اجازة العيد في قطر ( تقرير شامل) حياكم

[Fouz]

السلام عليكم كويتيات
قررنا نروح قطر في اجازة عيد الأضحى اللي فات، دورت في المنتدى عن اي موضوع يفيدني عن قطر بس للأسف ما لقيت، اتمنى يكون تقريري مفيد و ممتع و خفيف ان شاءالله.

طبعا سافرنا على الكويتية العصر و الرحلة تقريبا ساعة ، وصلنا الدوحة و اجرنا سيارة من المطار و البركة بالخريطة و سيييدة الى الفندق

الفندق كان جراند ريجنسي بعيد عن الزحمة و بينه و بين المطار حوالي 10-15 دقيقة حسب الوضع، الفندق وايد حلو و هادي و خالي من الكحول، شوفو الصور معاي

الفندق من بره





و هذا اللوبي





و هذا الكافيه


منظر داخلي للفندق من قعدة الكافيه





هذي الصور صورتهم على ما وصلت الغرفة

 

[Fouz]

و هذي صور السويت، الصالة







عدة الشاي و القهوة


و الثلاجة

 

[Fouz]

و الحين غرفة النوم، هذا الكبت



السرير



التلفزيون




الحمام





هذول ريحتهم عجيبة



الفندق بصراحة حلو و اخذنا جونيور سويت وايد ارتحنا فيه خاصة اذا مالج خلق تطلعين تحسين المكان سعيو اهم شي انه نظيف و الخدمة حلوة و مافيه كحول و لا اشياء تضايق الحمدلله

خلصنا من الفندق و ان شاءالله راح اكمل باجي الرحلة اللي قضيناها غالبا بالمجمعات و الكافيهات

 

[Fouz]

هذا اول مجمع دخلته و كان قريب من فندقنا اسمه رويال بلازا

المجمع حلو و هادي و فيه باريس جاليري و لوكسيتان و سينمات و جم كافيه و السرداب فيه محلا تبيع انتيكات و تحف، اخليكم مع الصور







و هذا الكافيه تريقنا فيه

 

[Fouz]

الحين اوريكم الصالون الأزرق انا اسميه الصالون الاخضر متأثرة بمحل الحلويات، المكان صغير و فيه ساعات و جناط و اكسسوارات منزلية و مكياج و فوق ملابس يهال،، غالبا كل المحل ماركات







و هذا المجمع وايد حبيته اسمه المول وايد حلو و ديكوره عجيب :icon30:







و نطروني اكمل لكم باجي الصور ان شاءالله، اتمنى انكم مستمتعين

 

[Fouz]

و هذا الأصمخ مول، غالبا محلات سنتر بوينت








و هذا اسمه حياة بلازا، عجبني وايد و فيه محل التعليم المبكر فادني وايد

 

[Fouz]

و هذا مجمع لاند مارك هم حلو و يونس يعني يسوى العنوة





اما المجمع الخطير فهو فيلاجيو، مجمع كبير و ماشاءالله شرح ما جنج بدولة خليجية مبدعين بالديكورات، السقف مسوينه جنه سما مغيمة يعني تحسين انج تتمشين بره مو بمجمع، و فيه ممر مائي تركبين مركب صغير تتمشين بين بعض المحلات، اعطيه 5 نجوم، شوفوا و حكموا

فيلاجيو من بره

 

[Fouz]

فيلاجيو من داخل









و هذا الممر المائي





صالة التزلج و حواليها مطاعم مختلفة هندي لبناني ايطالي فاست فود ...

 

[Fouz]

اكستنشن الماركات
حده عجيب و حتى ديكوراته تفرق عن باجي المول، المحلات وايدة بس ما قدرت اصور كل شي، حياكم













حبيب الشعب

 

[Fouz]

أسوا ذكرى لي بهالمكان كانت بكافيه
هذا الكافيه ما انصح فيه الله يزيد النعمة أول مرة اشرب شاي مو حلو بعد الشاي شاي هذا فيه زفرة استغفرالله و الكيكة اعيز اقول ثقييييلة ما اذكر اسم الكافيه بس اهو مجابل الممر المائي و يم عطورات الجزيرة






هني خلصنا من فيلاجيو و باجي لنا محطتين و نختم التقرير، اتمنى انكم تستمتعون بالتقرير

 

[Fouz]

جولتنا الحين في سيتي سنتر

المول روعة وواسع و شرح و بالوسط صالة تزلج ممكن تطلين عليها من كل الادوار، المحلات و المكاعم ماشاءالله متنوعة














صالة التزلج

 

[Fouz]

هذا المكان حبيته بشكل مو طبيعي، سوق واقف شي فظيع و يردج حق ايام اول،، البساطة في كل شي













مصلح الساعات بالممر


الهندي اللي شريت منه خلطات



الشاي بقهوة عشيرج


لزوم الوسواس القلاص ورق

 

[b6o6a]

خووش موضوع

مشكوره عالتقرير

وصاجه ما عندنا معلومات كافيه عن قطر

توني اشوف مجمعاتهم

 

[Fouz]

جولة خفيفة في الشوارع، تبارك الرحمن الزحمة مو موجودة مثل ماهي عندنا بالكويت، بس يعزون الدوار بشكل رهيب بين كل دوار و دوار اكو دوار، اول مرة اشوف دوار تحت جسر








هذا احنا داشين الدوار




هذا اعلان عن انشاء مدينة تشبه فينيسيا







و هذا التاكسي مالهم ما تحصلينه الا بالتفك، اللي بيروح ياجر سيارة لا يتوهق، لونه شذري و اسمه كروة

 

[Fouz]

هذا المحل صورته و احنا نحوس لفت نظري الاسم





واللي ياعت و اهي تشوف التقرير مالها الا هالمطعم





واكو شي لاحظته ان كل الشباب غترة و عقال بوكركوشة طويلة و لااااازم تكرمون نعال تميمة و هذي التميمة حق اللي ما يعرفها

صور عجيبة
نعال


و هذي عاد قلت ابد ما اطوفها، شوفوا اشكبرها هههههه

 

[Fouz]

ختاما اتمنى ان التقرير عجبكم و عطاكم فكرة عن قطر حق اللي تحب تزورها :eh_s(7):

 

[جنون العشق]

تسلم ايدك



خوش موضوع تبارك الرحمن



يارب يسعدك ويبارك فيك

 

[Fouz]

حياج الله بطوطة نورتي الموضوع

 

[Fouz]

الله يسلمج جنون العشق نورتينا و مشكورة على الدعوة الحلوة

 

[Fouz]

عفوا حبيت اصحح معلومة الرحلة كانت في عيد الفطر اللي فات مو عيد الاضحى