اجهاض بالسادس

[انا نفسي تحب]

السلام عليكم كويتيات تقبل الله طاعتكم
بصراحه انا محتاره ومتاكده انكم بتساعدوني وتريحوني
انا كنت حامل وتوفى البيبي ببطني بالشهر السادس بدون سبب يذكر:eh_s(11):
والحين لي تقريبا 20 يوم من الاجهاض والحمدالله ع كل حال قدر الله ماشاء فعل
حبيباتي انا عندي جم سؤال والله يريح قلب اللي ترد علي يارب
1 متي يصير التبويض من عقب الاجهاض يعني انا الحين لي20 يوم متي يكون التبويض لاني ودي احنل وانسي اللي صارلي وتعب النفسي اللي فيتي:yaaaaaarb وشنو مفروض اسوي الحين
ويصير احمل عقب الاجهاض ع طول ولا انطر شوي

طولت وقرقت ادري بس تحملوني شوي ماتقصروووون:eh_s(15):

 

[عاشقة هواك]

يا بعد عمري الله يعوض عليج يا قلبي والله مادري شقولج غير الي الله كاتبه بيصير خلي ايمانج بالله قوي وياارب يرزقج

 

[انا نفسي تحب]

الله يجزاج خير ماتقصرين والله يعوضنا خير ان شاء الله

 

[أأأميرة الورد]

الله يعوضج ان شالله بالحمل السليم

لازم تسوين تحاليل تشوفين سبب الاجهاض

علشان تتفادين المشاكل بالحمله اليايه

الله يرزقج

 

[نوفآ]

والله ما اعرفدبس حبيت ادعي
الله بعوضج ويصبر قلبج ويفرحج بالطفل السليم المعافى

 

[انصاريه قمره]

بعد عمري والله
الله يعوضج بالحمل الثابت انتي ريحي رحمج اقل شي 3 شعور وسوي تحاليل شامله وجيكي عالغده والاجسام المضاده

 

[حنووونه25]

الله يعوض بالحمل السليم الثابت
الاجهاض ممكن يكون من عنق الرحم يكون اضعيف ومايتحمل وزن البيبي بالسادس لان كبر فينفتح الرحم وتولدين او يكون طول عنق الرحم قصير
وهذا يبيله ربط عشان اتحافظين على حملج بس انتي سألي وسوي فحوصات تأكدي
ولازم اتظلين شهرين عالاقل مااتحملين اتريحين جسمج ورحمج عشان اذا حملتي مره ثانيه يكون حملج ثابت بإذن الله
واذا كنت ناويه اتحملين لازم تاخذين الفولك اسد شهرين قبل الحمال افضل عشان تقدرين اتحملين حمل سليم وبدون مشاكل
والله يرزقج بالي تتمنين

 

[شيهانه الهيلا]

مايا لو لج شنو السبب الله يعوضج يمكن خيره

 

[DivaQ8]

انا بعد مريت بتجربة اجهاض
و قلت مابي اسوي اي موانع للحمل لان مو انا الي احدد متى انسب وقت لي احمل فيه
الله سبحانه اهو الي يحدد هالشي و كل شي خيره من رب العالمين
خليت هالشي بيد الله
و بعد اجهاضي ياتني الدوره شهرين و بعدين حملت عقبها والحين انا بالتاسع
الحمدلله رب العالمين
خلي هالشي بيد الله وان شاءالله الله يرزقج الحمل السليم
و استمري على بريقنا بلان اذا كنتي تاخذينه فترة حملج لان فيه حديد و فوليك اسيد
واذا يتعب معدتج اخذي بس فوليك اسيد عشان يهيء الرحم حق الحمله اليايه

 

[حوريه ...]

حبيبتي اول شي الله يعوضج ويرزقج

لازم قبل تحملين تسوين فحوصات علشان مايتكرر معاج اللي صار

واذا عرفتي السبب عالجيه

وترا في حريم يحملون بعد اربعينهم

بس لان انتي البيبي توفا لازم تعرفبن شنو السبب

انتظري دورتج تجي وان شاءالله تحملين بعدها



الله يعوضج يارب

 

[@أم يوســـف@]

الله يعوضج يارب بالحمل السليم والذريه الصالحه عاجلا غير آجلا

 

[Om*Yousef]

حبيبتي والله حتى انا مريت بتجربه اجهاض وحاسه فيج والله ربي يصبرج ويرزقج :eh_s(17):

ان شاء الله تقدرين تحاولين اول ماتخلصين اربعينج لان الدوره بتنزل عادي وبترجع مثل اول ان شاء الله

 

[Aloe Vera]

الله يعوضج بالحمل السليم و الذرية الصالحة

هالاسئلة الافضل تستشيرين فيها الدكتورة علشان الفحوصات و التحاليل
و اعتقد لازم تريحين جسمج بعد الاجهاض لان بالسادس
و لازم فيتامينات

 

[انا نفسي تحب]

ماقصرتو حبايب قلبي ع الردود
وان شاء الله ربي يكتب اللي فيه الخير انا سالت الدكتوره عن التحاليل قالت مراح تفيدج بشي لان انا حملت من قبل والحمدالله وماكان معايا اي مشاكل
ماقصرتو وبحاول انطر جم شهر والله يجيب اللي فيه الخير

 

[انصاريه قمره]

ماقصرتو حبايب قلبي ع الردود
وان شاء الله ربي يكتب اللي فيه الخير انا سالت الدكتوره عن التحاليل قالت مراح تفيدج بشي لان انا حملت من قبل والحمدالله وماكان معايا اي مشاكل
ماقصرتو وبحاول انطر جم شهر والله يجيب اللي فيه الخير

ما عليج منها حبيبتي روحي المستوصف وسوي تحاليل شامله
انا الحمدالله يبت 3 بنات وما كان فيني شي وكلهم مشالله ولدتهم بالتاسع بدون أي مشاكل عقبها حملت وبالاسبوع الخامس سقطت ويوم سويت تحاليل طلعت فيني خمول بالغده الدرقيه وسببت لي اجهاض لاني ما كنت اخذ علاج والحين حامل بالسادس والله يتممه على خير انشالله وملتزمه بعلاج الغده

 

[زوجت الشمري]

حبيبي الله يعوضج احسن من ويعتبر ولاده مواجهاض ونفس ماقالوا البنت اعرفي اواذاحملتي سوي ربط

 

[ام محمد المسري]

صدقين من يومين سويت سونار مستشفى الصباح قالوا الياهل ميت بطني بِــ̯͡سّ للحين ماسولي ولاشي ايقولون نطري السبت نعطيج موعد تنظيفات وانا رحت عشان ينزل علي شي بني اصدمتني قالت لازم اتسوين تنزيل الله يعوضنا خير يارب ويرزقج

 

[مزآجيه!]

حبيبتي الله يمسح ع قلبج

ويكون شفيع لج هالبيبي ان شاءالله

ويعوضج ان شاءالله باللي أحسن منه

،

انتي سوي تحآليل ، ان شاءالله تعرفين السبب

وانا انصحج ما تحملين ع طول لان الرحم يبيله ٣ شهور عشان يرد لوضعه الطبيعي

وبهالفتره اخذي فترة نقاهه ، روحي مكة واشربي من ماي زمزم وامسحي فيه ع بطنج

غيّري جو ، أحسن من التفكير والمحاتاه وتحسبين الوقت وتتوترين

والله يرزقج ان شاءالله بالحمل السهل السليم التام :**

 

[انا نفسي تحب]

اي والله انا محتاجه تغير جو عقب اللي صارلي انا الحمدالله ادري انه خيره لي بس والله كل ماذكر شلون جذي صار واذكر المستشفي وشلون نزل اتعب زياده ابي شي يشيله من بالي كله

 

[rachaaa]

حبيبيتي ممكن سوال ماكان في اي اعراض قبل وفاة البيبي
احيانا لزام متابعه للحمل جيده