اجهاض اول مرة و محتاجتكم وايد

[Um Tuki]

سلام عليكم جميعا

انا ام لطفلين

وهذي ثالث حملة لي

قببل شهر تأخرت علي الدورة ولما حللت طلعت حامل ورحت حق تلفزيون

بعدها بثلاث ايام نزل علي دم خفيف

فرحت مرة ثانية للدكتورة وقالت ان البيبي مافيه نبض يعني ميت

والحين صار لي شهر ينزل علي دم و قطع

رحت امس سويت تلفزيون قالوالي ان اللي نزل وصخ و البيبي. مازال موجود

واذا خلال10 ايام مانزل راح يسوون لي تنظيف

اليوم الصبح عطست جان ينزل علي دم بقوة بقووووة

الارض و الطوفة كلها تلعوزت دم و نزلت قطعة كبيرة

قلت هذا اكيد الجنين نزل

رحت الطواريء على طول


و الصدمة ان البيبي موجوووووود


وقالوا لي خلال اسبوع اذا مانزل لازم اراجعهم

و ان مايقدرون يسوون لي تنظيف


ساعدووووني شاسوي


متغربلة


المشيمة نزل خلاص

و الجنين ميت في بطني

شاسوي شلون انزله بدون ما يحوسون و يلعبون فيني

اليوم تعذبت

التراساوند من تحت و حطت يدها تقيس كم مفتوح الرحم

للعلم عمر الجنين توقف على 8 اسابيع



ساعدوني جزاكم الله خير

 

[نبض السعاده]

الله يعوووضج خير

روحي للمستشفي اعلم بحالج

 

[tota77]

الله يعوضج يارب

انا اجهضت وكان عمره ٥ اسابيع ونزل علي دم وقالولي تعتبر دوره متاخره لان ماكان في نبض
ولا شافوا الجيس .

وعطتني حبوب وتحميله عشان يتنظف الرحم وكانت عمتي تسويلي رشاد عشان ينظف

بعدها سويت سونار داخلي والرحم كان نظيف ..

انا هذي كانت تجربتي وانشالله البنات مايقصرون معاج بالي يعرفونه

 

[أأأميرة الورد]

الله يعوضج ان شالله

بس دام ثمانيه اسابيع البيبي شووي كبير انتي روحي واطلبي تنظيفات احسن لج

بالبيت راح تتعبين وايد وراح تنزفين والتنظيفات الحمدالله سهالات وفرصة الحمل وراها اكبر

الله يقومج بالسلامه

 

[شيخه كويتية]

انا تجربتي نزل علي دم بعد ماركبت طيارتي بعطله العيد نزل مني دم رحت الطوارى فحصتني وحطت السونار قالت فقدنا البيبي عطتني مسكن ماحتجته
لان امي قالتلي عباره عن دوره متاخره كنت ٦ اسابيع
نزل علي سبوع ووقف كنت اشرب دارسين وزنجبيل واتدفى واخر يومً حطيت بيتادين بعدها فحصت بسونار داخلي قالتلي رحمج نظيف ولله الحمد

واذا بتحملين نطري بعد اول دوره بعد الاجهاض لان رحمج ماتوسع




هذي تجربتي انتي روحي حق دكتور زين


ان شاءالله مافيج الا العافيه اهم شي لا تجهدين روحج

 

[مذهلة2013]

نفسي حبيبتي كنت حامل حللت بعدها باسبوع نزل عليي دم وقالو لا بيبي ولاجيس ولا شيء كلشش
طاح على اساس دورة ومااحتاج تنظيف لانه اساسا اهي دورة متاخره طبعا هذا قالي لدكتور حيان ماعليه كلام طبعا احسن دكتور
بس انتي البيبي الظاهر اشوي كبير فـ تاكدي من رحمج
ربي يعوضنا بالطفل السليم المعافي

 

[baa6aa]

الله يعوضج ان شاء الله ويرزقج باللي تتمنينه يارب

الافضل تروحين حق استشاري او دكتور شاطر يعطيج الاكيد

 

[Um Tuki]

والله اني رحت كذا دكتور
مايقدرون يسوون تنظيف لليبي
لكن لو البيبي طاح و بقت المشيمة يسوون تنظيف

صار لي شهر انزف

و انا مافكر احمل الحمدلله عندي ٢ و بنتي صغيرة عمرها ١٠ شهور

 

[baa6aa]

مالج الا تنطرين و ربج يسهل و الله يخليلج عيالج يا رب و يحفظهم ويعوضج عن اللي راح

 

[كاكاووو]

أنا من راايي روحي الصباح الولاده تره وايد شاطرين .. وتره عمر ٨ أسابيع صغير تقديرين تنزلينه شربي أعشاب دارسين وزنجبيل
وخل امج تسوي حسووو تره ينظف عددل..

 

[طيبة83]

بس ما يصير ياخرونج

لان البيبي اذا تم ابطن امه ميت ممكن يسمم الام

انتي تراجعين في العسكري؟؟

انصحج تغيرين الدكتوره

 

[Aloe Vera]

الله يعوضج
و راجعي الدكتورة احسن

 

[# غنوجة بيبي #]

انا قبل مات فبطني بعد كان 13 اسبوع كبير


ما رضى يطلع الا بتنظيفات


لا تخافين

التنظيفات ما تخوف


ما تحسين بشي كلش


حتى عوار غزة الابره ما تحسينه


بنج كامل


تنامين و تقعدين تنصدمين انج مخلصه

الله يعوضج يا رب

 

[Um Tuki]

الحمدلله ع كل حال

ثاني يوم صادني نزيف حاد .. و زفت لحد ما ياني الأسعاف شالني

طبعا ترقد 3 ايام .. كانوا يعطوني حبوب عشان ينزل الباقي من الوصخ لأن الجنين طاح لما كنت انزف

و مانفع لحبوب


فـ سوولي عملية تنظيف .. وايد ناس خرعوني ان يعور ومادري شنو بس والله ولا تحسين بأي شي

لكن بعد الأجهاض في ألم فضيع بالظهر وان شاء الله اروح حق وحدة تمسدني

و الحين صار لي اسبوعين من ترخصت من الدختر

 

[Mrs.H]

حمدلله على سلاامتج وان شاء الله اخر مرة تتعورين

 

[baa6aa]

الحمدلله على سلامتج

 

[Um Tuki]

الله يسلمج اختي

 

[زينب 12]

الله يعوض عليج ,,
انا امس اجهضت ..
وقالت لي الدكتوره كثري ماي شربيي وايد عشان ينزل كل شي
والحين ينزل علي الدم مثل الدوره ,,

وانا اجهضت بالاسبوع السابع ,,

كثري ماي وايد
والمفروض تعطيج حبوب ينزله اريح لج من هالتنظيفات لان البيبي بعده صغير
انا ماعطتني الدكتوره حبوب
وبس قالت شربي ماي واستمري على الفولك اسد ,,

 

[Um Tuki]

خذيت لحبوب اللي ينزله 4 مرات .. يعني المجموع 12 حبة !!

و الحبة قوية تأثر ع المعدة

ما فاد .. عشان جذي سويت عملية التنظيف

 

[أم للغالي]

الحمد لله على سلامتتك اختي و ربي يعوض عليك و علي و على كل من اجهضت او حملت بحمل غير سليم

​