بطاقات الدعوة
بطاقة الدعوة دايما عادية بس اهتم بدعوة الادارة والمدرسات الي عيالهم عندي
يعني يكون شغلهم مختلف .. حسب الشغلات الي احصلهم بسوق بومية واركب شغلات على بعض لين اطلع شكل مميز ومختلف .. ومرات اشتري برواز صغيرون واحط له قاعدة سعف من بومية واحط يمه سراج من ابومية كذلك ومهفه وحلاوة داخل سله صغيرونه هم من بومية يعني كله الشغل على بعضه يطلع ستمية فلس او اكثر شوية ومرات يكون عرايس صغيرونين واحط بينهم سله وفيها حلاوة او دهن عود واربط معاهم الدعوة والخ الخ
*الفقرة الترحيبيه بالنشاط
حسب الاغنية الي بدخل صفي عليها .. حسب يعني .. مرة من المرات دخلت الاطفال على اغنية السندريلا لفايز السعيد على اساس انه الام هي سندريلا البيت وكان لبسهم تنكري وملبستهم القلايد الي تشب بالظلمة وهم شايلين بطاقات تلمع بالظلمة حلو كان شغلي وخوش دخله لهم... ومرة حطيت لهم اغنية معاريس ودخلت البنات بلبس عرايس والصبيان بشوت ودشاديش كانت خوش دخله هم.. وبعض المدرسات يطلبون لبس كول يعني جنزات وفنايل بيض ويحطون عليهم اكسسوارات حسب فقرتهم وهلم جراً
وانا احب قبلها ارحب بالامهات بكلمات شعر عن الام ومرات احط اغنية للجسمي اسمها [ امي ياغلا الدنيا ] احس غير هالاغنية
والمسابقات بالنشاط حسب المزاج بهذاك اليوم هههههههه
واغلب شي مسابقاتي اخر لحضة أألفهم واطلعهم باخر لحضه
* الدرس
والله حسب الخبره كل مرة خبرة غير
ودايما نحرص انه المثير يكون كوميدي شوي عشان يخلي الجو فرفشه مو كآبه
لانه الامهات مايهمهم الا انه عيالهم يجاوبون ويشاركون مع ابلاتهم
وكل عام وانتي بخير
