اتمنى تفيدوني بخبرتكم

[ريم البوادي]

السلام عليكم ورحمه الله وبركاته
ومبارك عليكم الشهر وتقبل الله طاعاتكم

يا اهل الخبره حبيت تفيدوني وتنصحوني ونكون واقعين شوي

انا الحين والده وجبت ولد وتوني بالنفاس صارلي اليوم 12 يوم
خدامتي شهر 10 تخلص سنتينها وانا ماابي اقعدها بعد بوديها وبطلب خدامه جديده
الموضوع ومافيه ان خدامته بتكون معاي مده شهر ونص وبعد مااطلع من الاربعين واهي عارفه لبنتي من قبل وبعلمها على الولد وشلون تبدل البامبرز وتعطيه المميه بس اما التبديل انا ابدله اخاف تمصحه او ماتعرف له
واعلمها على البجي الزايد تعطيه ماي غريب

واذا حسيتي انه فيه صخونه تنزله لخالتي وتشوفه او وحده من حريم حمولتي اذا خاتلي مو موجوده

المهم الموضوع ومافيه ان بنتي عمرها 2 ونص ولدي توه مولود فاذا طلعت من الاربعين بتكون على جيه الخدامه الجديده
ومثل مانتو عارفين ان الخدامه ترى بعد ماتقدر تعابل 2 انا متخوفه من هالموضوع
فبكون بجازه مده اقل من شهر الاني ادرس وهذي اخر سنه لي بالكليه
فبعلم الخدامه على النظام الغساله بس الان غسالتي اوتوماتك
والمسح والكوي على المغرب انا امسك الولد لصغير واهيا تكوي وتمسح الارضيه

انا افكر اخلي خدامتي بشقتي وماانزلها تحت لخالتي الان بنتي يوم جبتها نزلتها تحت مأساه ومعاناه ماابي اتكلم فشفت يوم صعدت خدامتي بشقتي وخليتها تنظف وترتب وتشوف التلفزيون وتتريق فوق ووقت الغدى تنزل تحت تتغدى مع جمعه الخدامات

الحين انا ابي خبرتكم بالوضع لمن يصير البيبي 2

- بنتي شلون راح تتاقلم مع البيبي بشقتي وطقها للبيبي وغيرتها الان الحين بيت اهلي الوقع مسيطر عليه اما بشقتي راح تنام وماتقعد مبجر بس لاقعدت والخدامه تسوي لها اكل بتقعد تطق او تسحب البيبي

- شلون اتقبل الخدامه لاجت البيبي وبنتي
الان صج الخدامه اول ماتجي تكش وتحس ان المهمه صعبه


ابي خبرتكم وتجاربكم مع اللي تدرس او تدوام وعندها طفلين واحد فاهم شوي وواحد مولود ؟؟


اتمنى ماتخيبون املي فيكم وتفيدوني



يارب توفق الكل ويتقبل صيامنا وصيامكم وصالح اعاملنا


بنتظاركم

 

[ام سلوم 2]

رد : اتمنى تفيدوني بخبرتكم

بصراحه الله يعينج ويكون فى عونج انا عن نفسى ما احب الخدامه تمسك عيالى ولا تجيسهم ما احب نهائى وبالذات بهالسن حرام توهم صغار بس انتى يمكن ظروف دراستج هى اللى صعبه وما تنلامين مع انى اعتقد اليهال اهم من الدراسه يا حبيبتى هذى من وجهت نظرى كان الله فى عونج والله يخليهم لج والحمدالله على سلامتج

 

[أم يزيد &سديم&]

الله يعين التربية لأم مو للخدامة
لا صار لولدج شيء الله لا يقول
من المسئول

 

[حجيه هيونه]

اذا خدامتج القديمه زينه ليش تمشينها ؟ اذا اهي بتسافر هذا شي بس انتي تمشينها عشان كملت سنتين مادري مو شي

دام قديمه يعني تعرف كل شي وتعرف عوايدكم فخليها

 

[اشتياق]

اي صح قوليلها خل اجددلج سنه بعد خلج..

انا اذكر خدامتي اقعدت عندي 3سنوات بعدين سافرت لاهلها شهر وردت كملت الرابعه ..

يعني حاولي فيها تقعد او تروح شهر وتردلج ..احسنلج لا تبتلشين مع يديده ماتعرفينها شنو من وحده..

بالتوفيق يارب والله يعينا ويعينج..

 

[روحي تحبه غصب]

الله يعينج عالخدامه اليديده ومجابلها يقث

وخصوصا اذا عندج بيبي فالبيت

نصيحه خلي خدامتج تقعد لو سنه راح تكونين خلصت دراسه

 

[زهراء الركابي]

رد : اتمنى تفيدوني بخبرتكم

مممممممممممممممممممممممممممممممممممبروك يتربى بعزج

 

[ريم البوادي]

رد : اتمنى تفيدوني بخبرتكم

مشكورات حبايبي على الرد


باللنسبه للي قالت اعيالج اهم من الدراسه صراحه ماافدر اوقف قيدي على ابو انه البيبي صغير يعني شفرقت لا كبر شوي وصار 6 شهور برد ادوام يا موظفه او طالبه ادرس

يعني بنات صج لابد من ان البيبي تشوفه الخدامه لو انا متفرغه الخدامه بتمسكه جم ساعه مو 24 ساعه وياي
واهيا فتره وتعدي انشاءالله

ولمن اطلع اقول استودعك الله الذي لاتضيع ودائعه

بعد هذي الدنيا


بنات انتي مافدتوني بخبرتكم مو معقوله محد مرت بتجربتي وعنها ياهلين وعند الخدامه
معقوله كل اعيالكم بحضانه

مو معقوله


ابي خبرتكم بغيره اليهال لمن يكون في بيبي اصغر منه

وشلون تتعامل الخدامه معاهم وشلون النظام لاقعدو 2

يعني اخلي بنتي كله بالشقه وتلعب بالالعاب وتنادي بنات عمها على ماايي


بنات فيدوني لاتخيبون املي