اتمنى احد يساعدني بمشكلتي

[غلا_الكون]

مرحبا بنات شلونكم
عندي مشكله صحيه اتمنى احد يساعدني فيها ...
مابي الوع جبودكم ...
مشكلتي هي ريحة العرق ...
مع اني ما اعرق وايد يعني ملابسي ماتتبلل ولا يطبع
بس الريحه تبين مع اني اتسبح مرتين باليوم واستخدمت كل انواع الديودرنت
اللي بالصيدليات و اللي بالجمعيات
بس مافي شي يغطي الريحه ....
ورحت مره لدكتورة جلديه استغربت هالمشكله تقولي انتي مو مشعره بالمنطقه
ولا تعرقين وايد ليش تطلع ريحه؟؟؟؟
وسالتني اذا اكل ثوم او بصل لانها تسبب ريحه قتلها لاااااااااااااااااااا كلش
وعطتني غسول مطهر ودهان مضاد حيوي و ديودرنت لويس ويدمير......
منو تعرف شي يفيدني بمشكلتي ......
لاني صج تعبت من هالشغله خصوصا بالدوام والزوارات
وهم بالبيت عند زوجي لدرجة اني اتسبح 4 مرات باليوم عشان ما يشم معاي ريحه
مو زينه

 

[أأمار]

مساء الخير - انصحج باستعمال الشبه تخلطينها مع اي بودرة جسم تفضلينها وتحطينها بعد الاستحمام

 

[غلا_الكون]

مشكوره حبيبتي امار على الرد بس جربتها ما نفعتني

 

[~ غـــيـــر البِشـــر }}]

استعملي ديودرنت بايوت الرول رووووووووعه

وادعيلي

 

[!witcha!]

مو شرط بصل و ثوم بس كل واحد و جسمه شوفي حبيبتي انا سمعت انه السمج و التوابل تسبب روايح بالعرق حاولي تكثرين من الديودرنت بعد

 

[أم شهرزاد]

استخدمي صابونة ديتول رهيبة واذا خلصتي افركي باليمون ثم غسليى بالموية وابتعدي عن الصابونات المعطره

وشربي مع القهوه صعوط لانه يطرد السموم من جسمك مع شرب الميياة المعدنية (وان شاء الله تختفي الرائحه)

ومزيل العرق عند نكتار غير معطر


ونتمنى لك الشفاء

 

[قطوة@@]

رد : اتمنى احد يساعدني بمشكلتي

روحي لدكتورة ثانيه

 

[روح امها]

اخذي المسك المكعبات وبشريه وحطيه مع اي بودرة جسم
وعطري جسمج
في عطور للجسم وايد حلوة اخذي لج ورشي باليوم كذا مرة