اتعرفون مطعم الستينات ابحولي !!!!

[white_orchid]

بنات اشلونكم شخباركم بسالكم .. عن مطعم اسمه الستينات ابحولي اذا حلوو ويسوي اتفطر فيه مع رفيجاتي ؟؟

 

[ذهب الروقي]

هلا اختي

امس قريت اعلانه في الجريده بس ماجربته
اتمنى البنات اللي عندهم فكره عنه يفيدونا

 

[{}{}{ سكرة }{}{}]

يم مستشفى دار الشفا الي بحولي قبال بياع الورد وهالسوالف

 

[alhabibah]

هلا أختي..ديري بالج اتروحيله، ذاك اليوم ريلي قال لا تطبخون بييبلكم غدا من برة، ويابلنا من مطعم الستينات مجبوس دياي، ومرقوقه و برياني لحم ويريش...
العيش ملصق واللحم عرد، ما أنصحج فيه نهائيا

 

[يـــا بعدهـــم]

الله يزيد النعمه صج مقلب مطعم كاركتيري انصدمنا انا وزجى

 

[نـ(المطيري)ـازكـ]

ياقلبي المطعم حلو ونظيف..

بس مشكلتة بس اكل خليجي ..

يعني سوالف ستيك .. وماستيك هذولا ماكو عندهم ..

وسعرهم حلوو ..

ومكانهم دايم زحمة ..

 

[فجوره 111]

حبيبتي روحي مطعم ثاني ترى حده مو حلو ما عجبني كلش ولا شي حتى الجرسون استغرب ان ما اكلنا شي

 

[وردة-الكويت]

الله يديم النعمه ماانصحج فيه

 

[sweet fashion]

والله انا ماجربته
بس ريلي يمدحه يقول اكله ممتاز كان عازم ربعه بالمطعم ووعدني يوديني اجربه
عاد ترا ريلي مو اي شي يعجبه
واللي اعرفه ان مال شيخ قناة الوطن

 

[جمال رباني]

يعطيكم العافية بنات على آرائكم ودي أروحله بس خايفه ما يعجبني .. بصراحة ودي بالأكل الكويتي مليت من الأكل الهندي والأمريكي والإيطالي والياباني التغيير لابد منه ولا إنتوا اشرايكم ؟؟

 

[اخصائية داون]

حيرتوني اروح ولا ما اروح ؟

 

[ملاك^^الكويت]

والله انا كل ماروح دار الشفا موعد نطلع انا وريلي نروح له نطلب مرق ربيان ومجبوس دياي وفتوش وناكل لمن نشبع حلو استانست لمن رحتله لان انا نساتي كل ابي عيش ههههههه

 

[нάγoηά cнεмίsтяγ]

انزيـن بنـات منو مجرب برياني ربيـان عندهم ؟

و ياليت اللي عجبهم المطعم تقولولنـا شنو الأكـله اللي طلبتوهـا و عجبتهم ؟

و منو أحلى عندج فـريج صويلـح و الا الستينات ؟