اجهضت مرتين وطلع معاي تجلط بالدم?

[Badouraa]

السلام عليكم

خواتي انا مشكلتي اني اجهضت مرتين وعمر الجنين صغيييير حيل حتى النبض ما اسمعه اول حمل لي بعد شهرين والحمل الثاني بعده بشهرين يعني دورتين والثالثه احمل بس للاسف طلع معاي تجلط بالدم والحين اخذ بيبي اسبيرين وفوليك اسد وحبه ثالثه الحمدلله سؤالي بعد اجهاضين ممكن احمل بعد وانا اخذ هالادويه عن قريب والا اطول وخصوصا انه الحمل صغير مايتم له والا ينزل يالييييت اللي عندها الجواب ترد واللي ماتعرف تدعي لي احمل وبس مشكورين

 

[رتولة]

نفسي مشكلتي بالضبط
انا الحين حامل بالشهر الثامن عسي الله يتمم علي
عقب اجهاضات و تنظيفات
بالحمل هذا علي طول بيبي اسبرين ليما يشوفون الكيس بالسونار راح تاخذين كليكسان ابر عسي الله يتمم علي يارب ادعوليتقر عيني بشوفة ضناي لاتحاتين
انشاءالله بتحملين نص علاج المشكله معرفه السبب والحمدالله عرفتي السبب
عسي الله يرزقج بالحمل السليم وتقر عينج بشوفته

 

[Badouraa]

حبيبتي عسى الله يتمم عليج يارب وتقر عينج بشوفته واميين يارب ��

 

[Ranoon]

ان شاء الله تحملين وتاخذين إبر مثل ما قالت

رتولة
وعسى ربي يهون عليج رتولة وتولدين بسلامة
يا رب انا وانتي مواليد يناير ان شاء الله

 

[New_bride]

الله يعوضج خير يا رب

اللي اعرفه ان اذا حملتي يعطونج بالاضافه لهذي الادويه ابر مسيله تضربينها بالبيت

والشهر اللي ناويه تحملين فيه لازم تاخذين اسبرين

 

[سلطانة روحه]

الله يعوضج

اي لازم ابر سيوله و امورج تمام باذن الله

 

[جوري الغرام]

الله ييسر امورج ويرزج الحمل السليم اللي تقر عينج فيه

 

[نجمه السيد]

اني طوال فتره حملي جو سبرين الاهو البيببي سبرين وتالي غيرته لي الى اسبيكارد مخفض للكبار هم مايضرو بالعكس يزيدو من سيوله الدم ويمنعو تجلطات الدم لاني عندي فقر دم طوال حملي وهو اساسا عندي فكان معدل الدم في هبوط مستمر بس يارب امورش تمام

 

[Badouraa]

حبايبي ماقصرتوا عالردود طمنتوني��