احب واحد وتعبت حيل :( ساعدوني

[عاشقة منصور]

السلام عليكم ورحمه الله وبركاته



بنات انا عمري 19 سنة و احب واحد اكبر مني ب7 شهههههور

الولد خلوق وثقيل ومحترم وما لقيت عليه شي


المشكله اني انخطب وايد وكل مرة ارفض بحجة اني ادرس وانا اول سنة بالجامعة

ما اقدر افارقه واخليه

كلمته كذا مرة اني انخطب ويعصب وكل يقول لا توافقين وغيري الموضوع وقبل كم شهر قاللي لو اعزمج بعرس اخوي راح تحضرين قلت اي !!!

قال واذا عرسي انا هني سكتت

بعدين قاللي بتحضرين وانتي لابسه النفنوف



احنا نسولف مرة قلت تصدق ودي اتزوج هالسنة لاني احب رقم 11
قاللي لا ان شاء الله عرسج 2013

وانا وين انطر لي 2013


اخاف يلعب علي ؟ شوروا علي شسوي


بليز بدون ردود جارحة

 

[توفـــا]

قوليله يوني خطاب وما اقدر اردهم اهلي مو راضين وفلمي عليه اشوي وقوليله تحرك تعال اخطبني ومن هل سوالف وشوفي ردت فعله اذا كان يحبج ويبيج ايي بس علي الاقل يخطبج مو شرط تتزوجين الحين بس علي الاقل تضمنين مايلعب عليج والله يكتبه من نصيبج اذا فيه خير لج ويوفقج يارب

 

[om deaj]

خل على الاقل يكلم امه تخبطج ويبين انه جد وعلى الاقل تشوفين اذااهلج بيوافقون عليه او لا ولا التعلق 3 سنين

الله يوفقج يارب

 

[التاجره الامينه]

اختي قوليليه اذا تبيني تعال اخطبني رسمي وجدام الناس حتى لو تاخر الزواج لـ 2013
على الاقل اضمنلج
او شنو الضمان على استمرار هلـ علاقه
وبعدين لا تزعلين حبيبتي والله انتي بهلـ عمر مع كل تقدم بسنه وسنتين تتغير نظرتج كليا

 

[كلنا نحب الكويت]

رفع

 

[lailosh]

الصراحه انتو الاثنين صغار على الزواج واخصوصا اهو يعني اهو ريال شلون ياخذج واهم بهل عمر وللحينه مايشتغل

ويمكن مو حاب سالفه الخطبه بس ؟ انتي شوفي رايه على سالفه ان بس ايي يخطبج من غير زواج

 

[malte]

رد : احب واحد وتعبت حيل ساعدوني

أختي عاشقه ترى وضعج غلط
أهو شيبي منج الحين دامه مو طالبج ألا بعد سنتين الله يحينا
وترى الشباب جي يضيعون وقت مع البنات ولي يت الصجيه قال لمه يمه دوريلي على بنيه!!
نصيحتي أنج تنسحبين من هالعلاقه الي ماينعرف شآخرتها ولا تعلقين نصيبج فيه ولاتردين خطاطيب زنين عشانه
وحتى لو صدق وتقدم لج بيصير شكاك وحكره وايد لأنه يخاف تطالعين غيره
عشان جي أقول لج كسبي حياتج ولا تعلقين مصيرج بيد واحد توه ماعقل صغير 19سنه والله توه صغير

 

[EL jowhra]

رد: رد : احب واحد وتعبت حيل ساعدوني

أختي عاشقه ترى وضعج غلط
أهو شيبي منج الحين دامه مو طالبج ألا بعد سنتين الله يحينا
وترى الشباب جي يضيعون وقت مع البنات ولي يت الصجيه قال لمه يمه دوريلي على بنيه!!
نصيحتي أنج تنسحبين من هالعلاقه الي ماينعرف شآخرتها ولا تعلقين نصيبج فيه ولاتردين خطاطيب زنين عشانه
وحتى لو صدق وتقدم لج بيصير شكاك وحكره وايد لأنه يخاف تطالعين غيره
عشان جي أقول لج كسبي حياتج ولا تعلقين مصيرج بيد واحد توه ماعقل صغير 19سنه والله توه صغير

أنا معاج هذا الواقع

 

[عيون القرناس]

رد : احب واحد وتعبت حيل ساعدوني

اذا انتي تخافين على نفسج وسمعتج قوليله يافلان اذا تبيني اخطبني انا انحرجت من اهلي والخطاطيب اللي يبوني اذا انت صج تبيني وتحبني اخطبني
وفي شغله ترا الولد لاشاف البنت خايفه على نفسها وسمعتها يزيد احترامها اما اذا معطيته عاللاخر وبراحتك وكيفك وانا احبك وساكته صدقيني بطيحين من عينه وبيلعب عليج

 

[إيمي1987]

رد : احب واحد وتعبت حيل ساعدوني

حبوبة اذا صج يحبج وما يلعب عليج

لا تكلمينه وقطعي علاقتج فيه

بس اخر مكالمه له فيها شتقولين

قولي اذا تبيني الباب تدله

واذا صج يحبج ويبيج يثبت هالشيء


حتى لو سنه 2013 يبي يتزوج ع الاقل رسمي يكون

احسن بعدين ما تتعلقون اكثر ببعض وبعدين ما يكون نصيب لا سمح الله بجذي مو بس راح تتعبين حيل .. يمكن تتعبين اكثر واكثر ضعف التعب الي الحين

وعسى الله يجمعكم على الخير يا رب

تقبلي رايي :> اختي

 

[مناير ...!]

رد : احب واحد وتعبت حيل ساعدوني

خطبوا وخلو اهلكم يتعرفون على بعض رسمي
وتصير السالفه صج مو كلام يهالوو

 

[~ FOOSY ~]

رد : احب واحد وتعبت حيل ساعدوني

اب اب

 

[*الشيـــهـانـة*]

رد : احب واحد وتعبت حيل ساعدوني

توج صغيرة لاااحقه عالزواج ابعدي عنه لايقص عليج ويسوي فيج شي

 

[Tom ♥ Jerry]

رد : احب واحد وتعبت حيل ساعدوني

.


و الله مآدري بس آنتي صغيره و آهوه صغير !
من كلآمج مو مخلص دراسه ؟
يعني آنتي وآثقه آنه من يخلص دراسه على طول ايي يخطبج
اذا وآثقه من هالشي 100% نطريه و طوفي الرياييل الي ايون لج !
و اذا مو واثقه و تحسينه يلعب عليج قطعي علاقتج فيه من هاللحظه


:*

 

[باربية الكوووويت]

انا اقول اذا خطبوج ناس غيره امشي بنصيبج وقوليله باااااي انطر لي 2013 بروحك

حبيبتي لاتندمين وتنطرينه اذا ياج نصيب احسن وافقي وخلاص

والله يرزقج بالزوج الصالح

 

[ReeM ^ Style]

رد : احب واحد وتعبت حيل ساعدوني

هلا حبيبتي
انا اللي اشوفه لاتامنين فيه لان بيوم وليله ممكن يغير رايه

خلي كلامج واضح معاه تبيني تعال اخطبني
مو شرط نتزوج الحين على قولته 2013

الظاهر انه يبي يتاكد ان نهاية العالم مو ب2012
عشان مايقط فلوسه عالفاضي لوووووووووول

عالعموم الله يرزقج بالزوج الصالح

 

[برونزية رشيقة]

كل شباب هالوقت يمثلوووووووووووووووون الحب !!!

ماكو حب بهالزمن ديري بالج ..

جبلي دراستج ومستقبلج بدال مكالمات وحب وخرابيط ..

 

[ياليل مااطولك]

شوفي الحب بلوة ويتخيل لشخص انة ليمكن ان يترك محبوبة وهذا خطا كبير صحيح سوف تستمر الحزن علية لمدة شهر او اكثر ويكون بينكم المودة فقط ولو انة صادق بما يقول لماذا ليخطبك الخطبة الشرعية ثم بعد هاذا يتزوجك لو بعد كم سنة بس كذا حاظك زي المعلقة امكن يكون يلعب او يجد جديد في السنوات القادمة وردة الخطاب قد تردينهم ثم يهجرك وهنا الطامة الكبرا وهو اي الرجل لو عمرة 100 يستطيع ان يتزوج اما المراة لها عمر معين --------------وقد يكون في كلامي شي يصيق الصدر بس اقسم با الله اني احب لكي كما احب لنفسي لاننا في المنتدى كل يستفيد من الاخر بتجاربة وخبرتة

 

[أصدق شعور]

.

نصيحة اذا تقدم لج واحد زين ويستاهلج واااافقي .. اذا انتي تبين الزواج الحين لاتعلقين روحج باوهام يمكن ماايكون صادق معاج .. ولي تزوجتي بتنسينه وعلى ضماااااانتي .. لانج بتنشغلين

أعرف وحدة كانت تحب واحد لدرجة العشق ماااتصبر عنه ، كل يوم تقوله تعال اخطبني ويماطلها ، وهي صبرت بس لانها تحبه واخر شي لما شافت ان ماوراه الا وعود جذابة ، سحبت عليه وتزوجت واحد وماشاء الله الحين عايشة حياتها ومرتاحة ونست اللي كانت تحبه ماشاء الله ، واهم شي غيرت رقمها










/

 

[الصعيريه]

رد : احب واحد وتعبت حيل ساعدوني

اذا صااج بكلامه وله نيه يتزوجج خل يملج الحين والعرس على قولته ب2013

والله يكتبلج اللي فيه الخير