احتفلتي ويا زوجج بمطعم او فندق .. تعالي شاركينا

[Patcholli]

مساء الخير :eh_s(7):


مثل ماهو موضح بالعنوان ..

:
:

::

احتفلتي مع زوجج بيوم زواج او يوم ميلاد او غيره .. وكان الاحتفال بورا البيت .. بمطعم او فندق مثلا .. ؟؟


يالليت تشاركينا وتحطين تجربتج القيمه ..

مع ذكر اسم المطعم و التجربه هل كانت حلوه وتستحق او كانت تجربه فاشله ..؟؟


شنو طلبتي .. وشنو جهزولج عالطاوله .. وشنو كان السبشل اوردر حق المناسبه ؟؟


ويالليت ذكر مكان المطعم وين بأي منطقه ..؟؟ وجم كلفج التجهيز ..؟؟


:eh_s(17)::eh_s(17):نبي الكل يشارك بليز حبيباتي :eh_s(17)::eh_s(17):




​

 

[انا لحبيبي .]

عندك مطعم الصنوبر سويت فيه عيد ميلاده ، بحكم اني لسه مخطوبه

جبت الكيكه من بره ، وكنت حاطه ورد احمر ع الطاوله وع الارض وطلبت الاكل

ولما دخلنا المطعم ودانا الجرسون ع طاولتنا ، وكان كل شي جاهز وبس قعدنا اجا الاكل

وبس خلصنا الاكل ، اجت الكيكه والمطعم بحطولك اغنيه هابي بير ذي

وخلص

وميلاده التاني ، رحنا على مطعم اتوقع جنب برج الحمام لقداام شوي مفتوح جديد ( صيني وستيك مع بعص ) ناسيه اسمه
كان اكلو كتير بجنن بس ما سويت شي هالمره بس عزومه وخلص .

وان شاء الله هالسنه بحتفل بميلاده بالبيت

 

[لمى الهاجري]

Iam single

 

[*Manoush*]

ولامرة سويت بمطعم كله بالبيت

بس الي يمدحونهم دايما

ايام زمان بالهولدي ان يحطون لج بارتشن ويترسونه تفافيخ وورد وشموع ويحطون لكم بوفيه صغير من كل طبق شوية
رفيجتي مسويته حق ريلها حيل تمدح شغلهم ذرابة ومرتب ،، والكيك يايبتها من برة

وطبعا لينوتر لايعلى على كابينته الي عالبحر خاطري اجربها

اذا نويت اسوي عيد ميلادة بمطعم خاطري اسويه بمطعم من مطاعم فندق ميسوني
مادري ليش عاجبني ان شاءالله هالسنة او الياية اشوف انا ومزاجي هههه

 

[sanyoretaQ8]

uppp

 

[Patcholli]

عندك مطعم الصنوبر سويت فيه عيد ميلاده ، بحكم اني لسه مخطوبه

جبت الكيكه من بره ، وكنت حاطه ورد احمر ع الطاوله وع الارض وطلبت الاكل

ولما دخلنا المطعم ودانا الجرسون ع طاولتنا ، وكان كل شي جاهز وبس قعدنا اجا الاكل

وبس خلصنا الاكل ، اجت الكيكه والمطعم بحطولك اغنيه هابي بير ذي

وخلص

وميلاده التاني ، رحنا على مطعم اتوقع جنب برج الحمام لقداام شوي مفتوح جديد ( صيني وستيك مع بعص ) ناسيه اسمه
كان اكلو كتير بجنن بس ما سويت شي هالمره بس عزومه وخلص .

وان شاء الله هالسنه بحتفل بميلاده بالبيت

عليكم بالعافيه والله يتمم عليكم يارب

مشكوره عالمشاركه الحلوه .. صح مطعم الصنوبر اكله حلو

بس المطعم الثاني ماعرفته اي واحد :eh_s(10):​

 

[Patcholli]

ولامرة سويت بمطعم كله بالبيت

بس الي يمدحونهم دايما

ايام زمان بالهولدي ان يحطون لج بارتشن ويترسونه تفافيخ وورد وشموع ويحطون لكم بوفيه صغير من كل طبق شوية
رفيجتي مسويته حق ريلها حيل تمدح شغلهم ذرابة ومرتب ،، والكيك يايبتها من برة

وطبعا لينوتر لايعلى على كابينته الي عالبحر خاطري اجربها

اذا نويت اسوي عيد ميلادة بمطعم خاطري اسويه بمطعم من مطاعم فندق ميسوني
مادري ليش عاجبني ان شاءالله هالسنة او الياية اشوف انا ومزاجي هههه

مثلج كله بالبيت .. بس عيدزواجي كان بالمطعم الايطالي بو 31 دورر التميسو مادري التسيمو .. وايد حلو جوههم وتجهيزهم روعه
عاد اليوم شفت وحده مسويه عيدميلاد زوجها بلنتور وحاطينلهم ورد ابيض وشموع بس مادري ليش ماحب اكله كلش ..

حتى انا متشوقه على ميسوني شكلي بجربه :eh_s(15):

 

[شادن33]

باتشولي ولامره بمطعم

 

[عالمي المجنون]

العام احتفلت بعيد ميلاده بمطعم المياس الي بالبدع

بس استحيت اقولهم يزينون الطاولة قبلها بيوم دقيت عليه سويت روحي تعبانة

و يوم وصل سكرت الليتات و حطيت الشموع و فاجأته حده كان مخترع و يحاتي الكيكة كنت طالبتها من سابليه بس حدها عجيبة

ع قلب الحب كبير لونها ابيض بديزاين وردي و لولو ع اطراف القلب و مكتوب بالنص " كل عام وانت حبيبي" احتفلنا

و اليوم الي بعده رحنا قطينا ولدي عند خالتي و رحنا تعشينا بالمطعم و بعدها رحنا سينما الافنيوز كنت حاجزة لنا فيلم

صج كان يوم حلو و طويل ردينا البيت حدنا هلكانين

 

[*Manoush*]

مثلج كله بالبيت .. بس عيدزواجي كان بالمطعم الايطالي بو 31 دورر التميسو مادري التسيمو .. وايد حلو جوههم وتجهيزهم روعه
عاد اليوم شفت وحده مسويه عيدميلاد زوجها بلنتور وحاطينلهم ورد ابيض وشموع بس مادري ليش ماحب اكله كلش ..

حتى انا متشوقه على ميسوني شكلي بجربه :eh_s(15):

الله يهنيكم ياقلبي :eh_s(17):
اي يبيله ميسوني الي تجربه قبل تكتب تجربتها يسوى ولا لأ

اوصح ذكرت مكان بعد
المقهى الانجليزي بالافنيوز phase 2 اهو اساسا مكانه بالشيراتون بس هم الي بالافنيوز اجوائه راقية ويصلح حق عيدميلاد بس موحق عشا لانه ماعندهم main corse كله خفايف وتوست وكيك
بس ترا غاااااالي حيل غالي ،، جربته اكثر من مرة كروحات عادية حيل يونس وحسيته يصلح حق مناسبة لانه راقي راااقي وذرب

يعطيج العافية حياتي خوووش موضوع بسييفه :eh_s(15):

 

[ورده عنابيه]

انا داشه ابوق افكار لعيد ميلاد زوجي شهر 5

 

[Patcholli]

العام احتفلت بعيد ميلاده بمطعم المياس الي بالبدع

بس استحيت اقولهم يزينون الطاولة قبلها بيوم دقيت عليه سويت روحي تعبانة

و يوم وصل سكرت الليتات و حطيت الشموع و فاجأته حده كان مخترع و يحاتي الكيكة كنت طالبتها من سابليه بس حدها عجيبة

ع قلب الحب كبير لونها ابيض بديزاين وردي و لولو ع اطراف القلب و مكتوب بالنص " كل عام وانت حبيبي" احتفلنا

و اليوم الي بعده رحنا قطينا ولدي عند خالتي و رحنا تعشينا بالمطعم و بعدها رحنا سينما الافنيوز كنت حاجزة لنا فيلم

صج كان يوم حلو و طويل ردينا البيت حدنا هلكانين

وايد حلو تخلين الاحتفال اكثر من يوم انا ابي جذي

ابي يوم نحتفل بمطعم او فندق وثاني يوم سينما ونحوس وجذي ..

 

[Patcholli]

الله يهنيكم ياقلبي :eh_s(17):
اي يبيله ميسوني الي تجربه قبل تكتب تجربتها يسوى ولا لأ

اوصح ذكرت مكان بعد
المقهى الانجليزي بالافنيوز phase 2 اهو اساسا مكانه بالشيراتون بس هم الي بالافنيوز اجوائه راقية ويصلح حق عيدميلاد بس موحق عشا لانه ماعندهم main corse كله خفايف وتوست وكيك
بس ترا غاااااالي حيل غالي ،، جربته اكثر من مرة كروحات عادية حيل يونس وحسيته يصلح حق مناسبة لانه راقي راااقي وذرب

يعطيج العافية حياتي خوووش موضوع بسييفه :eh_s(15):

والله شكلي بسويها وبحجز ميسوني عشا وغرفه واكتبلكم التجربه ..

واهو كل مره نمر يم مرينا كريسنت يقول خندش فندق مرينا نشوف المطعم والغرف بس كل مره اتعيز ..

هم ودي احجزله اهناك احس راح يستانس ..


منو تعرف شنو انواع المطاعم اللي بفندق المرينا ؟؟

 

[Patcholli]

باتشولي ولامره بمطعم

نفس الحاله .. لا وكل مره اخطط وحزة الحزه اتكيسل واقول السنه اليايه

 

[ام فهود وشهود]

��������������
امبييييييه بناااااات نفسسس الحاااال
عيد ميلاااد ريلي الاثنييين ٣/٢٦
مااادري ششسوي
انا شاريتله هديه بسسس ودي احتفل براا البيت
بس اخاااف من ردة فعله
السنه الي فاتت كنااا مسسافرين وصادف عيد ميلااده
بس الحين ماادري ودي بالبيت وودي برااا
واذاا بالبيت بخاطري بالوناات الهيليوم وين يبيعونهم او اذاا في توصيل ؟!!
وماتتقصصصرورن

 

[Patcholli]

^^

انا مثلج اخاف احجز فندق وينجلني او يصير شي ومايرضى يروح او يعاند لوول

وايد متردده مادري شلون بعض البنات حتى تذاكر سفر يحجزون انا مطعم وفندق ومتردده لوووووووووول

مادري عن بالونات الهيليوم ان شاء الله البنات يفيدونج ويفيدونا معاج يمكن تتبدل الفكره ونحتفل بالبيت راح نحتاج لبدائل ​

 

[ام فهود وشهود]

باتششششولي ههههههههههههه
والله انا مراااات افكر شششلون اقوووله اخاااف منه خخخخخخخخخ
والله ودي بس مادري شلووون صج صج اخااف ينجل
واذااا بالبيييت هممم عطوونا افكاررر حلووووة
����

 

[om MaRyooM]

السنة اللي طافت واللي قبلها كنا مسافرين
فأول ماوصلنا الفندق عطيته هديته كنت شاريتها من الكويت


بس المناسبات الثانية نفس ذكرى زواجنا لازم كل سنة في لانوتر البحر .. هذا عرف عندنا لوووول

وحده وناسة صراحة المطعم راقي واكله حلو مايقعد عالجبد

ناوية هالسنة (بما ان عيدميلاده بعد شهر) اعزمه على لانوتر بس هالمرة اقولهم يجهزون الطاولة من ورد وكيك

والله يعينا عالمصاريف لووووووول

 

[om MaRyooM]

تذكرت

والسنة اللي طافت بالنيويير حجزت بفندق النخيل سويتها مفاجأة
وايد استانس
بس للاسف الفندق فاااااااااااشل فشل ذريع
حرام عليهم دينار واحد

 

[Patcholli]

باتششششولي ههههههههههههه
والله انا مراااات افكر شششلون اقوووله اخاااف منه خخخخخخخخخ
والله ودي بس مادري شلووون صج صج اخااف ينجل
واذااا بالبيييت هممم عطوونا افكاررر حلووووة
??

looooooooooooool
جنج تتكلمين عني والله وايد احاتي هالشي انه يرفض او يقص ويهي او مايعجبه

لووووووووووووووووووووووووووووووووول جني بحول على خطة البيت

بالنسبه للبيت سألتلج اليوم عن بالونات الهيليوم قالولي عند الشناكل ..
50 بالونه اب 20 دينار ..

وفي وحده بالتويتر اسمها اونلي كيك ختظبطلج كيكه محترمه تلوق فيه ..

وخلي الهديه داخل الكيكه او عليها ..

وطبعا لازم كفر يديد وورد وشموع وخمبقه .. :ggdw:

وحلو تترسين البيت شموع وبالونات وورد.. وتحطين سلو ميوزيك ..

وناسه جو شاعري حده ..

اهم شي اليهال يتوزعون عشان يحس انه معرس توه