اجهضت بس هالشي طبيعي ولالا ؟

[black rose BH]

مرحبا يا حلوات

بنات بستشيركم بشغله وافيدوني انا طبيعيه ولالا

انا حملت واجهضت بالشهر الاول الحمدالله
الحين صارلي اسبوع نفسيتي عاديه تاثرت اول الايام وبجيت ورجعت طبيعيه بس من ايي الليل ابجي بدون اي سبب
اي سبب يعني مافي شي ببالي اصلا بس اصيح !
هل هالشي طبيعي ولالا
وهم خايفه لان فيني الم بظهري شوي وقريت بالنت ان اكثر الي يجهضون خلاص مايثبت الحمل عندهم لان ظهرهم يصير ضعيف هل هالشي صح ولالا ؟

وبس مشكورين والله يعوضني ويعوضكم خير يارب

 

[زين ودلال]

عادي طبيعي اللي تحسين فيه

اما سالفه ان ماراح يثبت الحمل ماله شغل

الله يرزقج ان شاء الله ويثبته

 

[زين ودلال]

عادي طبيعي اللي تحسين فيه

اما سالفه ان ماراح يثبت الحمل ماله شغل

الله يرزقج ان شاء الله ويثبته

 

[جوزائيه مغروره]

عادي حبيبتي والله يجعله طير من طيور الجنه انشالله

انا اجهضت قبل سنتين والحمدالله الحين حامل بالثامن

وعوار ظهرج عادي بس اذا زاد راجعي دكتورتج

 

[كاملة الدسم]

تعوذي من ابليس مامو الا العافية وياما بنات اجهضوا وحملوا ويابوا انتي راجعي عند دكتور احسلج

 

[black rose BH]

فديتكم ريحتوني الله يريح بالكم

مشكورين وايد

 

[احساس نادر]

منو الي قاص عليج لا تزيدين على نفسج هذا الشيطان قام يطلعلج افكار وخلاص انتهت الدنيا استغفري ربج وقري قران كل ماتضايقتي انا اجهضت والحين الحمدلله عندي ولد عادي ووحده اجهضت 3 مرات ورا بعض والحين عندها 2 وحامل بالثالث عااادي

 

[أأأميرة الورد]

الله يعوضج بالحمل السليم والثابت ياااارب

 

[FoFa stylish]

اساسا اللي اعرفه اللي تجهض تحمل بعده على طول
رفيجتي جهضت و حملت بعدها ب5 شهور و توها والده
ما عليج من كلام الناس اللي الله كاتبه بصير

 

[ملح الكون]

ماله شغل عوار الظهر يابرد ولا عضلات الظهر شاده روحي لطبيب افضل ..
البجي نفسيتج تعبانه والبجي يريح حاولي تقرين البقره ولا تسمعينها تريح ..
والله يرزقج بالحمل الكامل التام ..

 

[# غنوجة بيبي #]

شكووووو
منو قال؟؟
انا اجهضت السنه اللي طافت و الحين بالثامن ما شاء الله
حده ماله شغل
بس اول ثلاث شهور تلزمين الراحه و تنسدحين ...و من تدشين الرابع تعيشين طبيعيه

ماله شغل وحده اجهضت خلاص بتجهض
ترى 90%في بنات اجهضو و حملو و ثبت

ماله شغل

و ربي بيعوضج و خلي املج بربج قوي..الله ما اخذ منج هالشي الا عشان يردلج احسن منه و يختبر صبرج

قولي : الله آجرني في مصيبتي و اخلفلي خيرا منها

الله يعوضج يا رب بالحمل الثابت