اتقوا الله يالمعلمات

[ام الخير2006]

شلون تبون هيبة المعلم ترجع وانتو مبادئ موماشين عليها
اعلم الطلبة طاعة ولي الامر واتمرد واسوي اعتصام
اعلم الطلبة حب الكويت واروح اخسرها بغيابي
اعلم الطلبة انه نتحرى الحلال والحرام واروح اغيب واخّ طبية وانا مومريضة
اعلم الطلبة حب الله والتوكل عليه وانه الرزق بيده ومااشتغل بقصد اضغط على الحكومة عشان يزيدوني
اعلمهم عدم الجحود وانا جحدت خيير الكويت علي والمعاشات وهالسنة جانا خير ألف الامير وكادر موضي
اعلمهم على القناعة وانا مو مقتنعة اقل معلمة راتبها الف
اعلمهم الرضا بما قسم الله وانا موراضية
اعلمهم لايظلمون ويعدلون وانا ظلمت الطلبة بغيابي اللي جايين من الصبح الى الظهر يبون يتعلمون مو لاقين ابلة تربيهم وتدرسهم " اتق دعوة المظلوم يمكن ولي امر ولاطالبة تدعي عليج

للاسف على -اعتصام مربي الاجيال -وتبون صلاح حكومة وصلاح نواب وديرة خالية من الفساد شلون اذا بعض المربين يبيلهم صلاح واخلاق على قدر عال شلون بيطلعون اجيال واعدة تبني الكويت يربونهم ويعلمونهم


للأسف نعاني (انهيار القدوة في هالزمان)


لاتقولولي نستاهل ونتعب وغيرنا اقل من شغلنا واكثر

انا معاكم نستاهل الكادر بس بدون خيانة للامانة وظلم للطلبةوبعدين مو الكل يستاهل الزيادة يليت يكون على نظام المكافأة والمجتهدة تاخذ والغيابة اللي ماتخاف الله الله بيجازيها

نقدر نعتصم بس مو وقت الدوام نقدر نوصل راينا عن طريق النواب شحقه منتخبينهم واكثر من طريقة بس مو على حساب صورة المعلم

 

[عذبتني الدنيا]

اي و الله معاج حق

 

[عذبتني الدنيا]

و يشرفني اكون الفيرست

 

[برنسيسة2007]

السلام عليكم
عفوا اختي انتي هولتي الموضوع وخليتينا مجرمات فانا ما ادري انتي مدرسه او لا وما ادري عايشه الواقع او لا
اولا:غياب المعلمه لها بالسنه ١٥ طبيه ومن حقها عندها عيال وزوج وابو وام قد يمرضون ويحتاجون لها وقد هي تمرض وفيها تضحيه وصلة رحم على اسلوبج لانج حيل مهتمه بالقيم والحمد لله وزارتنا متطور وهلعدد ١٥طبيه تمت بعد دراسه واراء مدروسه واذا غابت معلمه فهي عندها حصه او حصتين يعني مو علا قولتج من الصبح الى الظهر بدون تدريس!!
ثانيا:المعلمه تشيل احتياطات ومناوبات وهي مو ضمن نطاااق عملها مع هذا مو مقصرين نشيل ونوقف مع بنات واولاد ديرتنا ونربيهم ونعلمهم فالفرص والاحتياطات مع انه لو تركتهم في المناوبه والاحتياط باذن الله مو محاسبه لانه مو من ضمن شغل المعلمه تعطي حصتها وتدرس وتعلم التلاميذ الماده العلميه والقيم التربويه والحمدللله اغلب المعلمات مو قصرين ومن حقهم يطالبون بحقوقهم!!
وبعدين المظاهرات على قولتج لاتظر الحكومه ولا دولتنا الكويت الحبيبه على العكس تسعى برقي التعليم المعلم يأخذ حقوقه فيتفرغ للتدرييييس وبس مو اشياء اضافيه تبدد طاقته ولكل شخص طاقه((ربنا لا تكلفنا مالا طاقة لنا به)) ومن ناحية ان الطلبه يشوفون معلمه متظاهر على العكس يتعلم حرية الرأي ويوقف في الميادين الدوليه دفاعا عن وطنه وحقوق وطنه من دافع عن حقوقه فقادر للدفاع عن حقوق وطنه

والكويت واولاد وبنات الكويت على روسنا وبقلوبنا وكثيرا من المعلمات في المنتدى وخااارج المنتدى راتبها ضايع على المدرسه وشعارها ارضي ربي ومو خساره باولاد ديرتي

وبالخير اختلاف الرأي لايفسد للود قضيه
وللعلم اذا كم ابله مستمره بالغياب مو كل الابلات نفسها وهذا ينطبق علا كل الوزارات وعلى فكره للعلم يعني اذا ابله كثيرة الغياب ترا الابلات زميلاتها بتلقسم تنزل حصص الابله المتغيب عليهم ويزيد نصابهم وهذه حلول تقدمها الاداره واولادنا مايضيعون ولله الحمد المعلمه هي اللي تنظغط ويزيد نصابها وصابره لعيون اةلاد ديرتها

تقبلي مروري

 

[سلسبيل 2008]

الجمهور عايز كده اذا ما صويتي اضراب محد راح يسمع صوتج لو تقوم جدتي الكبير من قبرها وبعدين دعوه علشان مدرسه غابت ليش كاهم الجويه الكويتيه اعتصموي ووقفوا الطيران وتاخر الطيران محد قالهم ندعي عليكم ويوم واحد ما يفرق السنه طويله وما شاء الله عليها الوزاره عندها قدره انها تنهي المنهج كله بشهر

وشكلج ناظره او رئيس قسم ومسكتي احتياط ما فيها شي ضيقتي من يوم واحد احنا شنقول مؤبد مع سبق الاصرار والترصد ما نقول الي الله يعوضنا بالجنه

 

[linyy]

معاج الف حق فعلا والله صدقتى.

 

[شمعة الدنياا]

لوتشوفين حالتنا كسيفة اليوم والله حرام. هذا وزيرج وما يبيه بخلان علينا بكم بيزة على عيالك. هذا اللي تبيه. الحين ناهبين الملايين وقفت على كادرنا عدهم وفكنا من البلاوي اليوم ضاعوا. عيالنا واهم برقبتك يا المليفي. خاف الله بعيالك اليوم ٢٠مدرسة غايبه. وصفوف طايحة بدون معلمات والبنات يكسرون الخاطر الي مطقوقه والي طايحة والإدارة ماتلحق بالاحتياط مافية مدرسات أنا اليوم ٤حصص زائد ٢احتياط فالله يعين شنو هذا. لعنت ابو اليوم لاابو الوزارة والي فيها الخمة. اذا الحال جذي غيروا عيالكم احسن. وهذا من واقع اليوم. اللله الله ياوزير انزل وشوف تخبط اليوم.

 

[لحظه من فضلك]

الموضوع حبيبتى مو اضراب اكبر من جذية وراح يكون عندى موضوع بالقسم بالنشرات عشان تعرفون اى وزارة حنا فيها

 

[randomy]

الحكومة تبي جذي

يوم مشينا بالقانون ... ماشفنا الا الخذلان والاحتقار

 

[∫ ∫ ∫ ∫ جــوان ∫ ∫ ∫ ∫]

سبحان الله بس احنا الى طلعنا مجرمات ومانخاف الله ليش ما قلتو هالكلام للنفط وليش ما قلتوه للتعليم العالى وليش ما قلتوه للخطوط الجويه كلهم اضربو وعطوهم الى يبونه الا احنا قومتو الدنيا علينا

لو تحسون بالكرف الى علينا ماقلتو هالكلام كافى مقابل الطلبه وياويلج لو غلطتى غلطه بسيطه بدون لا تدرين اهو لفت نظر واهو تعهد اهو زف من رئيسه القسم اهو زف من الوكيله والناظره اهو زف من ولى الامر

كافى اننا نربى اجيال ونطلع المهندس والدكتور والمحامى وبخلانين علينا بجم فلس وياليت من مخباتهم هذا من خير ديرتنا واحنا اولى فيه من الغريب

بس ما اقول الا الحمد لله الى رزقنا على الله مو عليكم ولا جان متنا من زمان

 

[حنون المزيون]

والله ياام الخير المثل والقيم اللي آمنا فيها مالقينا لها صدي بأرض الواقع غير جذيه ديرتنا للاسف المفروض يا تساوي الكل يا تحجب الكادرات عن الكل لان المساواه بالظلم عدل واحنا ماكانت مطالبنا الا من باب العدل

 

[travel]

بس مو ظلم اعرف موظفه بوزاره صار اها ٦ سنين وانا اقدم منها واهي موجامعيه معاشها مقارب لمعاشي وكل ماشافتني تتطنز علي معاشي
والله صرنا مسخره حق اللي يسوا واللي ما يسوا

 

[travel]

انا مااحب اقرا لناس مو عارفين الطبخه لانهم مو عايشين الوضع اللي احنا عايشينه

 

[نونا 3000]

امبيهليش مهوله الموضوع ترا من حقهم الاضراب بعد ماتخلت عنهم الحكومه وزيرهم اشمعنا احنا المدرسين يطبقون علينا (العطاء مقابل الأداء) ماطبقوها علي الداخليه والدفاع والنفط والجمارك كلهم اخذوا كادرهم وعليهم بالعافيه ويستاهلونه احنا ماطلبنا الا حقنا اكثر ناس تتعب جسديا ونفسيا احنا المعلمون ومحد يقدر ولا يحس حتى وزيرنا المحترم كان ضدنا بعكس الوزارات الثانية
نعم نعم نعم للاضراب لاننا نستحق الكادر وبامتياز بعد
وارد واقول غياب المعلمين اليوم واعتصامهم رد لاعتبارهم
اتمنى تكوووون وصلت الرساله خلوا المثاليه الزايده عنكم حقوقكم تسلب وانتم ساكتين لي متى التهميييش

 

[غالية غاليها]

انا جتني نفسيه من التدريس عوع طلع من جبدي صراحه تمنيت اني خريجه تجاري مرتاحات انا مابي شي بس خل يخلوني اطلع من الوزاره واتوطكف بمكان ثاني المشكله تشتيت المعلم مو قادرين انتفرغ للطلبه بسبت الادارات والتوجيه لاحد يقول احنا مقصرين الكل يستغلنا التوجيه الاداره يترقون من تعبنا و
انا اليوم قلت للمدره الاولى انا شغل خرابيط ماراح اشتغل ولا شي راح اخذه البيت ماعلي الا من طلبني واتفرغ لهم هذي وظيفتي الاساسيه وماراح اخذ معاي شي بالبيت ومسابقات ما مسابقات مابي ابي اتفرغ للتعليم مفروض كل مدرسه تسوي جذي حرام الطالب تشتت خل يفرغون المعلم بعدين حاسبوه وبلا الخرابيط اللي تصير بالمدارس والبهرجهه كلها بلها بفلوس المدرسات ترا والحفلات تصير بفلوسهم لاحد يقول مزانيه القسم كلها ميتين دينا بالسنه تكفي اوراق ولا حبر ولا وسائل وخخرايط ونزيد عليها احنا اللي راضي عنفسه لا يتشك ل يتخخذ موقف انتو ذابحكم الخوف الحمدلله محد بيقطع رقبتكم والناظره مو بيدها تفصلج دام انتي تداومين بنظلم بنظام وماتغيبين وتبدعين بحصتج لا تخلينها تصبد عليج شي والباقي ارفضب اشراف ارفضي اي اشي ارفضيه اللي يبي اللمتيت اللمتياز خل ياخذ هالشغل انا مابيه لانه ضد قناعاتي واللي يفرق بيني وبين غيري قبولهم هالشغل خل يقيمونهم عليه انا مابي تغيم انا ابي أدي رسالتي الاساسيه وهي التدريس فقهب التدريس فقط
ط


وبالنسبه للاضراب انا اشوفه حق محق مشروع للطلبه الثانويه صعبوا التقيم لانهم حكومه فاشله مابنت جامعات لعيالنا ويبوت يصعبون الجامعه عشان تغطي عفشلهم باجر اعيالكم يكبرون وبتحسون وهم حق مشروع للمعلمين ونافيها تفرقه ولا طائفيه هذا حق مشروع انا ما اشتغل بس بالمدرسه لا ارد اشتغل بالبيت بعد عفكره

 

[قاهرتهم 2011]

الموضوع حبيبتى مو اضراب اكبر من جذية وراح يكون عندى موضوع بالقسم بالنشرات عشان تعرفون اى وزارة حنا فيها

ناطرينج :eh_s(17):

 

[سويتي الحلوه]

الحين احنا ليما سوينا ىضراب
طلعنا الي مانخاف الله ولانحب الكويت؟؟؟؟؟؟؟؟؟؟؟؟
شنو هالعقليات المريضه. !!!!!


والله المدرس المفروض يكون له اعلا معاش بدوله من الشغل والكراف الي يهد الحيل




الي مومعلمه بليز لا تفلسف عليناا.
قبل لحد يتحجي خل تشتغل معلمه اسبوووع وتحضر اجتماع لاولياء الامور وذيج الساعه تحجي

 

[PuPa^^SWeeT]

ام الخير


ياليت اتغيرين عنوانج لأنج جذي اتكفرينا


الحمدلله متقين ربنا و طايعينه

وبعاد عن الحرام

 

[Miss Cherry]

يعني وقفت علينا حنا المدرسات بس اللي ما نخاف الله عشان ساعتين اعتصام

وغيرنا يلعب بالمال العام يوزع رشاوي بالملايين ما قلتوا حرام

حنا اعتصامنا مو عشان الكادر بس .. اعتصامنا عشان موقف وزيرنا واستفزازه لنا .. اول من وقف ضد ناصر المحمد هو المليفي ايام ماكان نائب والحين صار من اتباعه بس عور راسنا بالتصريحات ماوراه الا الحجي واول ما مسك الوزارة يقول انا مع المعلم ويستحق الكادر الحين تغير الكلام

كافي الذل اللي ذلونا صارلنا سنة كل ما حددوا جلسة للتصويت وزيرنا يطلب تأجيل هو اللي عقد الأمور

وبعدين منو اللي خذا كادره بدون اضراب كل القطاعات اضربت والناس معاهم بس المعلم حرام عليه ينذل ويكرف مثل الجـ ... ولا له حق يفج حلجه

 

[درة أهل الطولات]

والله كلامج يحر

شوفي حبيبتي المعلم يستاهل الكادر ،،، وبصراحة السكوت عن حقنا اهو اللي وصلنا لهشــي