

 

[tastya]

بنات جد جد مشكورين ماعرف شلون اشكركم ياااااااااااااااااااااارب ينولكم اللي ابالكم
ان شاء الله بروح اراجع
سمو النفس عدل كلامج بس ابي اطمن عرفتي واذا في شي ابلش علاج