ابي هدية سنعه لمولودة؟؟

[غلا الغالي]

قوة بنات شلونكم:eh_s(8):

تكفووووون بنات اختي توها والده بنوتة وابي اهديها هدية حلوة وسنعه مو عارفة شنو اهديها؟؟؟ اللي عندها فكرة او شغلة غريبة لاتبخل علي والله يجزااااكم خير!!!

 

[سارونه الكويت]

أفكر وأرد عليج وان شاء الله البنات افيدونج

 

[أم بدير]

روحي ماماز أند باباز الي بالافنيوز وبتشوفين شغلات تطير العقل
وعاد طبي وتخيري

 

[خذاني الشوق]

في عند اطياب المرشوود طقم المواليد حلوو روووالاحسن دوور طقم ذهب او سواره وكتبي عليها اسمها الصغيروونه الله يخليها لكم

 

[wrooood]

تقدرين تشترين كوبونات من ماماز اند باباز واهمه يحطونها لج بكرت ذرب وتختارين القيمه اللي تبينها وصلاحية الكوبون سنة من تاريخ الشراء
وجذيه تختار الوالدة الشي الناقص عندها وتقدر تزيد على قيمه الكوبون اذا بغت شي اغلى

وتقدرين تفتقين بالكرت مثلا تحطينه بصندوق أو تحطين معاه بخور أو تشترين معاه ملابس للبيبي

شغلج راح يكون وايد راقي

وتقدرين تطلبين طقم ذهب باسم المولودة من محلات الذهب وهم تفتقين فيها

ان شاء الله اعجبتج الافكار

 

[غلا الغالي]

سارونه فديتج لاتطولين ناطرتج!!

أم بدير مشكووورة ياقلبي بروح عندهم وأنقي

خذاني الشوق عجبتني فكرتج يعطيج العافية

ورود ماقصرتي مشكووووووورة حبيبتي

 

[malek amal]

السلام عليكم

غلا إذا عندج وقت على ما تقدمين الهديه في وحده تسوي شغلات عليها أسامي يعني مثل صناديق و كنابل حق البيبي و حتى كشنات صغار على الاسامي إذا تبين قوليلي أطرش لج رقمها .

إحنا متعاملين معاها حق ولاده عمتي و جهزنا هدايا البيبي و المستشفى من عندها شغلها روعه من بره اتييبه بعد