اتعبني كثر التفكير

[فديت من سماني]

بنات بطق من كثر التفكير اعوذ بالله :eh_s(11):


الدوره باقي عليها اسبوع و مو صابره خايفه ما يكون في حمل هالشهر :eh_s(11):


التفكير بالحله مرض اعوذ بالله حاولت الهي نفسي استغفر بس ماكو فايده :eh_s(11):


و الي زاد تفكيري تفكير

احنا عرايس ثنتين الي معي حملت من اول شهر ماشاء الله و انا لا الله يرزقني و يرزق كل مسلمه


تكفون هدوني ابي :eh_s(11):التفكير يروح مني ابي انسى الموضوع :rgewrg::eh_s(16):

 

[متوترة]

يابعد عمري انتي والله

والله لوتشوفين حالتي ترحمين نفسك
انا من تاخرت الدوره شهرين عندي جلست اخت المعرسه بنفس ليلتي تقول اشربي دراسين وكمون خلي الدوره
تنزل هالدوره متاخره عليج اكيد وضلت تكلمني كل بعد ثلاثه ايام عشان هالسالفه
وبعدها فعلا نزلت علي الدوره مدري انا فتحت على نفسي باب ولاشسالفه
بس فعلا كنت احلل ومايطلع حمل .
هي خايفه اني احمل واخته المعرسه بنفس ليلتي ماتحمل فيكثر الكلام على اختها

وربي تفكيرنا يالحريم بالحضيض
هي هذا رزقها حملت من اول شهر يمكن انتي من بعد ست شهور تحملين
ولاتستعجلين على رزقك الله يرزقك يارب بس ادعي كل ليله بقيام الليل ان ربي يرزقك
والزمي الاستغفار واهم شي لانزلت قولي يارب خيره لاتجزعين وتحبطين
وبالتوفيق حبي عسى الله يرزقنا
ويشرفني اول من ترد انا

 

[orchidia]

حبيبتي من راقب الناس مات هماً

ربج عطا وآخذ ويوم عطاها ما تدرين شنو آخذ منها

لاتفكرين هالتفكير وتقولين هذي حملت وانا لا

اغبطيها بس لآ تحسدينها حبيبتي مافيه شي لو حملت قبلج

حمالها قبلج مو سنع وشي مو بيدج ولا بيدها استغفري ربج وألجأي له مو تلجأين لنا احنا

هذا احنا زينا زيج وانا بصراحة انسانه نفسيتي تغيرت وايد عقب دخلت هالقسم

لأن شفت مصايب غيري وهانت علي مصيبتي

كاهم البنات الي سنة وسنتين وعشر و14 احمدي ربج على الصحة والعافية

العيال زينة الدنيا بس مو كل شي بالحياة

تعوذي من ابليس

 

[ابدا يالغالي مانساك]

تعوذي من الشيطان شنو نهديج وشنو تحاتين انتي إنسانه مومنه وعارفه رزقتج لو رب العباد كاتبهااا ماتنرد وهذي العروس اللي حملت ربج كاتبه نصيبها ادعيلها بتثبيت حملها وربي يقومها بالسلامه ادري اللي فيج مو حسد حاسين فيج انا وعروس حماي تزوجنا بليلله وحده بس هي ماحملت من اول شهر لاتاخرنا سنه وانا كنت احاتي لايكون زواجنا بليله وحده كبس علينا وهي ولله الحمد حملت وفرحت حيلللللل وبعدها انا بأربع شهور او خمس حملت الحمدلله هذي ارزاق من ربج ولاتحطي ببالج كلام فلانه وغيرها عيشي حياتي ربي يرزقج وخليج مومنه بالله تعالي

 

[فديت من سماني]

مشكورين بنات بس انا ما راقبت الناس و لا هموني بس انتم عارفين كثر الحكي و هالسؤال خصوصاً


ها ماحملتي و لا في شي بالطريق


و كتابتي للموضوع مجرد فضفضه لان حتى امي مستحيل اقول لها هالكلام

 

[خاله كندا]

هذا شئ طبيعي حبيبتي بس انتي حاولي ماتفكرين( ادري انه صعب عليتس انتس ماتفكرين )بس حاولي تلهين نفستس بأي شئ
وترى كثرة التفكير تاخره وان شاء الله ربي يرزقك ....
وبالنسبه للي تزوجت معتس وحملت يمكن ربي ماخذ منها حاجه وانتي عندك وماتدرين ربي ماخر حمالك لخيره لتس ويمكن جسمك مايتحمل الحمل علشان كذا ربي مأخره وهذا كله بعلم الله بس استغفري كثير وان شاء الله تبشرينا قريب ....

 

[خلطات المذهله]

الله يعينج يارب

 

[شهوده 27]

قل لن يصيبنا الا ماكتب لنا لو امنا بهذا الكلام مانفكر بكره شنو يصير وهذي ارزاق ربي كاتبها لج من يوم انخلقتي لاتفكرين ولاتحطين بباالج اي شي لانج راح تتعبين وبس وقولي اللهم ارزقني الذريه الصالحه الناصحه

 

[قشطة بعسل]

توكلي عل الله
وإن شاءالله تبشرينا بحملج
واذا الله ماكتب هذا الشهر الشهر الجاي كله بوقت مايعلمه الا الله
التفكير ابروحه يرفع هرمونات الجسم