ابي وحده تعرف بالبورصه او اخذت دوره بالبورصه

[النويره]

السلام عليكم
ابي وحده عندها خبره بالبورصه تفيدني اشلون اتعامل كبدايه
او اذا كانت ماخذه دوره واين احسن مكان

 

[رمز الموده]

8
8

نفس سؤالج ياليت احد يفيدنا

 

[رومانيه]

انا زوجي مدير محفظه
اذا عندج اي سؤال انا حاضره اساله واعطيج الجواب اذا تبين
واللي اعرفه عنه انه يشتغل على كل بورصات العالم امريكا والهند ومصر والخليج واهو شاطر ما شاء الله عليه
يا ليت تسالين بسرعه عشان اقدر اخدمج باي استفسار لانا بنسافر للصيف بعد عشر ايام

 

[رمز الموده]

8

8

اختي لو سمحتي ممكن سؤال ؟؟

شلون البيع الاسهم تتوقعون راح ترتفع او لا ومشكوره مقدما

 

[om3ziz_2020]

بسم الله
طريقة التداول تحتاج لخطوات

1- فتح رقم تداول : البورصة الدور الخامس : البطاقة المدنية + 3 د.ك
2- إذا خذيتي رقم التداول تروحين الدور الثاني تفتحين لج حساب للتداول مع أي شركة وساطة
3- طريقة التداول 1- التداول الالكتروني تبيعين وتشترين عن طريق جهازج أو عن طريق الإتصال بالشركة أو الوجود في البورصة والتداول هناك وفي صالة مخصصة للنساء

* أقل مبلغ يسمح لك للتداول بالبورصة = 2500 د.ك

** الدخول للبورصة إما بنية الإستثمار أو المضاربة ومعرفة التحليل الأساسي أو المالي والتحليل الفني للأسهم

ناخذ مثال سهم زين
التحليل المالي لسهم زين : معرفة راس مال الشركة وأصول الشركة وتوزيعاتها السنوية ومشاريعها و و و و
التحليل الفني : يفضل تاخذين دورات عليه هو يعتمد على قرائة السهم وصانع السهم ومؤشراته الفنية والتنبؤء بحركتة المستقبلية

الإستثمار : انتي تحددين المدة في استثمار قصير المدى وإستثمار طويل المدى بمعنى
سهم زين : ماخذه السهم كإستثمار طويل اخذ منه توزيعات سنوية ومنح وانسى السهم حالة كحال الوديعة
سهم زين : ماخذه السهم كإستثمار قصير او متوسط المدى يعني سهم زين سعرة دينار وعجبني اخذه واحط في بالي 3 شهور او 6 شهور وابيعة


المضاربة : البيع والشراء بفارق تكة او تكتين بمعنى اضارب بالسهم بشكل يومي او اسبوعي
سهم اشترية ب 500 دينار وابيعه ب 510 هذا بشكل مختصر في اسهم حلوة للمضاربة بس لا تفكرين تستثمرين فيها
السهم باليوم يصعد خمس وحدات او ينزل خمس وحدات هذا حد خسارتج او ربحج يعني
السهم قيمتة 250 فلس حدة باليوم يصعد خمس تكات +5 + 10 +15 +20 +25 او العكس
إذا السهم فوق النص دينار يصعد 10 او 20 او 30 او 40 او 50 والعكس
اذا السهم فوق الدينار يصعد 20 او 40 او 60 او 80 او 100 والعكس
اذا اقل من 250 فلس يصعد 2 4 6 8 10 او العكس
يعني سهم شريته ب 250 اعرضه على طول 255 واكون ربحت خمسة فلوس يعني خمسين دينار هذي المضاربة
شفت الموضوع وحبيت اشارك واعذريني اذا ماوصلت المعلومة بشكل صح حاولت اوصل المعلومة بشكل مختصر ومبسط

تبقى نصيحة مني لج : لا تسلمين احد فلوسج ويقولج انا اضارب فيهم بالسوق واعطيج ربح شهري وياخذ نسبة عليج
لان فلوسج بالنسبة له بتكون مثل القمار بيجازف فيهم ضربت ضربت ماضربت معاه اهو ماخسر شي


واي إستفسار انا حاضرة على الخاص


موفقة

 

[أدووويا]

للرفع

 

[النويره]

يا حبايب قلبي اللي ردتوا علي عسي ربي يوفجكم
ويسهل امورج حبيبتي بسفرتج بالصيف وتردين سالمه غانمه
حبيبت اشكركم وراجعه اشوي باذن الله اقرا عدل اللي كتبوه عشان اسال مضطره اطلع الحين
بس كان واجب اشكركم