اترجاكم كويتيات لحقوني قبل لا حالتي النفسية تتدهور

[أم علي 125]

مرحبا حبيباتي

عندي مشكلة صحية وبدأت معاي بــ ( بحة في الصوت)

وللحين مستمرة لمدة 4 شهور
المهم رحت عندي اخصائية امس وقالت عندي

حبة ( نتؤة ) في كلا الحبال الصوتية

وانها بتستمر معاي في العلاج مدة 4 شهور
واذا ما فاد بنسوي لي عملية لأزالتهم

المهم انا نفسيتي تعبانة مرة

مع انها قالت لي لا تخافين مشكلتج بسيطة جدأ



شسوي قولي لي

من صادتها الحالة او حتى احد من معارفها صاده

وشنو كان العلاج
وكم استغرق

ورحم الله والديكم

بنات لا تخلوني بتجنن

ردوا علي

 

[ii DareeN ii]

ماتشوفين شر اختي والله مامرت علي حالتج بس الافضل سالي اخصائيين اثنين اخذي رايهم اذا رايهم واحد توكلي على الله وسويها بس لاتغامرين براي واحد كان ودي افيدج بس والله ماعندي معلومه

 

[أم علي 125]

مشكورة حبيبتي على الرد

وعساج عالقوة

 

[a6oOo6a]

سلامتج اختي ام علي

وماتشوفين شر

بس ليش ماتغلين سكر النبات وتشربيه ترى وايد زيد يطلع الصوت او تسلي فيه مثل الحلاو مصيه

وانتي مو خسرانه شي اذا مافادج مايضرج

والله يكون بعونج عزيزتي​

 

[omneyaty]

صادفتني هالحاله حاله مو يديده

وحلها اولا اجراء منظار للتاكد من وجود نتوءات اولا


اذا كان فيه نتوءات تجرى عمليه لازالتها وتمتنعين عن الكلام اسبوع


وسبب هالحاله الصراخ امتنعي عنه والمناداة


الربو احد اسبابه بعد والبلغم بين الاحبال الصوتيه



ما تشوفين شر ودعواتج لنا

 

[تفاحة حمرة]

ربي يشافيج وماتشوفين شر

 

[lala2]

هلا ام علي تصدقين حتى انا صارت لي هالحالة وضايقتني انبح صوتي وجاتني كحه قوية كنت احس اني اكح من حنجرتي ولما راحت الكحة استمرت البحة
وكان صوتي مبحوح واجد واستمر معاي للحين بس الحين خاف قالت لي اختي اعصري ليمونه في ماي دافي بدون شي واشربيه قبل النوم انا سويتها ليلتين وحسيت خفت البحة بس مازال اثارها شويه بس اهون من اول بكثير
اتمنى انها تفيدك
وبشريني عنك

 

[Ga6waah83]

ما تشوفين شر يا قلبي
وانا امي قبل كان فيها نفس حالتج
وخفت بعد شهر تقريبا وراحت الهادي وعطوها علاج مع العلاج خفت ..
بس ماقالو لها عمليات او شي الحمدالله ...
وطمنينا عليج يا قلبي ...

ربي معاج

 

[زيـنـه]

صارت في اختي لما كانت صغيره لانها من النوع اللي تصرخ .. و كانوا يعالجونها بالادويه و الحمدلله ما احتاجت عمليه .. حتى اذكر الطبيب كل مراجعه يطلب تسجيل لصوتها اغنيه او ايه او نشيده عشان يقارن بالمره اللي قبلها .. يطول علاجها بس تطمني يروح ان شاء الله .

ما تشوفين شر

 

[الحــبـ كذبــهـ]

عسى الله يشافيج

ان شاء الله البنات فادوج

 

[sadan]

هلا والله حبيبتى ام على

سمى بالرحمن وذكرى الله

وليش يضيق خاقج واتحاتين مدام حلج موجود

ومرضج بسيط مثل ماطمنوج البنات والدكتور قبلهم

خلى ايمانج بالله قوى

وهذا امره هين ولا تشغلين بالج فيه

وهدى عن الصراخ ترا انا من ربعج بالصراخ بس بهون الحين

والله يشافيج ويشافى امة محمد اجمعين