احب طليقي ومابي اتزوج >>>> بس وهقت عمري

[دنيا التناقض]

ألسلام عليكم
حبيت اخبركم اني متابعه هالمنتدى بصمت وحابة اطرح مشكلتي لانه اجوف دايما ارائكم تشجع الوحده
وقبل كل شي اللي عنده رد طفولي وجاهل لا تتعب نفسهاا

انا بنت منفصله صار لي تقريبا 7 اشهر وليحين احب طليقي واتذكره بالخير
ومو قادره انساه بس الله كاتب الانفصال
بناااااات مشكلتي الحين بدت من اسبووعين
جافني شخص وانعجب بشكلي واايد وطلع معلوماتي واتصل لي ومن اول مكالمه خبرني انه يبي يخطبني
ويبي يتاكد اني مرتبطه او لا وخبرته اني منفصله

خله اخبركم بمواصفاته قبل المشكله
هو اكبر مني بسنتين وعازب ماتزوج من قبل و متخرج من بريطانيا وشغلته ممتازه وانساان انيق

يعني تقريبا بنات واايد مابيرفضوونه

انزين سؤالي هووو

اشمعنى انا يبيني ..

مع العلم لما سالته اهلك بيوافقون قالي عادي احنا ماعندنا هالسوالف وعادي عندنا
طبعا انا كلمته يومين بجوف شخصيته وبما اني مابي ادش بعلاقه خبرته انه يقدر يكلم اهله واييني لانه مابي اكلمه
وهو وافق
انزززززززين بنااااااات انا ليحين احب طليقي
واحس رووحي اني بصير خاينه لين تزوجت
احس باشيااء واايد واولها اني خايفه على مشاعره لانه ادري انه يحبني بس خبركم الاهل من يدشون بموضوع خربووه
احس روحي اجذب على عمري
هالشخص المتقدم مو ناقصه شي
ولكنه مصر عدل انه يتقدم لي
شاسووي
ارفض​

ومااعتبر خاينه لو وافقت ادش مقابله>>> اتوقع المطلقات بيفهمون هالنقطه اكثر
​

​

اتمنى اتوصل لحل بدون مااجرح الطرفين

والسموووحه


​

 

[بتبوتااا]

حياتي اذا اهو من نصيبج بتاخذينه وبعدين لا توقفين حياتج على طليقج الي يمكن ما يرد لج !

استخيري وهذي فرصه لج حبيبتي

 

[قلبي ابيض]

استخيري قبل كل شي << لاتقولين ليش اختارني الحمدالله الطلاق مايعيب المره ولا ينقص من مكانتها

والله يوفقج للخير

 

[Miss Cherry]

حبيبتي انا كنت مطلقه وتزوجت مره ثانيه .. وطليقي ماذكره الا بكل خير بس الظروف وماحصل نصيب

حياتي الدنيا فرص خلاص انتي مطلقه وفرصج بالزواج اقل .. طالما انه خطبج واحد مواصفاته زينه وشاريج شوفي نصيبج .. وانسي زوجج الأولي انتهت علاقتكم

انا انصحج لاني مجربه وماره بنفس التجربه ..


موفقه ان شالله

 

[قاهره عذالي]

رد : احب طليقي ومابي اتزوج >>>> بس وهقت عمري

لو يحبج طليقج

جان ردج

ما خلاج 7 شهور وورقة طلاقج معاج

كملي حياتج حبيبتي

واسئلي عن هالريال اللي يبي يتقدم عدل عدل عدل

والله يكتب لج اللي فيه الخير

ومن باعنا بعناه ولو كان غالي

 

[[[ عيون جابر ]]]

استخيري حبيبتي وانسي طليقج وعيشي حياتج ولاتفكرين بسالفة خاينه لأنج مو حلاله انتي حره

 

[رحيل المرافيء]

رد : احب طليقي ومابي اتزوج >>>> بس وهقت عمري

شوفي اذا مو مستعدة للزواج لاتتزوجين
يبيلج وقت بعد عشان تنسين ونفسيتج تتعدل
بس هم الدنيا فرص
واللي متقدم لج اذا يبيج قوليله ينطر شوي لين تهدأ نفسيتج

 

[-صاحبه السمو-]

رد: رد : احب طليقي ومابي اتزوج >>>> بس وهقت عمري

up
up
up

 

[dnyay_mll]

رد: رد : احب طليقي ومابي اتزوج >>>> بس وهقت عمري

انـزين مافكـرتي احتمـال في احد مطرشـه عليـج مثلا طليـقج؟؟

ليش على طول رضيتي تكلميـنه؟


الله يكتب لج اللي فيه الخيـر ان شاءالله

 

[rayare]

شوفي حبيبتي استخيري قبل لا تتخذين اي قرار
الله يوفقج ويكتبلج اللي فيه الخير

 

[rayare]

شوفي حبيبتي استخيري قبل لا تتخذين اي قرار
الله يوفقج ويسعدج

 

[املى كبير]

حبيبتى سالفتج انتى وطليقج هذى قسمه ونصيب وكل واحد راح بحال سبيله


انسيه وادعيله بالتوفيق وانتى شوفى حالج ...... مرد ابن ادم ينسى


اما هذا الاخاطبج مواصفاته فوق الممتزاة ولاتقولين شمعنى انا خلى ثقتج بنفسج قوويه لاتبين له عشان مايستغل هالفرصه


ولاتعطينه مجال وتاخذين وتعطين يبيج يدل بيت اهلج


والله يوفقج حبوبه

 

[bal8es]

امممممممممممم

حبوبه عيشي حياااتج وانسي الماضي وطليقج لو يبيج جان ردج باجر يتزوج ولا يرد عليج وانتي الخسرانه

 

[انت غلاي]

رد : احب طليقي ومابي اتزوج >>>> بس وهقت عمري

انا اقول لو اتصل عليك لا تردين عليه ابد
اللي قدر يجيب رقمك اكيد يقدر يجيب رقم اهلك
وحيااتك المفروض ماتوقف على طليقك استخيري والله يكتب لك اللي فيه الخير
اميييييييييييييييين

 

[صمــت_ALsHfaaH]

مانقدر نفيييدج بالشي الخير لج


صلي استخاره وربي بيكتب لج الخيييرر

وشوفي انتي مو خاينته لانج مو على ذمته

ادري تحبينه عشان جذي تحسسين بهالشي والله يلوم الي يلووووومج

الله يسسسسسعدج يارب

 

[Laidy n3ooma]

رد : احب طليقي ومابي اتزوج >>>> بس وهقت عمري

فرصه وياتج

يمكن ينسيج طليقج ويكون خير عليج

استخيري

والحين البنات مايونهم خطاطيب فما بالج المطلقه يعني هذي فرصه لج

 

[الأماكن]

الله يكتب لج اللي فيه الخير

​

 

[ام شووووق]

رد : احب طليقي ومابي اتزوج >>>> بس وهقت عمري

استخيري

 

[رمال من ذهب]

واااااااااااااااافقي فرصه لا تعوض

وماينسي الريال الا الريال الثاني

 

[الأميرة جوري]

ياقلبي لاتعبين نفسج عمر اللي يبي ما يطلق انتى تفكرين بطليقج ويمكن اهو نساج ....فتحى صفحه يديده وافقي مادام الريال زين وراح تحبينه وتنسين طليقج ....الله يوفقج