والله شوفي انا اطلعت روحي كل سفره اليهال معاي ابوهم مايرضى يسافر من غيرهم وبصراحه انا من النوع اللي متعلقه باليهال وايد يعني اكيد لو بروح من غيرهم بقلبها مناحه بس والله العظيم لو بقولج سالفتي بآخر سفره بتضحكين وتبجين علي ...الله يسلمكم انا كل سنه وترك اروح استراليا تقدرون تقولون مقرر شسوي لي جلبنا بديره مشكله المهم انتوا تدرون الديره بعيده 13ساعه طيران والحبيب مايرضى يطب اترانزيت لا يخليها سمته وحده من دبي يقول احسن المهم كانت بنتي الصغيره الدعله ترضع رضاعه طبيعيه ماترضى تاخذ المميه المهم انا حاسبه احسابي لابسه قميص يتبطل من جدام والستيان مال مذركير وليش ما انسا شالي بمطار دبي هذا اللي بتغطى فيه ماعليه مو مشكله المهم نامت البنت بالطياره وعقب اربع ساعات توعت اتصرخ ماوهلتني افتح القميص طبعا زوجي متبري منا لانه يدخن وممنوع التدخين فا اعصابه بخشمه بس طارت الطياره قام شال شلايله وراح ورا قعد عشان ما اقرقه باليهال وبناتي يو يمي والدعله تفحط بحضني تخيلوا اشلون رضعتها؟؟ المضيفه وزعت علينا كفرات خذت الكفر بتغطى وارضعها اهي استنزلت اتصارخ واتشوت الكفر بريولها! واتسحب شيلتي واتصارخ والظاهر ان اذنها اتعورها والاجانب يمي منزعجين كل واحد يتأفف وانادي بزوجي واهو اطنش والبنت ماتركد اخرتها بنتي العوده وعليه مو من كبرها زفيتها زف عمرها 10 قلت لها مسكي الكفر معاي كشفتني هالثوله وظلت واقفه ماسكه الكفر سوت لي خيمه وانا ارضع هالجلبه حشاكم والله كل ما اتذكر اموت المهم بنتي ايدها طاحت قامت تبجي باسكات من غير صوت بس ادموع تقول يما ما خلصتوا؟؟ ترا تعبت وكل ما وقفت الحلب قومتها اتصارخ وااااااااااااااي مت مت اخرتها قلت مادري اقط الشرشف اخلي القرعه ترعى؟؟؟؟ والله مت المهم رحت الحمام معاها ماترضى اتزيد رحت ادور فيها بجعمها اخرتها رحت وحذفتها على ابوها ماصار خمس دقايق يابها يقول تبي ماما هههههههههههههههههههوعطيتها بفك وانطمت وارجعت تذكرت اتقول نانا وتسحب قميصي وطبعا يوم وصلنا ما اشوف ريلي الا رايح غرفة المدخنين وبعدها ما اوصف لكم شقا العربانه وتعالي لبسي الجاكيت وفصخي وتعالي بدلي الله يعزكم الحفاظه بالرحلات اتبهذل نصيحه اخذي اليهال اللي يفهمون الصغار خليهم عند امج ولا هالعذاب والله لي مواقف تشيب الراس /السفر مع ريلج حلو بس لايزيد ع اسبوع اقصد بروحكم يعني عشان اليهال وادري قرقتكم
