ابي وحده تدليني سرداب الشايع عدلل

[MyLittleBerry]

بنات انا في منطقة مبارك الكبير

شلون اروح سرداب الشايع من طريج الفحيحيل او الملك فهد

بس المهم اللي تعرف تدليني عددددددل

وشكراااا

 

[softlady]

عاد امس دليته

تروحين عند دوار السيف كيفج الطريج الي ريحج وبعدين تاخذين الطريج كأنج رايحه البلوكات وتخلين البورصه يسارج اطوفين اول اشاره وخفيي شوي تلاقين بنك الخليج على يمينج ورا بنك الخليج على طوول في لفه يمين دشيها كملي سيده اهني انتي خلاص بالمباركيه صرتي

على الزاويه باليسار جدام شوي تلاقين نزله باركنق تنزلين تسفطين السياره بالسرداب وادورين الباب الي محطوط عليه لوحه الشايع لان في اكثر من مدخل اوسألي

وسلامتج

تروحين مشي للسوق بدون اصنصير ترى ركبه صغيره تلاقين نفسج بالسوق


دعواتج الطيبه

 

[MyLittleBerry]

رد : ابي وحده تدليني سرداب الشايع عدلل

اي وحد دوار السيف ؟؟!!

ترى مااااعرف

 

[المزيــونه]

دوار السيف يعني عند قصر السيف لا يكون ماتعرفينه بعد

 

[M!Ss Smart]

حبيبتي تدخلين من الدوار السيف اللي يكون الميجد على يسارج وتكملين سيده تطلع اشارات بويهج كملي سيده راح تشوفين البنك التجاري والبورصه ادخلي من لفه وكملي سيده راح يصير البنك التجاري على يمينج كملي سيده في مسافط لازم تسفطين تحت اسفطي تحت وصعدي الردي وروحي عند البشوت ماراح تضيعين اسألي الناس وين سرداب الشايع ويدلونج

 

[big heart]

دوار السيف خلج سيدا عالبحر لين تلقين قصر السيف والدوار الي عنده هاذا دوار السيف

 

[MyLittleBerry]

رد : ابي وحده تدليني سرداب الشايع عدلل

مشكوورين بنات بس عفيه يعني قولولي مثلا اخذي خط الملك فهد سيده لما تلقين اخر الشارع اشاره وبعد الاشاره دوار .... يعني جذي

ادري اني هنديه تحملوني

 

[softlady]

ما ادلين سوق شرق ؟؟

خلي شرق يمينج وكملي سيده تلاقين دوار هذا دوار السيف وتشوفين القصر بعد يمينج

 

[MyLittleBerry]

رد : ابي وحده تدليني سرداب الشايع عدلل

اي بلى قاعده اتخيل الطريج

عرفت الدوار

انشاءالله ماضيع

 

[MyLittleBerry]

رد : ابي وحده تدليني سرداب الشايع عدلل

اي بلى قاعده اتخيل الطريج

عرفت الدوار

انشاءالله ماضيع

 

[القطرية1]

رد : ابي وحده تدليني سرداب الشايع عدلل

ايش عندهم
يعني ليش ايبيعون
عندهم مني دراعة ..