ابي نصيحتكم

[rome]

شلونكم حبيباتي؟
السالفه اني بسافر شهر 2 وبعد ماحجزت وخلصت كل شي طلع ان احنا نداوم قبل وقت سفري باسبوع :eh_s(2):فمتوهقه مادري شسوي اعتذر من الدكاتره ولا وين اروح لان ماتسوى الغي سفرتي وخايفه من الفصل مع العلم ان سفرتي بس اسبوعين بس هم خايفه ان ياثر على درجاتي :eh_s(16):و خصوصا انا بيكون ثاني كورس لي
ادري طولت السالفه بس مالي غيركم استشيره
ومشكورين مقدماً :eh_s(7):

 

[! q8ya !]

والله انا بعد بسافر شهر عسل بسحب على أول اسبوع

الله يستر مادري الدكاتره بيعذروني ولا لأ

بس انتي عندج مجال تروحين تكلمينهم

وديلهم التذاكر عشان يتأكدون

 

[! تئبر تسبدي !]

روحي كلمي الدكانرة اللي بيعطونج الكورس الثاني
وعاد ان شاءالله يعذرونج او جيبي طبيات لهم !
بس جربي كلميهم و موفقة

 

[أغلى المشاعر]

بنات متي يبدا الكورس الثاني كم التاريخ بعد اذن صاحبة الموضوع

 

[kustudent1]

(أغلى المشاعر) : الكورس الثاني ان شاء الله بيتدي 27/1 الأحد

وأختي rome أنا مو فاهمه, يعني انتي بتسافرين علاج؟
اذا علاج ومضطره راح يتفهمون الدكاتره لما تييبنلهم اوراق تدل على هالشي وتقدرين تصورين النوت مال اي احد حق السبوعين اللي طافوج

اما اذا سفره اجازه بصراحه مادري شقولج... استغرب من بنات مستعدين يسكبون بكل شي عشان سفره.. يعني هذا على حسب تفكيرج انتي, يعني محد بينفعج هني, لان اذا انتي عندج عااادي وموهامتج الجامعه ولاشي عادي توكلي وبالسلامه ان شا الله, اما اذا انتي ماخذه الجامعه بجد راح تقدرين تداومين من اول يوم لو شنو..

 

[DaLoo3t BaBaTii]

.



انا الصيفي اللي طاف سحبته كلـــه ، علشآن سفره

.​