احبه ويحبني

إنضم
6 مايو 2008
المشاركات
42
مستوى التفاعل
0
النقاط
0
بسم الله الرحمن الرحيم

خواتي الغاليات صراحه انا ذهلت من اللي قاعده اقراه من هالمشاكل اللي رفيجها واللي حبيبها
يا ربي لا تغضب علينا

وكلامي الحين موجه للبنااات اللي تقول عندها رفيج وحبيب واسمحيلي يمكن كلامي بيكون شديد اللهجة عليكم بس اعتبروني اختكم الكبيره وامون

الحين يعني انتي ساذجة لهدرجة مصدقة واحد من الشارع شفتيه ولحقج ولا عرفتيه بأي طريقة انه مغرم فيج ويبيج ؟ من صجج ؟

بس انا ما الومج لأن هالفئة من الشباب او الذئاب يعرفون البنت الساذجة شنو تبي بالضبط يعني معروف انها ما دخلت انسان من الشارع في حياتها الا لأنها حاسة انها تافه في هالدنيا وهذا عطاها الاحساس بالاهمية وانها شي مهم في حياته ويخاف عليها ويغار بعد عشتو عليها
صح ولا لا ؟

طيب وبعدين ؟ اكيد بيستمر معاج بمكالمات وهدايا وديري بالج على نفسج وانا اخاف عليج ومن هالكلام اللي يلف فيه عقل هالمسكينه اللي ما صدقت تلاقي احد يعطيها مثل هالكلام
صح؟
طيب وبعدين ؟ بيستمر جذي جم شهر وبعدين بطيح الميانه ويطلب اكثر ومع الوقت اكثر بالتدريج ومن غير ما تحس وفجأة تصحى لكن متى ؟

بعد ما تفوح الريحة ومثل ما يقولون البنت اللي مو مضبوطة لازم تفوح ريحتها لانها من سذاجتها تقول حق رفيجتها ورفيجتها تقول لفلانه وفلانه

طبعا اهيا في هالمرحلة في السما ما تحس شنو صاير بالارض وما يهمها الا رضى هالمخادع اللي عرفها شلون ينزل راسها ولما يتأكد ان خطته ماشية اوكي ياخذ اللي يبيه منها ويقولوها انتي مو واثقه فيني ملكيني نفسج !! والباجي عارفينه
طيب وبعدين ؟ راح يحذفها مثل ما يحذف جوتيه انتم بكرامه ويقولها مافي نصيب حاولي مرة اخرى



ترى سمعنا مثل هالسوالف شكثر ومع هذا انصدم لما اقرى المواضيع اللي ترفع ضغطي احبه ويحبني وهذا اللي اعتبره قمة التخلف


الحين تجزين ربج اللي عطاج نعمة الجمال ونعمة السمع ونعمة النظر بدال ماتحمدينه وتسخرين هالجوارح لطاعته تجازينه بمعصيته

الحين هذا اللي من الشارع عطاج هدية سخيفة صرتي له مثل العبده عنده ،وربج الل معطيج اكبر هدايا ونعم مالها اول من آخر وستر عليج ومازال الى آخر يوم ونعمته عليج تجازينه بالنكران ؟
ومع هذا ربج منتظر منج الرجوع له
ارجعي له
واهو الوحيد اللي يحبج لنفسج انتي وما ينظر منج اي مقابل غير عبادته
ارجعي ربج بانتظارج تبجين له وتشكين له من نفسج وهواج اللي سحبج لاسفل سافلين
وطلبي منه العون والثبات والستر

وراح يسامحج ويتوب عليج

وبتشوفين الراحة والانشراح اللي كنتي تتدورين عليه من زمان وضيعتيه

الله يهدينا ويهديكم ويبعد عنا وعنكم الحرام