ابي هندسه كمبيوتر جامعه خاصه على حسابي ومعدلي وايد ضعيف ؟! وشنو الجامعات ألي فيها -ـ-

[عذاريي]

شلونكم شخباركم :eh_s(7):


بنااات انا موظفه بالاشغال و الدوام وايد مريح

معاي دبلوم هندسه مدنيه ومعدلي جيد جنه 2.1

وناويه ادرس العصر بجامعه خاصه : AUM , AUK

تخصص هندسه كمبيوتر

لان مو حابه تخصصي وانا وايد زينه بالكمبيوتر وكنت اتمناه من زمان بس الله ماكتب

وبما ان جامعات الكويت ماشاءالله مايعترفون بالدبلوم فمايعادلون اي شي ويجبرون ادرس من اول ويديد

وقلت ادش هندسه كمبيوتر


الحين لو على حسابي عادي يقبلوني مهما كانت النسبه ؟


لان الثانويه جنه ماخذه 58.9 علمي و الدبلوم نفس الحاله حاطين تقدير جيد 2.1


وترى قبل رحت AUK وقالت صعبه بس قدمي ويمكن نقبلج بس ماقدمت كنت مفكره ان ماكو دراسه مع الوظيفه ، تو من فتره قصيره انصدمت ان في بنات يدرسون قلت شلون قالو لو جامعه خاصه وعلى حسابي و العصر عادي ....

بس AUM مادري عنها كلش


الله يرضالي عليكم ألي تعرف او تعرف وحده تسأل تجاوبني :eh_s(2):


وبالمره انا بس اعرف الهندسه بهالجامعتين ، ابي العربيه المفتوحه فيها ؟ او مفكرين يبطلون لان حدها رخيصه -ـ-"

 

[عذاريي]

ماكو احد يعرف :"(

 

[الحورية الصغيرة]

العربيه مافيها

و جنه يشرطون معدل أعلى من إلي يبتيه بالدبلوم > مو متأكده

دشي منتدى طلبة الكويت و تحصلين أو اليوم روحي و سأليهم أضمن لج

 

[اوتار شوقي]

اااب

 

[طالبة انجلش]

اب لعويناتج
روحي وسالي حبيبتي

 

[MayOumii~]

اذا على حسآبج aum مآ تقبل الا من 60% وفوق بالثآنوي ومآ يعآدلون الدبلوم عندنآ للأسف ):
حبيبتي اخذي من الدوام بعثة جنه فيه مادري وروحي برا ييبي شهادة هندسة كمبيوتر احسن لج


او الاحسن عيدي الثآنوي 12 ترى المنهج حده حلووو وبيغيرونه بعد سنتين لا يطوفج
درسي مسائي والسنة الياية اخذي بعثة داخلية وريحي راسج

 

[عذاريي]

مشكوريين ، حدي متحطمه :"(

ماكو ألا Auk بشوفها اعطيهم قالو في احتمال ضعيف انقبل بقدم وان شاءالله يدخلوني

مايعادلون شي بالدبلوم بس ادخل عليه

تقدير الدبلوم عندي ٧٧٪

( الغريب حاطين لي نسبه ٧٧٪ "جيد" ومعدل جنه ٢.١ مادري شلون صارت ..! )

في تقدير مقبول بالتطبيقي ؟
والله كنت حاسه بتوهق الله يهدي مالت التسجيل كنت بعيد كورس بالكليه اعدل وضعي شوي مارضت



تحديث ، اي فعلا 2وشي معدلي هذا جدول يبين ماخذه تقدير 77

الله كريم (f)

 

[al_sheikha]

شوووفي جامعةة قيس فيهاا هندسة كمبيوتر
او روحي البحرين كملي تراا يعادلون الدبلوم
عمي كان ماخذ هندسة كهربائية دبلوم وكمل الباكلريوس بالبحرين
رووحي شووفي البحرين اظمن واحسن واسهل ^_^

 

[عذاريي]

شوووفي جامعةة قيس فيهاا هندسة كمبيوتر
او روحي البحرين كملي تراا يعادلون الدبلوم
عمي كان ماخذ هندسة كهربائية دبلوم وكمل الباكلريوس بالبحرين
رووحي شووفي البحرين اظمن واحسن واسهل ^_^

حبيبتي ما اقدر لازم اقعد جم سنه يمكن 3 وبعدها تفرغ دراسي ويعطوني نص المعاش ولازم ادرس على تخصصي ألي اساسا ما ابيه " هندسه مدنيه "


بس لو الجامعه خاصه بالكويت اقدر اداوم الصبح وادرس العصر وعادي مرتاحه ولا يهمني اخلص بسرعه بعكس لو برا علي وايد ضغوط



يعني لو فرضا بنتظر التفرغ الدراسي بقعد 3 اسنين + دراسه 4 اسنين ويمكن سنه لغه = 7 او 8 سنوات باقيلي على ما اخذ الشهاده

لو بالكويت اسجل الكورس الثاني دراسه 4 اسنين ونقول سنه لغه = 5 اسنين دراسه




اضافه :

اغلب الجامعات برا لو بيعادلون يمكن بس 20 وحده او 30 يعني كورسين او كورس .... ماله فايده


اقسم بالله غلطانه ألي تدخل تطبيقي قبل كان يقولون لي تخلصين تكملين بس سنتين بعدها انصدمت بالواقع ان دبلوم اي كلام ماله فايده لو رايحه على طول جامعه خاصه جان خالصه الحين :eh_s(2):


ذبحني تفكيري :eh_s(2):

 

[جان دارك]

دبلوم الهندسه المدنية من وين ماخذته ؟؟
اذا كان دورات خاصه
فمستحيل تكملين عليها
لانها شهادة تقتل طموح صاحبها
أما اذا كان دبلوم من كلية كالتكنولوجيا
فزين منهم لي عادلوا لج كورس
...
عموما
الجامعه الامريكية
وجامعة الشرق الاوسط
مايقبلون اقل من 60%
وجامعة الخليج مافيها هندسه
الاسترالية هي اللي شرط القبول عندها
هو شهادة الثانوية العامة دون تحديد نسبه

وبخصوص الجمع بين دراسه ووظيفه
هالامر غير قانوني
وراح تواجهج مشاكل لي تخرجتي
وجيتي تقدمين شهادتج للدوام

 

[عذاريي]

دبلوم الهندسه المدنية من وين ماخذته ؟؟
اذا كان دورات خاصه
فمستحيل تكملين عليها
لانها شهادة تقتل طموح صاحبها
أما اذا كان دبلوم من كلية كالتكنولوجيا
فزين منهم لي عادلوا لج كورس
...
عموما
الجامعه الامريكية
وجامعة الشرق الاوسط
مايقبلون اقل من 60%
وجامعة الخليج مافيها هندسه
الاسترالية هي اللي شرط القبول عندها
هو شهادة الثانوية العامة دون تحديد نسبه

وبخصوص الجمع بين دراسه ووظيفه
هالامر غير قانوني
وراح تواجهج مشاكل لي تخرجتي
وجيتي تقدمين شهادتج للدوام

ماخذتها من تكنولوجيا

مايعادلون لي شي بس تقولي ألي اهناك ( AUK ) بما ان الثانوي نسبتج 58 ٪ ومايصير عندنا فنحاول ندخلج على الدبلوم وماراح نعادلج شي بس ان تدشين ،


بالنسبه للوظيفه و الدراسه سمعت وايد يدرسون العصر وشرط ان مايتعارض مع وقت الدوام


والله يبشرج بالخير دام استراليه مو مهم النسبه :yaaaaaarb:

 

[MayOumii~]

بس خلي ابالج ان الاسترالية اول شي تاخذين دبلوم
اذا يبتي معدل عالي تكملين بكالريوس
يعني مو على طول البكالريوس

 

[جان دارك]

تكنولوجية ؟؟؟
غريبه !!!!
على خبري مافيها تخصص هندسه مدنية
متى بطلوه ؟؟

 

[عذاريي]

بس خلي ابالج ان الاسترالية اول شي تاخذين دبلوم
اذا يبتي معدل عالي تكملين بكالريوس
يعني مو على طول البكالريوس

لا اذا جذي مابي اجازف

 

[عذاريي]

تكنولوجية ؟؟؟
غريبه !!!!
على خبري مافيها تخصص هندسه مدنية
متى بطلوه ؟؟

من زمان بس مو عامه

مثلا في هندسه مدنيه - مباني
هندسه مدنيه - طرق
هندسه مدنيه - مساحه

جذي المسميات

 

[Queen_Angel]

بالنسبة للاسترالية تخصصاتها الكترونية-مدني-بترول-ميكانيك مافيها كمبيوتر .. بس اتوقع اهي الحل الوحيد الحين..

 

[عذاريي]

بالنسبة للاسترالية تخصصاتها الكترونية-مدني-بترول-ميكانيك مافيها كمبيوتر .. بس اتوقع اهي الحل الوحيد الحين..

يعطيج العافيه حبيبتي .... بستخير واشوف يمكن اكمل بكالوريوس على نفس التخصص ألي اهو هندسه مدنيه وامري لله :eh_s(16):

وبسأل عنها لو سهله وجذي لان هم فيها ميزه قريبه من البيت يعني ماكو تعب كلش لو دوام العصر

لدرجه ان اقدر اروحلها من بيتنا لي الكليه 5 دقايق بالسياره

 

[ماريا 2006]

انا بعد بجازف وادش الاستراليه وادري يمكن ماقدر اكمل البكالريوس بس شسوي عند ربي ولا اقعد جذي صراحه شهاده الدبلوم تجيب التعب النفسي حتي لو كانت تكنولوجيا لما تشوفين وضعج ووضع المهندسات الله يوفقهم صج تتعبين وتتحمسين