احتررت ؟ عطوني رايكم ؟؟؟؟

[عالية2012]

احترنااااا وابي مساعدتكم لندن او باريس او ميونخ وزيلامسي او تركيا



انا بخاطرررري لندن او باريس وللحين مصره على لندن بس ابي رايكم منو الاغلى فيهم والاحلى يعني التوب من هالدول اللي رزيتهم ؟؟؟؟؟؟؟؟؟؟؟

 

[ام مهاوش]

لندن وباريس طبعا اغلى ووايد
روحي الدول اللي مارحتيلها عشان تشوفينهم
وانا رحت لندن وباريس والنمسا والمانيا
وعندي احلى شي النمسا طبعا

 

[jen2n]

اذا تبين طبيعه النمسا
واذا تبين الوناسه فرنسا ولندن
اما تركيا ما أعجبتني بالمره مع أني رحت لها بالاشتا وبالثلج

 

[نـعـومـه]

سامعه النمسا طبيعه بس بدون اكشن وجذي

لندن للسوق والكافيهات واللويه وهم فيها ملاهي وجذي

فرنسا هم لويه وفيها ديزني وجذي

شوفي ميولج

 

[اخت خالتهم]

المانيا و النمسا و سويسرا كلهم ممكن تروحين لهم بسفرة وحده

و النمسا و فرنسا ممكن بسفرة وحده

تقدرين تضربين عصفورين بحجر

الصراحة النمسا ما تطوف من وجهة نظري

و لندن كلها عرررررررررب ما تحسين انج مسافرة

باريس حلوه بس حق ليلتين او ثلاث هذا اللي اعرفه

النمسا زيلامسي وكابرون و سال زبورغ و فيينا وايد حلوين
و تقدرين تروحين ميونخ و بادن بادن بألمانيا
و تقدرين تروحين ايطاليا بسيارة او عن طريق مكتب سياحي يوديج يوم كامل حق فينيسيا بايطاليا و تردين مرة ثانية النمسا


بس اذا تبين بس سوق ما تبين رحلات
روحي باريس او لندن