ابي نصايح قبل السفر للسياحة مع زوجي

[أغلى ألماسه]

مرحبا كويتياتانا متزوجه صارلي 5 سنين طلعت عيوني وانا احايل زوجي علي السفر وكان هالشي شبه مستحيل بالنسبه لي لانه يكره السفر
المهم الحمد لله توني طالعه من الاربعين وبعد جهد جهيد وافق علي انه يسفرني واخيراااااااااااا
المهم ابيكم تعطوني افكار اسويها هناك لما نسافر من حركات اغراءات علشان اخليه ما ينسا هالسفره ويتذكرها دايما واحببه بالسفر وكل ما يتذكر شكنت اسوي يشتهي السفر

 

[ناتشوو]

شوفي
انا ماراح انصحج بقميص ولا تفافيخ
كثر ماانصحج
بان خليج مرحة
لا تزعلين لا تمدين البوز
سوالفج خليها حلوة
لا تجيبين سيرة مشاكلكم اللي هني
لا تدورين السوق من تطبين الديرة
خلي التسوق اخر يومين
خليه ع راحته
شوفي يحب التمشي
الهواء الطلق
القهوة
خليج ع موده ومزاجه

بالنسبة للاغراءات
شوفي شي ماعمرج لبستيه ويكون حيل جرئ ومفصخ
اذا حياوية او رافضة شي معين
جربيه
هناك
وقطي الحيا لابعد درجة معاه

 

[manoooram]

الحمدالله على سلامتج
كلام ناتشوو حلو وصح
انسي اي موضوع فيه نكد وكدر بحياتكم
سواء من الاهل ولا البعاد
وحاولي كثر ماتقدرين تفرحين لان هذا وقتكم الخاص
كسر روتين وتجديد لحياتكم بعيد عن مزاحمات الحياة
وعليكم بالعافيه مقدما
Enjoy & Have Fun

 

[Patcholli]

اهم شي توخرين عن النكد والمشاكل والزعل والهواااااااااااااش لو شنو يصير طوفي وكله ظحكي واستانسي لان اذا اتهاوشتي غسلي ايدج من سفرات ثانيه
عطيه انطباع حلو بالسفر

 

[M!SS.LOBY]

اهم شي انسي الهموم والمشاكل قبل لاتسافرين

 

[Perfume]

الحمد لله عالسلامة حبيبتي
مثل ما قالوا البنات اهم شي تكونين مرحة
وتتركين النكد والمشاكل والهواش
صيري فرفوشية خليه يحب السفر معاج
بعدها اهوا راح يقولج خنسافر لانه بكون استانس معاج
الله يهنيكم

 

[أم يزيد &سديم&]

البنات متفقيين على عدم النكد وانا معههم
يعني حاولي تسايسينه

 

[PuPa^^SWeeT]

اصلن ما يمديييج اتسويين حركات

بتردوون يا دوب تلتقوون و اتنامون علشان تقعدون الصبح للبرامج و الرحلات


انصحج بالبجامات الحلوة


الشورتات


و هالسوالف السريعة


وبعديين انيي للنفسية لازم ترتاحين و تستانسين


وتبتعديين عن جميع مواضيع الديرة سياسة ولا اهل ولا امراض



واذا قالج قوومي انرووح المكان الفلاني رووحي وياه مو اتقولين فيه مكان افضل



و استانسي ياقلب



وبالعافية

 

[ام الحلوااات]

مــــــع نــــااااتــــــشــــــــــــــوووو

 

[شواآاقه]

ماقصروا البنات
قالوا إللي كنت بقوله

 

[M!ss CoLoRz]

البنات ما شالله كفوا ووفوا

اهم شي خلج خفيفة يعني شنطة وحدة بس عشان ما يلقى عليج حجة ويقول لج كسرتي ظهري ويا هالأغراض

الرياييل أكره ما عليهم تسحب الأغراض في السفر ترى

 

[حبيبي مالكني]

نصيحتي لج خلج مرحة وغشمرية
لا تزعلين ولا تبرطمين
عشان اذا تبون تسافرون مرة ثانية ما يقولج تذكرين يوم تنكدين علي وهالسوالف
يعني عيشي حياتج

 

[a7la_7b]

البنات ماقصرووو
لا للنكد

 

[flawar]

انا مع راي ناااتشوووز

وممكن بالفندق اللي انتم فيه تخصصون يوم للسبا كل واحد فيكم يحجز
خليه يجرب اذا ما جربه بالاخص بالسفر جو ثاني

 

[أحلى قصة]

حمدالله ع السلامه نفس كلام البنات والله يوفقكم

 

[طخومه]

الموضوع الحين صاير وياي انا مسافره حاليا ولان شهر عسل ومو متعوده غليه فشكثر زعلت واذا رحلات اتعب فقالب شكلج مو مال سفر !! @@ بنات انصحوني انا توني متزوجه واحس مستغربته وشكثر اقول مشتاقه لاهلي واطنقر

 

[بكيزة هانم]

موفقة

 

[Shinexo]

آهم شي مآتودين ويآج يهآل دآم عندج بيبي و لآتروحين آلسوق لآن آلريآل مآيحب بس جيبيله هديه و عطيه آيآهآ و هو هنآك هديه مثل آسوآره آو شي تذكره ب آلبلد آللي زرتوهآ :*