احتررت كيف اتعامل معاه ؟ !

[حلآوهـ حلوهـ]

السلام عليكم ورحمه الله وبركاته

شحالكم حبيباتي ؟ ان شاء الله بخير وسهاله
بدون مقدمات جد احترت كيف اتعامل مع ريلي !! :bbbiu:

نحن مالجين من9 شهور تقريبا ,, المهم بدايه الملجه كل شي كان اوكي والحمدالله
شوي شوي قال انتي وايد تستحين واسمحيلي انا ما احب هاذا الشي

اتجرأت بحدود المعقول الحمدالله وكل شي صار اوكيه
وبعدين قال انتي ماتسولفين وفعلا ماكنت اسولف بس الحين تغيرت ولحقت على عمري
وهو اعترف بهالشي اني تحسنت وقمت اسولف واضحك

ريلي يموت على الاهتمام ويحب اخليه رقم 1 بكل شي
وانا مب مقصصره معاه يعني اتصل فيه مرتين باليوم وارمس معاه بالبي بي ام
واشوف شو بخاطره ولا شي مضايقه ؟
ما اقصر باكلام الحلو :eh_s(11):

حسييته يدقق باصغر الاشياء ويخزنها ف قلبه وبيوم من الايام يقولي انتي قصرتي معاي
ويقعد يعدد لي هالاشياء وانا اكون منصدمه لان في اشياء تتطلع من الواحد لا ارادديا

وهو متفهم هاذا الشي بس بعد يواجهني ..
وانا انسانه ماقدر افهم الشخص الا اذا عششت معاه يعني اخواني كلهم اتنبأ بتصرفاتهم
وكلامهم وافعالهم وفعلا اعرف اتعامل معاهم عدل ! وحتى هم يقولون كي انتي جي؟
احبه والله يابنات بس مااقدر اترجم هاذا الحب وهو يعرف هاذا الشي

اي بعد طالعلي بموضوع شوفي خالتي كيف اتعاملني هاذي خالته قصه ثانيه احسهها عديلتي
استغفر الله ناشبتلي واتحسسني انه ريلها !
ويوم اسويله الاشياء اللي تسويها هي مايبين بعينه :eh_s(4):

يعني جد ابيكم اتساعدوني كيف اخلي كل شي يكون تووب !!
يقولي حاولي تفهميني بدون مااتكلم افهمي نظراتي افهميني :eh_s(2):

اتقبل النقد والنصييحه :eh_s(7): أحبكم

 

[حلآوهـ حلوهـ]

اي والحين مايرمسني يقول حاولي تجربيني منج !! لان الايام صصعبه ! ؟ ؟

 

[عزوتي خمس صقور]

الله يساعدج احس ريلج طبعه صعب
ان شاء البنات يفيدونج​

 

[barish]

ما له حق يقول لج جذي

انتوا للحين مالجين و ما خذيتوا على بعض

قولي له لا تحاسبني على كل كلمه لان ما نعرف بعض عدل

طبيعي تكونين حياويه

الايام يايه و الله يوفقكم

 

[يتيمة جابر العز]

هذا شي طبيعي لكل وحده تكلم زوجها بفترة الملجه صدقيني راح يتغير

بس اذا بترتاحين حاليا لاتكلمينه الحين قوليله خل نبعد فتره بسيطه

والله يسخره لج

 

[شــــــــــــــوقــــه]

ريلج دلوع

و اناني يبي كل شي حق نفسه بس مثل ما يقولون اناني بحبج

بس صراحه انا عن نفسي ما احب احد يقارني بشخص ثاني و يقعد بس بتذمر علي و يعدد عيوبي و ينسى الاشياء الزينة !!

اهو يتدلع عشان توكم بس نصيحة لا تعودينه ان اهوا كل شي بحياتج لان اهو يبي جذي ترى

احس يبي تقطين روحج عليه و بس

 

[orange blossom]

انتي صارحيه باللي قلتيه
دام انكم بعدكم بالملجه
و الله يهديه و يوفقكم انشالله

 

[قَلبڪْ صًخرْ]

عدل كلام شوقه
نفس الي بقوله

 

[i'm so happy]

مادري طبعه مو حلو اذا ماتفاهمتو الحين مااظن بعد الزواج في تفاهم

صعبه الواحد يتفاهم معاه شنو يحب وشنو يبي بالضبط الله يساعدج وان شاءالله البنات مايقصرون يفيدونج

 

[Pinky -cat]

لازم تكونين واضحة وصريحة وياه وتقولين له انا جذي وجذي وانا اعطيك شي حلو ولا تقلل من اهميته وقدره وانشالة بعطيك اكثر بس لا يتعود انج تعطين تعطين واهوا وين وين اللي يدور رضاج ورغباتج وما يثقل عليج ؟؟؟ وين اللي بيريج هاذا بيطلع
لج قرون مع الوقت لان يبيج كلج حقة تفكيرك وكيانج واهتمامج مو صح هالشي انتي وين نفسج وين شخصيتج حياتج ؟؟


اتوقع طبعه عسر ولازم تتكلمون ولا تحملين روحج فوق طاقتج بالعدال / اما سالفة امه فا انسي غسلي ايدج ترضينها
ما يترس عينهم الا التراب حبيبتي وجدامج شي ومن وراج شي ثاني طبيعي تحس بالغيرة منج وتبي طفرج سوي اللي
تقدرين عليه وعليج بالكلام الحلو لين تصيرون ببيت واحد حزتها يصير خير.


موفققققققققققة

 

[زوجة عزيز]

ماادري اشيبي بعد اخاف يبي تتكلمون بشي ----- انتي شوفي شنو بقلبه سمعيه الى الاخر يمكن عنده شي يبي يقولج تقربي منه على قولته الريال معاه حق يمكن يبي يحس بفتره الخطوبه يمكن يبي يسمع كلام حلو منج شوفي شاللي ناقصه وسويه له وليش كل هالفتره ملجه اذا اهو محتاجج لي هالدرجه عجلو الزواج

 

[شادن33]

يعني اشيبي منج !!!

دلع وكلام حلو عطيه بحدود

وخليه يحس فيج حبيبتي انتي بعد لج روح وشخصيه مو كل الاهتمام له !!

يمكن في خاطره شي !

بس نصيحه خليه يحس فيج في شعورج انتي بعد من الحين يمكن يحتاج وقت لين يفهم هالشي بس لازم يعرف ان انتي بعد محتاجه دلال واهتمام

 

[M!SS.LOBY]

يا قلبي تو الناس حاليا بفترة الملجة خل يصبر عليج

 

[عزيز قلبي]

قوليله حنا للحين بالملجه وما عشنا ابيت واحد عشان تاخذ كل شي مني
للحين في حدود بينا ولا صرنا ابيتنا شي ثاني بس ديري بالج شكله يبي يمحو شخصيتج
وبس يبي تنفيذ اوامره مافي مانع تشوفين شنو يحب وتسوينه لكن الشي اللي تشوفين ان ما عنده
حق فيه لا توافقينه عشان يعرف انج لج شخصيه وقرار وموفقه حياتي

 

[فوولي]

طبيعيي تكووونين حياويه


بس متىى عرسكم ؟؟

 

[oshi_q88]

آمكن عششآنه فرحآآن فييج يبيج ككلة معةة وتتكلمين معةة
الله يعيينج لآختتي

 

[شطانه طفله]

حبيبتي هذا فتره الخطبه شي طبيعي الرجال يصير حساس لانج مو ساكنه عنده فالرجال يتعب واذا صرتي معاه ان شاء الله راح يتحسن الوضع وايد

والله يهنيكم ويسعدكم يارب ويوفقكم ويرزقكم بالذريه الصالحه

 

[حلآوهـ حلوهـ]

تسلمون لي على الردود الحلوه ويعطيكم الف عافيه
بنات ترى هو يحبني والحمدالله مب مقصصر علي وماخذني عن حب بس حب الحلال
يعني محد فينا كان يكلم الثاني قبل الملجه كل واحد خاش بقلبه لوول ,, بس اللهم نظرات

وفعلا انا ماراح اتعدل الا اذا عشت معااه ! ساعتها راح اقدر اتصرف واشوف احتياجاته عدل
وبفهمه عدل يعني والله صعبه الحين !!

منوريين الموضوع =)

 

[انثى عاشقة]

شوفي سالفة يبي اهتمام كوم
وسالفة يقارنك بخالته ويبي تسوين نفسها كوم ثاني
من البداية لا تعطينه جووه في هالسالفة
انتي تتعاملين معاه من شخصيتك انتي وطريقتك انتي
مالك خص في خالته
فهميه هالنقطة زين
باجر تتعبين يبي دلع مثل جدته
وحنان نفس عمته وهلم جرا

انا ريلي فيه هالصفة وحيل متعبتني
صارحته وكلمته وفهمته انا غير ولي شخصيتي
ما طلبت منك تصير مثل ابوي مثلا
لاتطلب اصير نفس احد تبيه


الله يعين ع الرجال وتفكيرهم

 

[مذهلة2013]

حبيبتي المستحاه مافيها شيء اكيد كل بنت تستحي :\
والمفروض تقوليله انا صج من 9 شهور ملجنا بس مومعناته اعرفك عدل ؟؟؟؟؟؟؟
المفروض اذا متظايق من شيء يقولج اياه مو يعدد لج كل شيء

موفقه